Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Ötən gün Moskvada Rusiya Prezidenti Vladimir Putinin vasitəçiliyi ilə Azərbaycan Prezidenti İlham Əliyev və Hayastanın baş naziri Nikol Paşinyan arasında üçtərəfli görüş keçirilib. Görüş zamanı Azərbaycan-Hayastan münasibətlərinin normallaşması ilə bağlı bir sıra məsələlər müzakirə edilib. Azərbaycan tərəfi bütün platformalarda olduğu kimi, Moskvada da sülhün əldə olunmasında maraqlı olduğunu bir daha bəyan edib. Mövzu ilə bağlı Milli Məclisin deputatlarının fikirlərini öyrəndik. Deputatların sözlərinə görə, bu görüş Azərbaycanla Hayastan arasında danışıqlar prosesinin məntiqi davamıdır.
Rusiyanın təşəbbüsü ələ keçirmək istəyi təbiidir
Milli Məclisin deputatı Arzu Nağıyev deyib ki, Moskvada keçirilən üçtərəfli görüş də sübut edir ki, Rusiya Azərbaycanla Hayastan arasında sülh müqaviləsinin imzalanmasının bu və ya digər şəkildə iştirakçısı olmağa çalışır: "Geosiyasi vəziyyət də Rusiyadan bunu tələb edir. Müşahidələr göstərir ki, rəsmi Moskva proseslərdə iştirakçı olmaq üçün əlindən gələni edir. Bu istiqamətdə addımlar atıldığının mütəmadi şahidi oluruq. Lakin istənilən halda sülh müqaviləsinin imzalanması əsasən iki dövlətdən - Azərbaycan və Hayastandan asılıdır. Digərlərinin, istər vasitəçilərin, istərsə də iştirakçıların danışıqlar prosesində iştirakının fərqi yoxdur, onların regionda öz siyasi-iqtisadi və hərbi maraqları var".
Deputat qeyd edib ki, Rusiyanın Azərbaycan-Hayastan danışıqlarında təşəbbüsü ələ keçirmək istəyi təbiidir. Çünki bu gün məhz Rusiya-Ukrayna müharibəsinə görə tətbiq edilən sanksiyalar və digər qadağalar Rusiyanın alternativ logistik daşınmaları üçün yollar araşdırmasını zəruri edir. Bu yol da məhz Cənubi Qafqazdan, əsasən də Azərbaycandan keçir.
Arzu Nağıyev bildirib ki, Moskva görüşünün əhəmiyyəti böyükdür: "Bu görüşdən öncə Azərbaycan və Hayastan xarici işlər nazirlərinin Moskva görüşündə Vaşinqtonda razılaşdırılmamış müddəalara bir daha baxılıb. Baş verən son hadisələrlə bağlı vacib məsələlər, eləcə də Paşinyanın açıqlamaları müzakirə edilib. Yəni bir növ liderlərin görüşünə qədər zəmin hazırlanıb. Əsas odur ki, Azərbaycanın ərazi bütövlüyü Hayastan tərəfindən tanınıb. Açıq qalan digər məsələlər də danışıqlar prosesində həllini tapmalıdır".
Bu görüş münasibətlərin normallaşmasında faydalı ola bilər
Milli Məclisin deputatı Vüqar Bayramov bildirib ki, Moskvada mayın 25-də baş tutmuş üçtərəfli görüş münasibətlərin normallaşması baxımından kifayət qədər vacibdir: "Vaşinqtondakı görüşdən sonra tərəflər bir sıra vacib məsələlərdə razılığa gəldiklərini praktiki olaraq bəyan ediblər. Belə bir vaxtda ölkə liderlərinin yenidən Moskvada görüşməsi kifayət qədər ciddi irəliləyişlərin əldə olunmasına səbəb ola bilər. Moskva görüşü Azərbaycanla Hayastan arasında sülh müqaviləsinin imzalanması ilə bağlı danışıqlara töhfə verəcək. Bu danışıqlar ölkə liderlərinin iyunun 1-nə planlaşdırılan Kişinyov görüşü üçün də əhəmiyyətli olacaq".
