27 Oktyabr 2026 15:18
1621
Səhiyyə
A- A+
Mədə xərçənginə qarşı mübarizədə erkən diaqnostika həyat xilas edir  

Mədə xərçənginə qarşı mübarizədə erkən diaqnostika həyat xilas edir  


  Azərbaycan Cərrahiyyə, Qastroenterologiya və Onkologiya Cəmiyyəti  tərəfindən həyata keçirilən “Azərbaycanda mədə xərçəngi ilə bağlı erkən diaqnostikanın təşviqi” layihəsi çərçivəsində Bakıda maarifləndirmə aksiyası təşkil olunub.

Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə keçirilən aksiyanın əsas məqsədi əhali arasında mədə xərçəngi və onun erkən diaqnostikasının əhəmiyyəti barədə məlumatlılığı artırmaq, xəstəliklə bağlı maarifləndirməni gücləndirmək və onkoloji xəstəliklərlə mübarizəyə ictimai dəstək göstərməkdir.

Bakı metropoliteninin “Koroğlu” stansiyasında təşkil olunan aksiyanın ilk günü ekspert onkoloqlar və layihənin icraçı komandası vətəndaşlara mədə xərçənginin erkən aşkarlanmasının həyati əhəmiyyəti barədə ətraflı məlumat verib, onları xəstəliyin risk amilləri və diqqət yetirilməli əlamətləri ilə tanış ediblər. Həmçinin ekspertlər vətəndaşları maraqlandıran sualları cavablandırıb, maarifləndirici bukletlər paylanılıb. Vətəndaşlar maarifləndirici təşəbbüsə görə təşkilatçılara minnətdarlıqlarını ifadə ediblər.

Layihə çərçivəsində hazırlanan məlumatlandırıcı materialların Cəmiyyətin rəsmi veb-saytı və sosial media resursları vasitəsilə müxtəlif dillərdə ictimaiyyət üçün əlçatanlığı da təmin edilib. Bu yanaşma maarifləndirmə mesajlarının daha geniş auditoriyaya çatdırılmasına və erkən diaqnostikanın əhəmiyyətinin cəmiyyətdə təşviqinə xidmət edir.

Layihənin əsas hədəflərindən biri mədə xərçəngindən ölüm hallarının azaldılmasına töhfə vermək, xəstəliyin erkən aşkarlanmasının vacibliyi barədə ictimai fərqindəliyi artırmaq və dövlətin səhiyyə siyasəti, eləcə də onkoloji xəstəliklərlə mübarizə strategiyasının həyata keçirilməsinə dəstək göstərməkdir.

Qeyd edək ki, mədə xərçəngi mədənin daxili səthini örtən vəzili hüceyrələrdən inkişaf edən bədxassəli şişdir. Mədə xərçəngi hallarının təxminən 95 faizini təşkil edən bu növ xəstəlik dünyada olduğu kimi, Azərbaycanda da geniş yayılmış onkoloji problemlərdən biridir.

Qlobal Xərçəng Rəsədxanasının (Global Cancer Observatory) təqdim etdiyi statistik məlumatlara əsasən, Azərbaycan mədə xərçənginin yayılma səviyyəsinin yüksək olduğu coğrafi bölgədə yerləşir. Həmin məlumatlarda mədə xərçəngi ölkəmizdə rastgəlmə tezliyinə görə üçüncü, xərçənglə əlaqəli ölüm hallarına görə isə ikinci yerdə göstərilir.

Xəstəliyin yaranma riskini artıran amillər arasında Helicobacter pylori infeksiyası, siqaret və digər tütün məhsullarından istifadə, duzlu və hisə verilmiş qidaların həddindən artıq qəbulu, ailə üzvlərində mədə xərçənginin olması, uzunmüddətli mədə xəstəlikləri və digər səbəblər yer alır. 

Xəstəliyin erkən mərhələlərdə çox vaxt nəzərəçarpan əlamətlər verməməsi onun vaxtında aşkarlanmasını çətinləşdirə bilər. Qarının yuxarı hissəsində davamlı ağrı və diskomfort, iştahanın azalması, səbəbsiz çəki itkisi, tez toxluq hissi, şişkinlik, ürəkbulanma, qusma, davamlı həzm problemləri, ümumi halsızlıq, yorğunluq, nəcisdə qan və ya qara rəngli nəcis diqqət yetirilməli əlamətlərdəndir.

