Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Qarabağın tacı, mədəniyyət paytaxtımız Şuşa dünən növbəti köç karvanını qarşıladı. Bu mərhələdə şəhərə respublikamızın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış 16 ailə - 60 nəfər geri dönüb. Bununla da Şuşada 220 ailənin, yəni 823 nəfərin daimi məskunlaşması təmin edilib.
Qarabağ və Şərqi Zəngəzur indi nəhəng tikinti meydanını xatırladır. Füzulidən Kəlbəcərə, Zəngilandan Suqovuşana kimi böyük bir ərazi dövlətimizin öz imkanları, Prezident, Müzəffər Ali Baş Komandan İlham Əliyevin xüsusi diqqəti ilə yenidən qurulur, bərpa edilir. Düşmənin 30 ilə yaxın davam edən işğal dövründə daşı daş üstə qoymadığı doğma yurd yerlərimizə yeni həyat verilir, şəhər və kəndlərimizdə yenidən həyat qaynamağa başlayır. Bütün bunlar Azərbaycanın Vətən müharibəsində və antiterror əməliyyatlarındakı zəfərlərinin quruculuq meydanındakı davamıdır. Eyni zamanda Qarabağ və Şərqi Zəngəzurda aparılan kompleks bərpa və yenidənqurma işləri Prezident İlham Əliyevin azad edilmiş əraziləri ən müasir standartlar səviyyəsində bərpa etmək əzminin, dövlətimizin iqtisadi gücünün təcəssümüdür.
Qarabağın quruculuğunun və Böyük qayıdışın ünvanlarından biri də Şuşadır. Şuşa xalqımızın elə bir mənəvi xəzinəsidir ki, işğal dövründə düşmən nə qədər cəhdlər göstərsə də, bu şəhərin qəddini əyə bilməyib. İşğalçılar nə qədər çalışsalar da, şəhərin tarixi simasını dəyişə, onu erməniləşdirə bilməyiblər. Şuşanın keçmişini silmək üçün düşmənin bütün cəhdləri uğursuz alınıb. Buna görə ermənilər Şuşada insanlığa ləkə gətirən vandallıq ediblər, şəhərin xalqımızın keçmişini özündə əks etdirən tarixi binalarını, mədəniyyət abidələrini, məscidlərini dağıdıblar.
Qala şəhərimizdə 4 ilə yaxın dövrdə aparılan bərpa və quruculuq işlərinin miqyası olduqca möhtəşəmdir. Şəhər kompleks bərpa edilir. Həm yeni infrastrukturlar yaradılır, həm tarixi binalar və mədəniyyət abidələri bərpa edilir, həm də yaşayış kompleksləri salınır. Bir sözlə, Şuşa tarixi şöhrətini özünə qaytarır.
Bu ilin may ayından isə şuşalılar doğma şəhərlərində yaşamağa başlayıblar. Mayın 10-da Prezidenti İlham Əliyev və birinci xanım Mehriban Əliyeva Şuşada birinci yaşayış kompleksinin açılışında iştirak ediblər və şəhərə köçmüş ilk sakinlərlə görüşüblər. Həmin vaxtdan etibarən şuşalıların mərhələli şəkildə doğma şəhərə qayıdışı başlayıb.
Dünən doğma yurda qayıdan Şuşa şəhəri sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər. Onlar həmçinin torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, ailələrinə səbir diləyiblər.
Xatırladaq ki, indiyədək 2163 ailə - 8330 nəfər əzəli yurdlarına geri dönüb. 175 ailə (871 nəfər) Zəngilan rayonunun Ağalı kəndində, 20 ailə (90 nəfər) Tərtər rayonunun Talış kəndində, 570 ailə (2090 nəfər) Laçın şəhərində, 822 ailə (3132 nəfər) Füzuli şəhərində, 217 ailə (823 nəfər) Laçın rayonunun Zabux kəndində, 59 ailə (215 nəfər) Laçın rayonunun Sus kəndində, 220 ailə (823 nəfər) Şuşa şəhərində, 44 ailə (169 nəfər) Xocalı şəhərində, 36 ailə (117 nəfər) Cəbrayıl şəhərində məskunlaşıb.
Rəşad CƏFƏRLİ,
"Azərbaycan"
UNESCO Rabat şəhərini 2026-cı ildə dünyanın kitab paytaxtı elan edib
Pakistan Senatının sədri: Ölkəmiz Bakıda keçiriləcək COP29-da layiqincə təmsil olunacaq
TƏBİB: Cari ilin ilk 9 ayında 62 milyona yaxın tibbi xidmət göstərilib
Türkiyədə Qədim Roma dövrünə aid hərbi istehkam tapılıb
Azərbaycan Ordusunun Baş Qərargah rəisi NATO nümayəndə heyəti ilə görüşüb
DİN: Ötən gün 47 cinayətin üstü açılıb
Cəbrayıl şəhərinin 148 yaşlı məktəbində tədris yenidən başlayıb
Bəzi rayonlara leysan, Şahdağa qar yağıb - FAKTİKİ HAVA
Azərbaycan nefti 4 %-dən çox ucuzlaşıb
Prezident İlham Əliyev Hadrutun azad edilməsinin dördüncü ili münasibətilə paylaşım edib
206 ilin bir günü
Şəkidə quru tütün istehsalının 4,2 min tona çatacağı gözlənilir
"Poliqon" bu dəfə Tərtərdədir
Qəbələdə sənaye məhsullarının 90 faizi qeyri-dövlət sektorunda istehsal olunur
ADA təhsil bilicilərini Qazaxa topladı
Tovuzlu üzümçülər yerli sortlara üstünlük verirlər
"Azərbaycan "yaşıl enerji" istehsalı sahəsində Avropa ölkələri ilə rəqabət aparmaq imkanındadır"
"Axmaq olma, Ermənistan"
Erməni xalqı müharibə canilərini dəstəkləmir
O torpaqlar unudulmayıb
Qərbi Azərbaycana qayıdış onların fundamental haqqıdır
Prezident İlham Əliyev Bakıda Aşıq Ələsgərin abidəsinin açılışında iştirak edib YENİLƏNİB30 Sentyabr 2024
İnkişaf büdcəsi29 Sentyabr 2024
Prezident İlham Əliyev bir daha bəyan etdi28 Sentyabr 2024
Zəfərlə anırıq...27 Sentyabr 2024
VƏTƏNİN ŞƏHİD BALALARI27 Sentyabr 2024
Azərbaycan yeni strateji dövrdə26 Sentyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!