Deputatın sözlərinə görə, Azərbaycan regionda sülhün formalaşmasına dəstək verən dövlətdir: "Biz sülhün əldə olunmasında maraqlı olduğumuzu bütün platformalarda sübut edirik. Prezident ATƏT-in Parlament Assambleyasının sədri ilə görüşdə də bildirdi ki, Azərbaycan Hayastan və Gürcüstanla birlikdə Cənubi Qafqaz əməkdaşlıq modelinin qurulmasını təklif edən, sülh müqaviləsinin bağlanması ilə bağlı təklifləri ilk təqdim edən dövlətdir. Yəni Azərbaycan tərəfi sülhün əldə edilməsində maraqlıdır. Bunun nəticəsidir ki, bütün danışıqlarda olduğu kimi, Moskva görüşündə də Azərbaycan sülh müqaviləsinin qısa vaxtda imzalanması üçün əlindən gələni edir. Fikrimcə, Moskva görüşü Azərbaycan-Hayastan münasibətlərinin normallaşmasında faydalı ola bilər".
Vüqar Bayramov onu da qeyd edib ki, Rusiyanın Azərbaycanla Hayastan arasında vasitəçilikdə maraqlı olması təbiidir: "Nəzərə almaq lazımdır ki, Rusiya Azərbaycanın ən böyük ticarət tərəfdaşlarından biridir, iki ölkə arasındakı ticarət dövriyyəsi illik 3 milyard dolardan çoxdur. Rusiya həmçinin ölkəmizin qeyri-neft ixracında ən böyük ticarət tərəfdaşlarındandır, qeyri-neft ixracının üçdəbir hissəsi Rusiya bazarına yönəldilib. Yəni bir sıra siyasi-iqtisadi məsələlər danışıqlarda vacib əhəmiyyət kəsb edir".
Nəzrin QARDAŞXANOVA,
"Azərbaycan"
"Neftçi" yeni baş məşqçisinin gəlişindən nə qazandı?
Mahir Emreli: "Vurduğum qol mənə böyük motivasiya verdi"
Prezident İlham Əliyev “MAN Truck&Bus” şirkətinin baş direktorunu qəbul edib YENİLƏNİB
Səfirlik nümayəndəsi: Azərbaycan və Ermənistan arasında imzalanacaq sülh nəticəsində yeni nəqliyyat dəhlizləri yarana bilər
Azərbaycanla Belçika arasında minatəmizləmə ilə bağlı əməkdaşlıq perspektivləri müzakirə edilib
FHN: Bakı şəhəri və Abşeron rayonunda su basmış ərazilərdən 31 vətəndaş təxliyə edilib
Ötən gün təhvil götürülən silah-sursatın sayı açıqlanıb
Britaniyanın Lordlar palatasının üzvləri Ulu Öndərin məzarını ziyarət ediblər
Azərbaycan neftinin qiyməti artıb
Azərbaycan parlamentində 19 məsələnin müzakirəsinə başlanılıb
Əksər bölgələrdə yağıntılı hava şəraitində fasilə yaranıb
Mask aksiya iştiraçkısına 1 milyon dollarlıq çek verdi
Venesuelada keçmiş sənaye naziri həbs edilib
"Ayaks" bu hücumçunu Bakıya gətirmir - AÇIQLANDI
“Crew Dragon”-un Yerə qayıdışı yenidən təxirə salınıb
Mask ABŞ-nin gələcəyi ilə bağlı proqnoz verdi
Pekində Çin şirkətləri ilə yaşıl enerji əməkdaşlığının genişləndirilməsi müzakirə edilib
Ölkə ərazisində müşahidə olunan faktiki hava
Ağ Evdən açıqlama: BRİKS bizim üçün təhlükə deyil
FHN: Yağış Bakı və Abşeronda fəsadlar yaradıb, 8 vətəndaş təxliyə edilib
DİN: Hava şəraiti ilə əlaqədar xidmətə əlavə qüvvə və naryad qrupları çıxarılıb
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!