10 Oktyabr 2026 11:00
2389
Hüquq məsləhəti
A- A+
Bilmək istəyirəm

Bilmək istəyirəm


- Yaşayış binalarının aşağısında yerləşən obyektlərin sahibləri kommunal xidmət haqqı ödəməlidirlərmi? Əgər ödəməlidirlərsə, bu ödənişlər hansı tariflər əsasında hesablanır? Həmin obyektlər sakinlərin ümumi mülkiyyəti sayılırmı? 


Məhərrəm BAĞIROV,

Bakı şəhəri


- Qeyd edək ki, çox aktual və gündəlik təcrübədə tez-tez rast gəlinən mübahisəli məsələlərdən birinə toxunmusunuz. Sualınıza cavab olaraq bildiririk ki, bu məsələyə həm hüquqi məntiq, həm də cəmiyyət və qonşuluq münasibətləri kontekstində baxmaqda fayda var. 

Binanın aşağı hissəsində yerləşən  obyektlərin özləri (məsələn, mağaza, aptek, kafe və ya ofis) sakinlərin ümumi mülkiyyəti deyil. Mülki qanunvericiliyə görə, həmin obyektlər ayrıca daşınmaz əmlak obyektidir və onların xüsusi mülkiyyətçisi var. Həmin şəxsin adına mülkiyyət hüququnu təsdiq edən çıxarış mövcuddur. Lakin binanın ümumi əmlakı (zirzəmilər, fasadın dayaq konstruksiyaları, dam örtüyü, ümumi girişlər, pilləkən qəfəsləri, mühəndis kommunikasiya xətləri) binanın bütün mülkiyyətçilərinin, o cümlədən yaşayış sahəsi və qeyri-yaşayış sahəsinə malik şəxslərin mütənasib ümumi paylı mülkiyyətindədir.

Obyekt sahiblərinin kommunal xərclər ödəməsi ilə bağlı suala gəlincə, bəli, mütləq ödənməlidir. Nəzərə almaq lazımdır ki, binada sahəyə malik olan hər bir mülkiyyətçi (sahənin təyinatından asılı olmayaraq) ümumi əmlakın saxlanılması, təmiri və kommunal xərclərdə öz payına düşən hissəni ödəməyə borcludur. Təcrübə göstərir ki, obyekt fəaliyyət göstərdiyi müddətdə binanın ümumi kommunikasiya xətlərindən (kanalizasiya, su, elektrik) yararlanır, fasadından reklam üçün istifadə edir və binanın ümumi infrastrukturunun təhlükəsizliyindən faydalanır.

Xərclərin bölgüsü binadakı mənzilin və ya qeyri-yaşayış sahəsinin ümumi sahəyə olan nisbətinə əsasən aparılır. Məsələn, obyektin binanın ümumi sahəsindəki payı neçə faizdirsə, xərclərdə iştirakı da o qədər müəyyən edilir.

Azərbaycan Respublikasının Mənzil Məcəlləsinin 38.1-ci maddəsinə görə, çoxmənzilli binanın ümumi əmlakının saxlanması üzrə xərclər binanın sahə mülkiyyətçilərinin hesabına ödənilir. Həmçinin Məcəllənin 38.2-ci maddəsinin tələbinə əsasən, çoxmənzilli binanın sahə mülkiyyətçisinin hesabına ödənilən binanın ümumi əmlakının saxlanması üzrə məcburi xərclərdə mülkiyyətçinin payı onun binanın ümumi əmlakına mülkiyyət hüququnda payına mütənasib olaraq müəyyənləşdirilir.

Təcrübədə bəzi obyektlər (məsələn, kafe, iaşə obyektləri və ya ticarət mərkəzləri) adi mənzillərə nisbətən binanın ümumi infrastrukturuna daha çox yük (zibil, səs-küy, su və ya kanalizasiya təzyiqi) verdiyi üçün binanın idarəetmə qurumu (mənzil-tikinti kooperativi və s.) tərəfindən ümumi yığıncağın qərarı ilə hesablama qaydaları tətbiq oluna bilər. Lakin əsas prinsip sahə mütənasibliyi və faktiki yük balansıdır.

Hüquqi tələblərlə yanaşı, bu məsələ həm də qonşuluq etikası və sosial ədalət məsələsidir. Obyekt sahibləri də binanın ümumi problemlərinə biganə qalmamalı, sakinlərlə qarşılıqlı anlaşma və əməkdaşlıq şəraitində hərəkət etməlidirlər.

İdarəetmə qurumları və ya binanın seçilmiş nümayəndələri xərcləri hesablayarkən obyekt sahibləri ilə açıq dialoq qurmalı, yığılan vəsaitin hara xərcləndiyini şəffaf şəkildə göstərməlidirlər. Obyekt sahibi də başa düşməlidir ki, o, bu, binanın ictimai həyatının ayrılmaz hissəsidir.


Sualı cavablandırdı:

Paşa SƏFƏROV,

Azərbaycan Respublikası Vəkillər Kollegiyasının üzvü

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Prezidentlər İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub

09:47
21 Noyabr

Bilmək istəyirəm

09:45
21 Noyabr

Prezident İlham Əliyevin Vyetnam Prezidenti ilə geniş tərkibdə görüşü olub YENİLƏNƏCƏK

09:44
21 Noyabr

Prezident İlham Əliyevin Hanoyda rəsmi qarşılanma mərasimi olub

09:43
21 Noyabr

Paytaxt rayonlarında qarlı havalara hazırlıq tədbirləri başa çatıb

09:40
21 Noyabr

Azərbaycanın Şərqə uzanan strateji xətti: Vyetnamla yeni tərəfdaşlıq səhifəsi

09:35
21 Noyabr

"Qədər"ə dəxli olmayan qara statistika

09:35
21 Noyabr

Kukla Teatrında "Uşaq Hüquqları Aylığı" çərçivəsində tədbir keçirilib

09:30
21 Noyabr

Bakı-Hanoy əməkdaşlıq modeli tarixi dostluğun müasir iqtisadi tərəfdaşlıqla uzlaşdırılması nümunəsidir

09:25
21 Noyabr

Alim, yazıçı, publisist

09:25
21 Noyabr

Dövlətçilik, milli birlik və tarixi Zəfər yoluna aparan 34 il

09:22
21 Noyabr

İnsan talelərinə sığınan ömür

09:20
21 Noyabr

Müasir yaşayış binaları rahatlığın memarlıq nümunələridir

09:15
21 Noyabr

Qədim Qəbələnin zəngin şəhər mədəniyyəti 

09:10
21 Noyabr

Bakının daş abidələri

09:05
21 Noyabr

Gəncədə TECHERA şirkəti sərgi təşkil edəcək

09:00
21 Noyabr

Dünyanın ən böyük polimetal yataqlarından biri Balakəndədir

08:55
21 Noyabr

Azərbaycan daha bir beynəlxalq qiymətləndirmədə önə çıxıb

08:50
21 Noyabr

Məşğulluğun sınanmış modeli: dövlət-biznes tərəfdaşlığı

08:45
21 Noyabr

Neftverməni artırmaq üçün innovativ yanaşmalar və yeni texnologiyalardan istifadə olunur

08:40
21 Noyabr

Azərbaycan-Vyetnam münasibətləri yeni iqtisadi məzmun qazanır

08:35
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!