Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Mövsümi xəstəliklərə daha çox immun sistemi zəif olanlar yoluxur
Payızda havaların soyuması ilə bədənin müqaviməti azalır. Orqanizm zəiflədiyi üçün mövsümi xəstəliklərə yoluxma halları da artır.
Bu fəsildə daha çox rast gəlinən xəstəliklərə qrip (influenza), respirator virus infeksiyaları, bronxit, tonzillit və hətta koronavirus kimi tənəffüs yolları infeksiyaları daxildir.
Xəstəliklərin artmasının əsas səbəbi havanın temperaturunun aşağı düşməsi, bu hava şəraitinə uyğun infeksiyaların üstünlük qazanması və insanların qapalı mühitlərdə daha çox vaxt keçirməsi ilə bağlıdır. Viruslar qapalı məkanlarda daha sürətlə yayıldığı üçün yoluxma riski artır.
Əksər respirator xəstəliklər tənəffüs yollarına təsir göstərir
Mövzu ilə bağlı qəzetimizə açıqlama verən həkim-infeksionist Aişə Kərimovanın sözlərinə görə, son günlər payız fəslinin başlanması ilə birlikdə respirator virus infeksiyalarında artım müşahidə olunur: "Qrip virusu və digər respirator infeksiyalar xüsusilə yeni dərs ilinin başlaması və insanların iş yerlərinə geri qayıtması ilə daha sürətlə yayılmağa başlayır. Bu günlərdə tibb müəssisələrinə müraciətlərdə bu infeksiyalara bağlı halların çoxaldığını görürük. Mövsümi xəstəliklərə daha çox uşaqlar, yaşlılar və immun sistemi zəif olan insanlar yoluxurlar. Uşaqların immun sistemi hələ tam inkişaf etmədiyindən və məktəb, uşaq bağçası kimi yerlərdə bir-biriləri ilə sıx təmasda olduqları üçün onlar daha həssasdırlar. Yaşlılar isə bədənin immun cavabının zəifləməsi səbəbindən xəstəliklərə daha çox meyillidirlər. Eyni zamanda astma, şəkərli diabet və ürək-damar xəstəlikləri kimi xroniki xəstəlikləri olanlar infeksiyalara qarşı daha zəif olurlar".
Əksər respirator xəstəliklərin əsasən tənəffüs yollarına təsir göstərdiyini qeyd edən həkim-infeksionist bildirib ki, əlamətlər arasında burun axıntısı, boğaz ağrısı, öskürək, baş ağrısı, yüksək hərarət, bədən ağrıları və halsızlıq müşahidə olunur. Qrip hallarında daha yüksək hərarət, kəskin baş və əzələ ağrıları önə çıxır. Digər respirator virus xəstəliklərinin bir çoxu isə, adətən, daha yüngül əlamətlərlə özünü göstərir.
Zəncirvari yoluxmanın qarşısı alınmalıdır
Yoluxmanın qarşısını almaq üçün bir neçə vacib addım atılmalıdır. Aişə Kərimova deyib ki, bunların sırasında ilk növbədə mütəmadi əl yumaq və gigiyenik qaydalara riayət etmək dayanır: "Xüsusilə insanlarla sıx təmasda olan zaman əllərin sabunla yuyulması və ya dezinfeksiyaedici məhlullarla təmizlənməsi vacibdir. Həmçinin qripə qarşı peyvənd olmaq infeksiyanın qarşısını almağın effektiv yollarından biridir. Ölkəmizdə poliklinik xidmətlər çərçivəsində bu peyvənd əhaliyə təklif edilir. İldə bir dəfə payız mövsümünün başlanğıc dövründə immuniteti zəif olan insanlar peyvəndlənməlidir. Hər il həmin ilin ştamına uyğun peyvənd istehsal edilir. Hamilələrin, yaşlıların, 6 aydan böyük uşaqların xüsusən həssas qrup olaraq peyvənd etdirmələrində fayda vardır. Eyni zamanda qapalı və sıx məkanlarda maska taxmaq, sosial məsafəni qorumaq və otaqları havalandırmaq da yoluxma riskini azaldır".
Zəncirvari yoluxma, yəni bir nəfərin bir neçə başqa insana virusu yayması tənəffüs yolu infeksiyalarında çox yüksəkdir. Həkim-infeksionistin sözlərinə görə, qrip və koronavirus kimi viruslar insanın öskürməsi, asqırması və ya, sadəcə, danışması ilə belə havada yayıla bilər. Bir yoluxmuş şəxs qapalı məkanda çox sayda insanı xəstələndirə bilər. Buna görə də zəncirvari yoluxmanın qarşısını almaq üçün insanların xəstə olduqda evdə qalması və ictimai yerlərdən uzaq durması çox vacibdir.
Yoluxma əlamətləri hiss olunarsa, ilk növbədə həkimə müraciət edilməlidir. Ev şəraitində isə çoxlu maye qəbul etmək, istirahət etmək və özünü ətrafdan təcrid etmək vacibdir. Qrip və digər respirator infeksiyalar asanlıqla yayılır, ona görə də xəstə olan şəxsin digər insanlarla təmasdan qaçması, evdə maska taxması və ətrafdakıların da qorunması üçün gigiyena qaydalarına ciddi riayət etməsi məsləhətdir. Həkim məsləhəti olmadan antibiotik qəbul etməkdən çəkinmək lazımdır, çünki bu virus xəstəliklərində antibiotiklərin təsiri yoxdur.
Ülkər XASPOLADOVA,
"Azərbaycan"
Azərbaycan Respublikasının Vergi Məcəlləsində dəyişiklik edilməsi haqqında
“Benfika” korrupsiyada ittiham olunur
Sahil Babayev: Macarıstan Azərbaycanın etibarlı dostu və strateji tərəfdaşıdır
Fransa Ukraynaya yardımı azaldır
Samir Abasov: "Neftçi"yə qayıtdığım üçün çox xoşbəxtəm"
Harris Bloomberg-ə müsahibə verməkdən imtina edib
Tramp Baydeni büdcəni israf etməkdə ittiham edib
MOK-da Afrika Milli Olimpiya komitələrinin rəsmiləri ilə görüş keçirilib
Azərbaycan 2025-ci il üçün Rusiyada turizm potensialının inkişafı üzrə siyahıya daxil olub
Türkiyə yüzilliyində I Beynəlxalq Türk Diasporu Simpoziumu işə başlayıb
Cəlilabadda zəlzələ olub
Neft-qaz sektorunda çalışanların sayı açıqlanıb
Ağdam “Çay evi” olduğu kimi bərpa olunacaq
Britaniya parlamentinin Lordlar Palatasında COP29-a dəstək ifadə edilib
Ombudsman Aparatında yeni monitorinq qrupları yaradılıb
Moldova portalı: Prezident İlham Əliyev Aİ-nin Ermənistan-Azərbaycan sülh məsələsində neytrallığını saxlamalı olduğunu bildirib
Polşalı parlamentari Qərbi azərbaycanlıların məruz qaldıqları deportasiyalar barədə məlumatlandırılıb
Milli Məclisin növbəti iclasının gündəliyi bəlli olub
Mədəniyyət Nazirliyi ilə Təhsilin İnkişafı Fondu arasında əməkdaşlıq müqaviləsi imzalanıb
Nəsimi rayonunda saxlanılan 3 nəfərdən 8 kiloqram narkotik vasitə aşkarlanıb
İran Avropaya uçuşları dayandırdı
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!