17 Noyabr 2026 14:16
175
İQTİSADİYYAT
A- A+
2027-ci il üzrə əkin subsidiyasının 30 faizi fermerlərə avans şəklində ödəniləcək  

2027-ci il üzrə əkin subsidiyasının 30 faizi fermerlərə avans şəklində ödəniləcək  


Kənd təsərrüfatı istehsalçılarının əkin mövsümündə yaranan ilkin maliyyə ehtiyaclarının qarşılanmasına dəstək məqsədilə ölkədə ilk dəfə avans subsidiyası mexanizmi tətbiq edilir. Aqrar Subsidiya Şurasının 2027-ci il üzrə qərarına əsasən, müəyyən edilmiş meyarlara cavab verən fermerlər gözlənilən əkin subsidiyasının 30 faizini əkin işləri başa çatmadan əvvəl avans şəklində əldə edə biləcəklər. Avans subsidiyasına müraciət artıq Elektron Kənd Təsərrüfatı İnformasiya Sistemi (EKTİS) üzərindən mümkündür.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, yeni mexanizmin tətbiqində əsas məqsəd fermerlərin əkin mövsümünün başlanğıcında toxum, gübrə, yanacaq və aqrotexniki xidmətlərlə bağlı xərclərinin vaxtında qarşılanmasına, əkin prosesinin fasiləsiz və keyfiyyətli təşkilinə dəstək göstərilməsidir.


Avans subsidiyasından kimlər yararlana bilər?


Avans subsidiyası aşağıdakı meyarlara cavab verən kənd təsərrüfatı istehsalçılarına şamil olunur:

-Aqrar Subsidiya Şurası tərəfindən müəyyən edilmiş siyahıya daxil olan (Çəltik, Qarğıdalı, Darı, Sorqo, digər dənli və dənli paxlalılar (buğda, arpa, çovdar, vələmir, qarabaşaq, noxud, lobya, mərci və s.), günəbaxan, kartof, tərəvəz, bostan bitkiləri) yazlıq və payızlıq birillik bitkiləri becərən istehsalçılar;

-EKTİS-də fermer reytinqi 30 baldan yüksək olan şəxslər;

-Ümumi əkin sahəsi 5 hektardan 100 hektaradək olub çıxarışı olan fermerlər;

-Torpaq sahəsi üzrə yalnız bir əkin bəyanı təqdim edən fermerlər.


Müraciət və monitorinq prosesi


Avans subsidiyasının verilməsi tam rəqəmsal mexanizm əsasında həyata keçiriləcək. Bunun üçün fermerlər əkin sahələrini EKTİS-də bəyan etməli və koordinatlarını daxil etməlidirlər. Müraciətin təsdiqlənməsi qeyd edilən şərtlərə uyğun fermerlərin əkin hazırlığı (şum) işləri apardığı müşahidə edildikdən sonra mümkün olacaq.

Əkin sahələrinin əkinə hazırlıq vəziyyətinin müəyyənləşdirilməsi və monitorinqi müasir rəqəmsal texnologiyalar və süni intellekt həllərindən istifadə edilməklə aparılacaq. Bu yanaşma subsidiyaların daha operativ, şəffaf və obyektiv şəkildə təqdim olunmasına imkan verəcək.

Fermerlər elektron kabinetlərində şum işlərinin aparılıb-aparılmadığı barədə süni zəka ilə yoxlama nəticələrini, əldə etdikləri reytinqin göstəriciləri və inkişaf etdirmə istiqamətləri ilə bağlı məlumatları görmə imkanına sahib olacaqlar.

Avans subsidiyası çərçivəsində gözlənilən əkin subsidiyasının 30 faizi fermerə əvvəlcədən ödəniləcək. Əkin faktı təsdiq edildikdən və subsidiyanın ödənilməsi üçün nəzərdə tutulan digər müvafiq prosedurlar tamamlandıqdan sonra subsidiyanın qalan 70 faizlik hissəsi növbəti il fermerin hesabına köçürüləcək.

Qeyd edək ki, avans subsidiyası mexanizminin tətbiqi fermerlərin əkin mövsümündə maliyyə imkanlarının genişləndirilməsi ilə yanaşı, aqrotexniki tədbirlərin vaxtında həyata keçirilməsinə və əkin prosesinin səmərəli təşkilinə xidmət edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Kiberhücumçular qlobal veb-saytlara zərərli kod yeridiblər  

16:00
17 Noyabr

Anar Əliyev: Dövlət və icmal büdcə layihələri gələn il də öz sosialyönümlülüyünü saxlayacaq

15:41
17 Noyabr

Sergey Lavrov: Rusiya-ABŞ-Çin sammitinin gündəliyi formalaşdırılıb

15:32
17 Noyabr

Zəfəran mövsümü: yığımın optimal vaxtı və keyfiyyətə təsir edən amillər

15:19
17 Noyabr

Soltanlı kəndində daha 17 ailəyə evlərinin açarları təqdim olunub  

15:15
17 Noyabr

Alimlərin yeni ixtirası neft hasilatını 3 dəfə artırır  

14:54
17 Noyabr

Nazir Rəşad Nəbiyev Sabirabadda vətəndaşlarla görüşüb

14:49
17 Noyabr

Xalqımız müstəqillik uğrunda çətin, keşməkeşli və şərəfli yol keçib

14:27
17 Noyabr

2027-ci il üzrə əkin subsidiyasının 30 faizi fermerlərə avans şəklində ödəniləcək  

14:16
17 Noyabr

Xocavənddə daha 48 ailəyə evlərinin açarları təqdim olunub - YENİLƏNİB  

13:56
17 Noyabr

Alman ekspert: Azərbaycan iqtisadi və geosiyasi baxımdan Aİ üçün vacib ölkəyə çevrilib  

13:03
17 Noyabr

Parlament 2027-cı ilin dövlət büdcəsi layihəsini birinci oxunuşda təsdiqləyib 

12:47
17 Noyabr

Kirayə mənzil fonduna daha 91 mənzil əlavə olunub

12:36
17 Noyabr

İrlandiyalı boksçu 3 aylıq komadan sonra vəfat edib  

12:29
17 Noyabr

Sabahın hava proqnozu açıqlanıb 

12:16
17 Noyabr

DİN: Ötən gün 52 cinayətin açılması təmin olunub

12:07
17 Noyabr

Səfir: Azərbaycan müdafiə və təhlükəsizlik baxımından dəyərli tərəfdaşdır 

12:03
17 Noyabr

Böyük Britaniya səfiri: Strateji Tərəfdaşlıq təhsil və elm sahəsində əlaqələri daha da gücləndirəcək

12:01
17 Noyabr

Külli miqdarda narkotik vasitənin ölkə ərazisinə keçirilməsinin qarşısı alınıb

12:00
17 Noyabr

Anemiya ilə mübarizədə xalq təbabətinin unudulmuş reseptləri

11:54
17 Noyabr

Dankan Norman: Enerji əlaqələri tərəfdaşlığımızın əsas sütunudur 

11:46
17 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!