Mədə xərçənginin müalicə yanaşması şişin yerləşdiyi nahiyə, xəstəliyin mərhələsi və molekulyar xüsusiyyətləri nəzərə alınmaqla müəyyənləşdirilir. Xüsusilə xəstəliyin metastatik mərhələsində biomarkerlərin nəticələri müalicə seçiminə birbaşa təsir göstərə bilər.

Mütəxəssislərə vaxtında müraciət etmək, uzun müddət davam edən mədə narahatlıqlarını diqqətdən kənarda qoymamaq və həkim tövsiyə etdikdə endoskopik müayinədən keçmək xəstəliyin erkən aşkarlanması baxımından mühüm əhəmiyyət daşıyır. Sağlam və balanslı qidalanma, tütün məhsullarından uzaq durmaq, mədə xəstəliklərini vaxtında müalicə etdirmək və risk qrupunda olan şəxslərin profilaktik müayinələrə diqqət yetirməsi də vacibdir.

Mədə xərçəngi ilə mübarizədə maarifləndirmə və erkən diaqnostika əhalinin sağlamlığının qorunması baxımından mühüm rol oynayır. Layihə çərçivəsində keçirilən aksiya da cəmiyyətdə bu istiqamətdə məlumatlılığın artırılmasına və insanların sağlamlıqlarına daha məsuliyyətlə yanaşmasına töhfə verməyi hədəfləyir.

“Azərbaycan”


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİN: Ötən gün 52 cinayətin açılması təmin olunub

12:07
17 Noyabr

Milli Məclisdə 2027-ci ilin dövlət büdcəsi layihəsinin müzakirəsi davam edir

11:37
17 Noyabr

Rəsədxana: Geomaqnit qasırğası gözlənilir

11:11
17 Noyabr

Okeanlar karbon emissiyalarının daha böyük hissəsini udur - yeni tədqiqat

11:09
17 Noyabr

FHN-dən valideynlərə ciddi çağırış: Uşaqları evdə tək qoymayın

11:06
17 Noyabr

Qızılın qiyməti son bir ilin ən aşağı səviyyəsindədir

11:05
17 Noyabr

Hərbi qulluqçulara ali hərbi rütbələr təqdim edilib

11:02
17 Noyabr

Qızıl və gümüş bahalaşıb

11:00
17 Noyabr

Neft ucuzlaşır

10:59
17 Noyabr

Dünya Bankı Azərbaycanda torpaqların konsolidasiyasına maliyyə dəstəyi göstərəcək

10:58
17 Noyabr

Azərbaycan və Dünya Bankı kənd təsərrüfatı sahəsində yeni layihənin icrasını müzakirə ediblər

10:57
17 Noyabr

Azərbaycan nefti 99 dollara satılır

10:55
17 Noyabr

Monqolustan Prezidenti istefa verdiyini açıqlayıb

10:44
17 Noyabr

Keçmiş məcburi köçkün: Doğma torpaqlarımıza böyük sevinclə qayıdırıq

10:37
17 Noyabr

Cəbrayıl sakini: Doğma yurda qayıdandan sonra arzularımızı həyata keçirəcəyik

10:37
17 Noyabr

“Böyük Qayıdış” davam edir: Növbəti köç karvanı ilə 83 ailə yola salınıb

10:35
17 Noyabr

Bakı-Xankəndi Azərbaycan velosiped yarışına hazırlıq məsələləri müzakirə edilib

08:35
17 Noyabr

"Şəhərsalma və Memarlıq İli" Lənkəran üçün düşərli olub 

08:30
17 Noyabr

Şəfa görmək istəyən Naftalana gəlsin

08:25
17 Noyabr

Enerji əməkdaşlığı, yeni investisiya imkanları və dünya bazarlarında qiymət dəyişiklikləri

08:20
17 Noyabr

Azərbaycan-Böyük Britaniya strateji tərəfdaşlığı yeni əməkdaşlıqlar üçün zəmin yaradır

08:15
17 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!