Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Vətən uğrunda canlarını quban verənlərə ən böyük ehtiram onların unudulmamaları, daim xaırlanmaları, şücaətlərinin təbliğ olunaraq gənc nəsillərə çatdırılmasıdır. Haqq savaşımızın dördüncü ildönümündə Suraxanı rayonunda yerləşən Şəhidlər xiyabanında da bir izdiham vardı.
Xətai rayon ictimaiyyətinin nümayəndələri, icra hakimiyyətinin əməkdaşları, qazilər və şəhid ailələrinin üzvləri, Müdafiə Sənayesi Nazirliyi Elmi-Tədqiqat İnstitutunun, 5 saylı Peşə Təhsili Mərkəzinin kollektivləri, şəhidin doğmaları, dostları, cəbhə yoldaşları igid döyüşçü Vüsal Tofiq oğlu Rzayevin əziz xatirəsini anmaq üçün onun müqəddəs məzarının başına toplaşmışdılar. Rayon icra hakimiyyətinin başçısı Rafiq Quliyev, Milli Məclisin deputatı Vüqar Rəhimzadə və digər çıxış edənlər ərazi bütövlüyümüzün və dövlət suverenliyimizin bərpa olunmasında Azərbaycan gənclərinin rolundan, Qarabağda, Şərqi Zəngəzurda həyata keçirilən tikinti-quruculuq işlərindən söhbət açdılar, şəhid Vüsalın şərəfli ömür və döyüş yoluna nəzər saldılar. Şəhidin atası Tofiq Rzayev övladının və digər şəhidlərin Vətən qarşısındakı xidmətlərini yüksək qiymətləndirən dövlətə, xalqa, şəxsən Prezident İlham Əliyevə minnətdarlığını bildirdi.
Xatırladaq ki, Vüsal Rzayev 1996-cı il aprelin 14-də Şabran rayonunda dünyaya göz açıb. Sonradan Rzayevlər ailəsi paytaxta köçüb. Vüsal 2003-cü ildə 5 nömrəli liseydə ibtidai təhsilə başlayıb. Orta məktəb illərində dərsləri ilə yanaşı, idmana da maraq göstərib, güləşlə məşğul olub. 2015-ci ildə Bakı Peşə Liseyini bitirib. Bundan sonra həqiqi hərbi xidmətə çağrılıb. Təlimdə çevikliyinə, fiziki göstəricilərinə görə fərqlənib, baş atıcı vəzifəsində peşəkarlığı, nizam-intizamı ilə seçilib, verilən tapşırıqları vaxtında, dəqiq yerinə yetirib. Ən yüksək mövqe sayılan Koroğlu postunda erməni kəşfiyyatçıların yaxalanıb zərərsizləşdirilməsi məhz onun ayıq-sayıqlığı sayəsində baş tutub. Fəal döyüş qabiliyyətinə görə komandanlığın təşəkkürnamələri və fəxri fərmanı ilə təltiflənib. 2017-ci ilin yanvarına qədərki həmin ilyarımlıq zaman kəsiyi, xüsusən də müzəffər Aprel döyüşlərində iştirakı Vətənə məhəbbət, düşmənə nifrət hissləri daşıyan Vüsalın dünyagörüşündə yeni səhifə açıb, Lələtəpə, Cocuq Mərcanlı və digər strateji məkanların azadlığı sevincini yaşayıb, son və qəti hücuma daha da artan inamla həqiqi hərbi xidmətini Murovda başa vurub.
Vüsal 2020-ci ilin sentyabrında Vətən müharibəsinə könüllü qatılaraq, Füzulinin Kürdmahmudlu kəndində rəşadət göstərib, bir neçə yaşayış məntəqəsini düşmən caynağından xilas edib. Oktyabrın 1-2-də Seyidəhmədli, Alxanlı, Qaraxanbəyli kəndləri istiqamətində qəhrəmanlıqla döyüşüb. Aşağı Seyidəhmədlidəki Betonluq deyilən ərazidə erməni postunun üzərinə hücum zamanı şəhidlik məqamına yüksəlib. Dekabrın 10-da - şəhadətindən 54 gün sonra müqəddəs nəşi tapılaraq dəfn olunub.
Vüsal Rzayevin Vətən qarşısındakı xidmətləri dövlətimiz tərəfindən də layiqincə qiymətləndirilib. O, ərazi bütövlüyümüzün təmini uğrunda döyüş əməliyyatlarında iştirakı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə "Vətən uğrunda" və "Füzulinin azad olunmasına görə" medalları ilə təltiflənib.
Vüsalın və digər şəhidlərimizin ən böyük mükafatı isə təbii ki, canları, qanları bahasına düşmən tapdağından qurtulan, azad nəfəs alan, ölkə rəhbərinin qayğısı ilə dirçəldilən, yenidən qurulan Vətən torpaqlarıdır.
"Azərbaycan"
Prezident Zəngilanın azad olunmasının ildönümü ilə bağlı paylaşım edib
Fransa borc içində batır
Ömrümüzdən keçən yollar...
Milli memarlığımızın nadir nümunəsi
Şəhadətindən 54 gün sonra torpağa tapşırıldı
Xatirələrdə yaşayan cəsur kəşfiyyatçı
Xarici ticarətin coğrafiyası genişlənir, çeşidi artır
ARDNF yanvar-sentyabr ayları üzrə gəlir və xərclərini açıqlayıb
Erməni işğalçılarının qoyub getdikləri "mina tarlası"nda azərbaycanlı energetiklər günəş-elektrik stansiyası inşa edirlər
Qəhrəmanlıq salnaməsinin Zəngilan səhifəsi
İlham ƏLİYEV: "Zəngilan şəhəri işğaldan azad edilib"
Bərpadan sonra Zəngilan cənnətə dönəcək
Paşinyanın komandası parçalanır
Azərbaycan-Gürcüstan münasibətləri Cənubi Qafqazı cəlbedici regiona çevirib
Azərbaycanı milli hədəflərə çatdıran Lider
COP29-a hazırlıq yekun mərhələsinə qədəm qoyur
Gürcüstanlı jurnalist: Qarabağda görülən işlər Azərbaycandakı sağlam iqtisadi və siyasi vəziyyətdən xəbər verir
Misli Premyer Liqası: "Neftçi" ilk qələbəsini qazanıb
Alimlər kağızdan daha tez parçalanan plastik hazırlayıblar
İraqın şimalında 11 kürd terrorçusu zərərsizləşdirilib
Amerikalı üzgüçü dünya rekordunu yeniləyib
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!