№ 350

Azərbaycan Respublikası Nazirlər Kabinetinin QƏRARI

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2014-cü il 22 iyul tarixli 263 nömrəli Qərarı (Azərbaycan Respublikasının Qanunvericilik Toplusu, 2014, № 7, maddə 951; 2024, № 3, maddə 314 (Cild I); Azərbaycan Respublikası Nazirlər Kabinetinin 2024-cü il 22 may tarixli 275 nömrəli Qərarı) ilə təsdiq edilmiş “Gömrük sərhədindən keçirilən malların və nəqliyyat vasitələrinin bəyan edilməsi Qaydaları”nda aşağıdakı dəyişikliklər edilsin:

1. 14.3.2-ci yarımbəndin sonunda nöqtə işarəsi nöqtəli vergül işarəsi ilə əvəz olunsun və aşağıdakı məzmunda 14.3.3–14.3.6-cı yarımbəndlər əlavə edilsin:

“14.3.3. malların buraxılışı həyata keçirildikdən sonra 3 (üç) il müddətində bəyannaməçi malları müvafiq gömrük proseduru altında yerləşdirməsi ilə əlaqədar öhdəliklərini yerinə yetirməli olduqda;

14.3.4. Gömrük Məcəlləsinin 46-cı fəslinə uyğun olaraq gömrük borcu üzrə ödənilmiş gömrük ödənişlərinin qaytarılması barədə gömrük orqanının qərarı olduqda;

14.3.5. bu Qaydaların 14.10-cu bəndində göstərilmiş hal istisna olmaqla, aparılmış gömrük auditi nəticəsində gömrük bəyannaməsində qeyd olunan məlumatlarda düzəliş edilməli olduqda;

14.3.6. yuxarı gömrük orqanının və ya məhkəmənin qanuni qüvvəyə minmiş qərarı olduqda.”.

2. 14.4-cü bəndə aşağıdakı məzmunda ikinci cümlə əlavə edilsin:

“Gömrük bəyannaməsində düzəliş edilməsi bu Qaydaların 11 nömrəli əlavəsində göstərilmiş formaya uyğun olaraq həyata keçirilir.”.

3. 14.10-cu bənd aşağıdakı redaksiyada verilsin:

“14.10. Gömrük auditi nəticəsində malların düzgün gömrük proseduru altında yerləşdirilməməsi müəyyən edildikdə gömrük bəyannaməsi malların buraxılışından sonra ləğv edilir.”.

4. 1-9 nömrəli əlavələrin 26-cı qrafasının adında “ölkəyə daxil olan” sözləri “ölkə daxilində” sözləri ilə əvəz edilsin.

5. 2 nömrəli əlavənin “Qeyd” hissəsindən “18-ci”, “25-ci”, “26-cı” və “27-ci” sözləri çıxarılsın.

6. 11 nömrəli əlavə əlavə edilsin (əlavə olunur).

 

Əli Əsədov

Azərbaycan Respublikasının Baş naziri

Bakı şəhəri, 22 iyul 2024-cü il