“TÜRKPA-ya üzv dövlətlərin parlamentlərinin Səhiyyə komitələrinin sədrlərinin iclası çox mühüm əhəmiyyət kəsb edir. Çünki burada ölkələrimizdə aktual olan və bütövlükdə Türk dünyası üçün əhəmiyyətli problemlərin həlli, qanunvericilik aktlarının qəbulu istiqamətində vacib müzakirələr aparılır. Eyni zamanda bu iclas göstərir ki, Türk dövlətləri arasında əməkdaşlıq bütün sahələrdə genişlənir”.
Bunu Milli Məclisin deputatı Müşfiq Məmmədli deyib.
Deputat bildirib ki, bu il baş tutan ikinci iclasda COP29-a ev sahibliyi edən ölkə kimi Azərbaycanın sözügedən sahə üzrə uğurları və “yaşıl dünya”da səhiyyə sahəsində görüləcək işlər ön plana çıxarılıb.
İclas iştirakçıları iqlim dəyişikliyi ilə mübarizədə
Türk dövlətləri arasında əməkdaşlığın genişləndirilməsinin vacibliyini vurğulayaraq, parlamentlərarası əməkdaşlığın gücləndirilməsi və gələcək strategiyaların formalaşdırılmasının əhəmiyyətini qeyd ediblər. Eyni zamanda, milli qanunvericiliyin uyğunlaşdırılması, beynəlxalq təcrübənin öyrənilməsi, ekoloji standartların sərtləşdirilməsi, qanunvericiliyin təkmilləşdirilməsi və "yaşıl texnologiyaların" tətbiqinin vacibliyi vurğulanıb
“Azərbaycan Parlamentinin Səhiyyə Komitəsinin rəhbəri, akademik Əhliman Əmiraslanov tərəfindən bu tədbirin artıq Səhiyyə komitələrinin sədrlərinin görüşü yox, bütövlükdə Səhiyyə komitələrinin görüşü formatında keçirilməsi təklif olundu. Bu isə fəaliyyətimizin daha da genişləndirilməsini və bu sahədə olan parlamentarilərin cəlbi ilə fikir mübadiləsini, qanunvericilik istiqamətində əməkdaşlıq və Türk dünyasının müvafiq sahədəki gələcək uğurlarını təşviq edəcək”-deyə Müşfiq Məmmədli bildirib.
"Azərbaycan "
