Almaniyanın Bonn şəhərində keçirilən BMT-nin İqlim üzrə Subsidiar Orqanlarının 62-ci Sessiyasının - SB62-nin ən vacib tərəfi ondan ibarətdir ki, ilk gün proqramı necə razılaşdırılmalıdırsa, sonuncu gündə də həmin o proqram təsdiq olunmalıdır. Bu il ilk gün proqramının razılaşdırılmasında ciddi problemlər oldu. Hətta iki gün tədbirin açılışı gecikdi və bunun da səbəbi, gündəliyə yeni təkliflərin irəli sürülməsi idi. O təkliflərin qəbul edilməsi mümkün görünmürdü. Hazırda iclası idarə edən köməkçi orqanların rəhbərləri məsələnin artıq çıxılmaz vəziyyətdə olduğunu anladılar. Braziliya Sədrliyi və BMT-nin İqlim üzrə Subsidiar Orqanlarının rəhbərliyi birlikdə bizə müraciət etdilər ki, Azərbaycan COP29 Sədrliyi danışıqlara rəhbərlik edək. Azərbaycan diplomatları danışıqlarda rəhbərliklə bərabər yer aldı. Tərəflər arasında körpü rolunu oynaya bildik.
Bu barədə AZƏRTAC-a müsahibəsində Xarici İşlər Nazirliyinin (XİN) nümayəndəsi, COP29 üzrə danışıqlar qrupunun üzvü Elçin Allahverdiyev Bonn İqlim Sammitinin son günündə deyib.
“Biz COP29-da etimad qazanmışıq və bizə inam var. Tərəflər bizimlə daha rahat anlaşdılar. Nəticədə biz gündəliyi müəyyənləşdirdik. Bu gün isə, xüsusilə bu saatlarda artıq plenar sessiya başlamalı idi və tədbir yekunlaşmalı idi, amma təəssüfər olsun ki, bir neçə və ən vacib sahələr üzrə anlaşma yoxdur. Bizdən də xahiş edirlər ki, müdaxilə edək. Biz də çalışırıq ki, prosesi müsbət istiqamətə yönləndirək. Bizim əlimizdən nə gəlirsə, töhfə verməyə çalışırıq. Bəzi istiqamətlərdə proqres var, ümid var ki, nəticə əldə olsun.
Əsas problem COP30-dək qəbul olunacaq ən vacib qərarlarla bağlıdır. Bu, Qlobal Uyğunlaşma indikatorlarının müəyyənləşdirilməsidir. Bu gün irəliləyiş əldə oluna bilər, bizim əməkdaşlar bu istiqamətdə də çalışırlar. Digər istiqamət, Birləşmiş Ərəb Əmirliklərinin Qlobal İcmal Sənədinin dialoqu ilə bağlıdır. Orada da vəziyyət ürəkaçan deyil. Digər bir-iki sahədə də gərginlik var. Böyük ehtimalla, bunlar kompleks şəkildə həll olunacaq. Biz də bunun çözülməsi üçün dəstəyə ehtiyac olduğu an danışıqlar prosesinə qatılacağıq”, - deyə Elçin Allahverdiyev əlavə edib.
jpg_1750967658.jpg)
jpeg_1765955251.jpeg)
jpg_1763916860.jpg)
