28 Oktyabr 2026 08:30
981
Mədəniyyət
A- A+
"Uşaqlar sevinəndə sanki dünyanı mənə verirlər"

"Uşaqlar sevinəndə sanki dünyanı mənə verirlər"


Kukla Teatrının aparıcı aktyorlarından olan Rəhman Rəhmanov kiçik yaşlarından səhnənin vurğunu olub, 14 yaşından səhnəyə qədəm qoyub. Bu sevgi ilə də aktyorluq peşəsinə yiyələnib. 1973-cü ildə Akademik Milli Dram Teatrının yardımçı heyətinin üzvü, 1974-cü ildən isə A.Şaiq adına Azərbaycan Dövlət Kukla Teatrının aktyoru olub.

O, musiqi məktəbinin 4-cü sinfində oxuyanda Kukla Teatrının kollektivi səyyar tamaşa gətirir. Tamaşaya baxandan sonra onun üçün yeni dünya açılır. Rəhman Rəhmanov mətbuata açıqlamalarında bildirib ki, bundan bir neçə il sonra  təsadüfən bir elanla rastlaşıb: "Yazılmışdı ki, həvəskar aktyorlar axtarılır. Böyük həvəslə Lütfi Məmmədbəyovun 26-lar Mədəniyyət Sarayında fəaliyyət göstərən Xalq Teatrına getdim. Məndə nəsə gördülər, başladılar fərqli rollar verməyə. Onda mənim 13-14 yaşım olardı. İlyarım müxtəlif rollar oynadım. Bir gün Lütfi müəllim söhbət əsnasında bildirdi ki, yaxşı aktyorsan, gəl, səni Akademik Milli Dram Teatrının yardımçı heyətinə düzəldim. Həm professional səhnəni, həm də peşəkar aktyorları gör, onların tamaşalarına bax. Məmnuniyyətlə razılıq verib, orada işə başladım. Bir il sonra rejissor dostum teatrda mənə dedi ki, Rəhman, mən Kukla Teatrının rejissoruyam, bəlkə sən də ora gələsən. Həmin rejissorun köməyi ilə 1974-cü il iyunun 1-də teatra gəldim. Həm yer, həm də ali təhsilim olmadığına görə işə fəhlə kimi başladım. İlyarım fəhlə işlədim. O müddətdə mənə sınaq rolları verirdilər. Gördülər alınır, aktyor ştatına götürdülər. Beləliklə, taleyimi birdəfəlik bu teatrla bağladım. İlk rolum Anarın "Qaravəlli" əsəri əsasında hazırlanmış eyniadlı tamaşada Balaqədeş rolu oldu. Mən ən çox məhz o tamaşadan sonra kukla aktyoru kimi tanınmışam". 

İstər dramatik, istərsə də komediya rollarının mahir ifaçısı olan sənətkar eyni zamanda televiziyanın yumoristik verilişlərində də iştirak edirdi. Onun üçün rolun böyüyü-kiçiyi yox idi. Oynadığı bütün rollara məsuliyyətlə yanaşan aktyor səhnədə çoxsaylı obrazlar yaradıb. Xüsusən Kukla Teatrında fərqlənib.

Bu teatrın səhnəsində Əli Səmədlinin "Cubbulunun çərpələngi" (Div və qədeş), "Artıq tamah baş yarar" (Təpəgöz), Qeybulla Rəsulov və Ələsgər Səmədovun "Molla Nəsrəddin" (Molla Nəsrəddin), Abdulla Şaiqin "Üç nağıl" (Aparıcı), Anarın "Qaravəlli" (Balaqədeş), Rəhman Əlizadənin "Sindibadın xoşbəxtlik adasına səyahəti" (Oğru), "Hamam hamam içində" (Dəvə), "Damdabaca" (Polis), Mirzəağa Atəşin "Cırtdan" (Div), Hikmət Ziyanın "Əkiz qardaşlar" (Səfər), Sabir Məmmədovun "Tülkünün aqibəti" (Baş siçan), Nadir Zamanov və Məmməd Məmmədovun "Səfərin nağılı" (Xəlil), Əli Səmədlinin və Abdulla Qüdrətin "Əzablı günlərin sonu" (Qoca zənci), Rada Moskovanın "Hara qaçırsan dayça" (Balaqan sahib), Vaymil Rabadinin "Zəncirlənmiş Pəri" (Zalım), Əli Vəliyevin "Madarın dastanı" (əkinçi), Eldəniz Quliyev və Azər Əbilovun "Dədə Qorqud" (Təpəgöz), Şahmar Hüseynovun "Sehrli güzgü" (Baba), Firuz Məmmədovun "Ac qulağım, dinc qulağım" (Buğa), Rada Moskovanın "Əlibaba və qırx quldur" (Qasım), Həsənağa Hüseynovun "Saz əhvalatı" (Ayı və timsah), Əyyub Abbasovun "Şəngülüm-şüngülüm" tamaşalarında iştirak edib. R.Rəhmanov 2006-cı ildə monotamaşalar festivalında Əyyub Abbasovun "Şəngülüm, şüngülüm" tamaşasındakı uğurlu çıxışına görə "Qızıl dərviş" mükafatına layiq görülüb.  Səhnədəki çıxışları ilə  hər zaman alqışlanan və sevilən 70 yaşlı istedadlı Əməkdar artist Rəhman Rəhmanov 50 ildən çox səhnə fəaliyyətinə nəzər salanda həmişə deyir: "Mənim teatr sarıdan bəxtim gətirib. Rəhmətlik Həsən Turabov, Əliabbas Qədirov Milli Dram Teatrının direktoru olanda məni dəvət ediblər, getməmişəm. Hacıbaba Bağırov, Səyavuş Aslan Musiqili Komediya Teatrının direktoru olanda dəvət etdilər, yenə razılaşmadım. Həmişə bu teatra sadiq olmuşam. Uşaqlarla işləmək çox xoşdur. Bəzən 200-ə yaxın uşaq hamısı  dinməzcə tamaşaya baxır. Birdən özləri o tamaşanın personajları olurlar, özlərindən asılı olmayaraq səhnəyə qalxırlar. Uşaqlar sevinəndə sanki dünyanı mənə verirlər".


Rəhman SALMANLI, 

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!