23 Oktyabr 2026 20:13
1646
İQTİSADİYYAT
A- A+
Britaniyadan “Hazır ol” çağırışı  

Britaniyadan “Hazır ol” çağırışı  


Dünya yenidən narahat bir dövrün içindən keçir. Müharibələr, təhlükəsizlik təhdidləri, kiberhücumlar və qlobal təchizat zəncirlərində yaranan problemlər artıq yalnız siyasi bəyanatların mövzusu deyil, insanların gündəlik həyatına təsir edə biləcək real ssenarilər kimi müzakirə olunur. Böyük Britaniyanın əhaliyə fövqəladə hallara hazırlaşmaq çağırışı da bu narahatlığın yeni ifadəsidir.

“The Times” qəzetinin məlumatına görə, Britaniya hökumətinin başladığı “Be Ready” (“Hazır ol”) kampaniyası insanları mümkün böhranlara qarşı əvvəlcədən tədbir görməyə çağırır. Əhaliyə evdə ən azı üç günə kifayət edəcək ərzaq və su saxlamaq, dərmanları, fənərləri, radioqəbulediciləri, enerji yığan qurğuları, nağd pulu və vacib sənədlərin surətlərini hazır vəziyyətdə tutmaq tövsiyə olunur.

İlk baxışdan adi məişət məsləhətləri kimi görünən bu tövsiyələrin arxasında isə daha ciddi bir reallıq dayanır: müasir cəmiyyətin gündəlik rahatlığı enerji, rabitə, nəqliyyat və ərzaq təchizatı kimi sistemlərin fasiləsiz fəaliyyətindən asılıdır. Bu zəncirin bir halqası qırıldıqda, ən adi ehtiyac belə problemə çevrilə bilər. Elektrik kəsildikdə telefonun enerjisi tükənə, ödəniş sistemləri işləməyə, mağazalarda alış-veriş çətinləşə, evlərdə gündəlik həyat iflic vəziyyətinə düşə bilər.

Britaniyanın müdafiə naziri Uez Stritinq də ölkənin kiberhücumlar, təchizat zəncirinin pozulması və digər kritik ssenarilərə hazır olmasının vacibliyini vurğulayıb. Onun supermarketlərdə ödəniş sistemlərinin dayanması ilə bağlı səsləndirdiyi sual təhlükənin nə qədər gündəlik və konkret ola biləcəyini göstərir. Bəzən böhranı hiss etmək üçün uzaqdan gələn partlayış səsini eşitmək lazım deyil,  işləməyən bank kartı, boş yanacaq çəni və rəfləri boşalan mağaza da həyatın adi axarını dəyişə bilər.

Ən ağrılı məqam isə budur ki, insanlar gələcəklərini qurmaq, övladlarını böyütmək, sabah üçün planlar hazırlamaq istəyərkən, eyni zamanda mümkün fəlakət gününün ehtiyatlarını da düşünməyə məcbur qalırlar. Bir vaxtlar evdə ərzaq ehtiyatı saxlamaq daha çox qənaət və məişət vərdişi sayılırdısa, indi bəzi ölkələrdə bu, fövqəladə vəziyyətə hazırlığın bir hissəsi kimi təqdim olunur. Təhlükəsizliyin gündəlik həyatın ayrılmaz mövzusuna çevrilməsi insanların üzləşdiyi qeyri-müəyyənliyin miqyasını göstərir.

Bununla belə, Britaniya hökumətinin çağırışı qaçılmaz müharibənin başlayacağı anlamına gəlmir. Fövqəladə hallara hazırlıq təbii fəlakətlər, genişmiqyaslı texniki nasazlıqlar və digər böhranlar zamanı da insanların təhlükəsizliyini qorumağa kömək edə bilər. Məqsəd qorxu yaratmaq deyil, mümkün risklər qarşısında cəmiyyətin dayanıqlığını artırmaqdır.

Bəlkə də müasir dünyanın ən ağır mənzərəsi elə budur: insanlar sabaha ümidlə baxmaq istəyirlər, amma hökumətlər onlara sabah işıqlar sönərsə, rabitə kəsilərsə, mağazalar işləməzsə nə edəcəklərini də öyrədirlər. “Hazır ol” çağırışı yalnız ehtiyat çantası hazırlamaq barədə deyil. Bu, dünyanın nə qədər kövrək sistemlər üzərində dayandığını və sülhün, sabitliyin, təhlükəsizliyin gündəlik həyat üçün nə qədər əvəzsiz olduğunu xatırladan xəbərdarlıqdır.

