Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Qarabağı azad edən Müzəffər Komandan və qalib əsgər tarixə həqiqi adları ilə həkk olunmalıdır
Qarabağ zəfəri tariximizi, gündəlik həyatımızı dəyişməklə yanaşı, leksikonumuza da xeyli işlək sözlər gətirdi. Dilimizdə "müzəffər", "qəhrəman", "qalib", "xilaskar" kimi şirin və qürurverici ifadələr daha tez-tez və fərəhlə işlədilməyə başlandı.
Erməninin yalan dəyirmanına bizim tökdüyümüz "su"lar...
Lakin bəzən mübaliğələrə vararaq elə səhv fikirlər, elə ifadələr səsləndiririk ki, bu ifadələrlə, sözlərlə birbaşa erməni dəyirmanına su tökmüş olduğumuzun fərqinə varmırıq.
Konkret olaraq "fateh" sözünü nəzərdə tuturuq. Bu günə qədər də parlaq zəfərimizdən bəhs edilərkən "Qarabağ fatehi", "Şuşa fatehi", "Xankəndi fatehi" kimi ifadələr eşidirik. Amma bu, tamamilə yanlış və ziyanlıdır.
"Fateh" sözünün izahlı lüğətdə dəqiq mənası verilib və özgə məmləkəti, ölkəni tutan, fəth edən, işğal edən şəxsə deyilir. Məsələn, Böyük İsgəndər, yaxud Konstantinopolu fəth edib Osmanlının paytaxtına çevirən Sultan Mehmet dünya fatehləridir. Siyahını genişləndirmək də olar, amma bu nümunələr də bəs edər ki, yumşaq ifadə etsək, "fateh" sözünün pafosuna uyaraq onun mənasına varmadan yersiz şəkildə işlətdiyimizin fərqində olaq.
Müzəffər Komandan və Azərbaycan əsgəri Ağdamı, Füzulini, Laçını, Cəbrayılı, Zəngilanı, Qubadlını, Kəlbəcəri, Şuşanı, Hadrutu, Xocalını, Ağdərəni, Əsgəranı, Xankəndini fəth etməyib, AZAD edib!
Onlar xilaskarlardırlar!
Qarabağı sahiblərinə qaytaran Müzəffər Ali Baş Komandan və qalib əsgər fəth edən deyil, doğma torpaqlarının xilaskarıdırlar!
Bəzən düşünülə bilər ki, "sözdür də, deyilir".
Amma belə deyil!
Biz xalqımıza məxsus torpaqları "fəth etdik" deməklə, onsuz da milçəkdən fil düzəldən hiyləgər ermənilərin əlinə əsassız, yalan arqument vermiş oluruq. Qarabağı "qədim erməni yurdu" kimi təqdim edən düşmən indi məhz bu cəfəngiyyata, uydurmaya söykənir, Azərbaycanın, guya, Qarabağı işğalından, fəthindən dəm vurur...
Savadsızlıq, bilməzlik, yoxsa?..
Təəssüf ki, bu təxribatçı, bəli, məhz təxribatçı ifadə hərdən kitablara ad kimi qoyulur. Televiziyalarda, radiolarda dönə-dönə işlədilir, qəzetlərdə manşetlərə çıxarılır. Bu söz, onun ehtiva etdiyi yanlış məna beyinlərə yeridilir, şüurlara otuzdurulur.
Başqa təəssüfləndirici məqam isə zəfərimizin mahiyyətini təhrif edən, onunla bağlı səhv təsəvvür formalaşdıran bu sözün ziyalılarımız, salnaməçilərimiz, jurnalistlərimiz tərəfindən səsləndirilməsi, yazılmasıdır.
Gəlin özümüzə bir sual edək: Axı qədim torpağımızı, Azərbaycanın bir parçasını özümüz necə fəth edə bilərik?!.
Onda belə çıxır ki, biz hansısa başqa ölkəyə məxsus torpaqlara əl qoymuşuq?..
30 il işğal altında qalan torpaqlarımızı azad edən xilaskarımıza "fateh" demək nə dərəcədə doğrudur?
Bu, savadsızlıqdır, bilməzlikdir, yoxsa?..
Azərbaycan dili kifayət qədər zəngindir və lüğətimizdə bununla bağlı o qədər sinonimlər, ifadələr, sözlər var ki...
Əslində, elə təkcə "xilaskar" sözünün özü Qarabağı sahiblərinə qaytaranları tərənnüm edən ən düzgün, ən yerində işlənmiş sözdür!
Gəlin sözlərimizdə və fikirlərimizdə dəqiq olaq, zəfərimizə kölgə salınmasına imkan verməyək!
Qarabağı əsl sahiblərinə qaytaran xilaskarları öz adları ilə çağıraq!
Yasəmən MUSAYEVA,
"Azərbaycan"
ADA təhsil bilicilərini Qazaxa topladı
Tovuzlu üzümçülər yerli sortlara üstünlük verirlər
"Azərbaycan "yaşıl enerji" istehsalı sahəsində Avropa ölkələri ilə rəqabət aparmaq imkanındadır"
"Axmaq olma, Ermənistan"
Erməni xalqı müharibə canilərini dəstəkləmir
O torpaqlar unudulmayıb
Qərbi Azərbaycana qayıdış onların fundamental haqqıdır
ABŞ-nin yeni təxribatlarının əsas səbəbi nədir?
Ağ Evin məkrli ssenarisi
ABŞ sülhü yox, müharibəni seçir
İlham ƏLİYEV: "Artıq status-kvo deyilən məsələ və təmas xətti yoxdur"
Daha 16 ailə Şuşaya qayıtdı
Şuşaya gedən Zəfər yolunun açarı
Qarabağ, Zəfər... və Polad Həşimov!
Böyük dövrün böyük hədəfləri
Milli Məclisdən ABŞ-yə etiraz
Azərbaycan Respublikası Ali Məhkəməsi hakimlərinin təyin edilməsi haqqında
Z.X.Əliyevin Naxçıvan Muxtar Respublikası Ali Məhkəməsinin hakimi təyin edilməsi haqqında
Bakı Apellyasiya Məhkəməsi hakimlərinin təyin edilməsi haqqında
Gəncə Apellyasiya Məhkəməsi hakimlərinin təyin edilməsi haqqında
Sumqayıt Apellyasiya Məhkəməsi hakimlərinin təyin və vəzifədən azad edilməsi haqqında
Prezident İlham Əliyev Bakıda Aşıq Ələsgərin abidəsinin açılışında iştirak edib YENİLƏNİB30 Sentyabr 2024
İnkişaf büdcəsi29 Sentyabr 2024
Prezident İlham Əliyev bir daha bəyan etdi28 Sentyabr 2024
Zəfərlə anırıq...27 Sentyabr 2024
VƏTƏNİN ŞƏHİD BALALARI27 Sentyabr 2024
Azərbaycan yeni strateji dövrdə26 Sentyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!