"Azərbaycan" qəzetinin 27 dekabr 2025-ci il tarixli sayında dərc edilmiş Tovuz rayonu Yuxarı Öysüzlü kənd sakini Zakir Qəşəm oğlu Tağıyevin "Kəndimiz susuz qalıb" adlı müraciətinə cavab olaraq bildiririk ki, həmin ərazilərin suvarma suyuna olan tələbatı Tovuzçay su anbarından çıxan birinci və ikinci pillə nasos stansiyası vasitəsilə və Axıncaçaydan verilən təsərrüfatlararası arx vasitəsilə həyata keçirilir.
Bildiririk ki, rayonun Yuxarı Öysüzlü kəndində ümumilikdə 795 hektar suvarılan torpaq sahəsi vardır. Həmin torpaq sahəsinin 471 hektarı Tovuzçay su anbarından verilən birinci pillə nasos stansiyası vasitəsilə, 300 hektar torpaq sahəsi Tovuzçay su anbarından verilən ikinci pillə nasos stansiyasından və 24 hektar torpaq sahəsi isə kənd ərazisində fəaliyyət göstərən bir ədəd işlək (istismara yararlı) vəziyyətdə olan subartezian quyusundan verilən suvarma suyu vasitəsilə həyata keçirilir.
Məlumat üçün bildiririk ki, rayonun Əlibəyli, Hacallı, Mülkülü, Yuxarı Öysüzlü kəndlərinə 482 ədəd dəyəri ödənilməyən küçə bulaq kompleksləri çəkilmişdir. Həmin bulaqların təminatı üçün Tovuzçay hövzəsində tikilmiş 6 subartezian quyusu, 1 nasosxana binası, 4 nasos və ümumi tutumu 1000 kubmetr olan 3 su anbarı əhalinin istifadəsinə verilmək üzrədir.
Əlavə olaraq bildiririk ki, yay aylarında havaların isti və quraq keçməsini nəzərə alaraq çay və arxlarda sululuq azaldığına görə, həmin ərazilərin suvarma və içməli su ilə təminatında müəyyən çətinliklər yaranmasına baxmayaraq, vətəndaşlar növbəlilik əsasında həm suvarma, həm də içməli su ilə təmin edilmişdir.
Təranə BAYRAMOVA,
Tovuz RİH başçısının müavini