Züleyxa ƏLİYEVA, 

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Qlobal istiləşmə dağların "buz yaddaşı"nı əridir

08:55
18 Noyabr

Yazıçı-jurnalistin sözü ictimaiyyətin bütün təbəqələrinədir

08:50
18 Noyabr

Müdafiə və milli təhlükəsizlik sistemi büdcə siyasətinin prioritet istiqamətlərindəndir

08:45
18 Noyabr

Əsas hədəf qeyri-neft sektorunun inkişafı olaraq qalacaq 

08:40
18 Noyabr

Azərbaycan və Latviya: ortaq maraqlar və tərəfdaşlıq körpüsü

08:35
18 Noyabr

BTC-nin uzun yolunun başlanğıcı 

08:30
18 Noyabr

COP31: İqlim böhranına qarşı qlobal həmrəylik

08:25
18 Noyabr

Dublin Sammiti Azərbaycanın yüksək beynəlxalq nüfuzunu bir daha təsdiqlədi

08:20
18 Noyabr

İlham Əliyevin güclü Azərbaycan strategiyası

08:15
18 Noyabr

Bakıya olan yüksək etimad Prezident İlham Əliyevin güclü siyasi iradəsinin nəticəsidir

08:10
18 Noyabr

Azərbaycan-Böyük Britaniya strateji tərəfdaşlığı: siyasi, iqtisadi və sosial perspektivlər

08:05
18 Noyabr

Çoxqütblü dünyada müstəqil siyasət

08:00
18 Noyabr

Azərbaycan Respublikasının Əmək Məcəlləsində və "Aviasiya haqqında" Azərbaycan Respublikasının Qanununda dəyişiklik edilməsi barədə

00:23
18 Noyabr

"Azərbaycan Respublikası ilə Özbəkistan Respublikası arasında əbədi dostluq haqqında Müqavilə"nin təsdiq edilməsi barədə

00:20
18 Noyabr

"Azərbaycan Respublikası Hökuməti ilə Özbəkistan Respublikası Hökuməti arasında pensiya təminatı sahəsində əməkdaşlıq haqqında Saziş"in təsdiq edilməsi barədə

00:19
18 Noyabr

"Azərbaycan Respublikasının Mərkəzi Bankı haqqında" Azərbaycan Respublikasının Qanununda dəyişiklik edilməsi barədə

00:18
18 Noyabr

"Azərbaycan Respublikasının Əmək Məcəlləsində və "Aviasiya haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2026-cı il 27oktyabr tarixli 499-VIIQD nömrəli Qanununun tətbiqi və "Aviasiya haqqında" Azərbaycan Respublikasının 2023-cü il 22 dekabr tarixli 1058-VIQ nömrəli Qanununun tətbiqi barədə" Azərbaycan Respublikası Prezidentinin 2024-cü il 15 fevral tarixli 1 nömrəli Fərmanında dəyişiklik edilməsi haqqında

00:16
18 Noyabr

"Bir pəncərə" informasiya sistemi haqqında Əsasnamə"nin təsdiq edilməsi barədə

00:14
18 Noyabr

“Bir pəncərə” informasiya sistemi haqqında ƏSASNAMƏ

00:13
18 Noyabr

Azərbaycan Respublikası Nazirlər Kabinetinin 2017-ci il 12 oktyabr tarixli 427 nömrəli Qərarı ilə təsdiq edilmiş “İnternet telekommunikasiya xidməti göstərən operatorların və provayderlərin uçotunun aparılması Qaydası”nda dəyişiklik edilməsi haqqında

00:11
18 Noyabr

Azərbaycan Respublikası Nazirlər Kabinetinin 2003-cü il 8 fevral tarixli 18 nömrəli Qərarı ilə təsdiq edilmiş “Peşə fəaliyyətinin ayrı-ayrı növləri və yüksək təhlükə mənbəyi ilə bağlı olan fəaliyyətlə məşğul olan şəxslərin dövlət narkoloji tibb müəssisəsində tibbi müayinədən (tibbi yoxlamadan) keçməsi Qaydası”nda dəyişiklik edilməsi barədə

00:10
18 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!