"Heydər Əliyev İli"ndə beynəlxalq təhsil əməkdaşlığı genişlənir
Heydər Əliyevin anadan olmasının 100 illiyi ölkəmizdə təntənəli şəkildə qeyd olunur. Respublikamızda "Heydər Əliyev İli"nə həsr olunan çoxsaylı tədbirlərdə dahi şəxsiyyətin əziz xatirəsi dərin ehtiram və sonsuz minnətdarlıq hissləri ilə yad edilir.
Mingəçevir Dövlət Universitetində də (MDU) "Heydər Əliyev İli" çərçivəsində geniş tədbirlər planının reallaşdırılması diqqət mərkəzində saxlanılır. Tədbirlər planı universitetdə və regionda Ümummilli Liderimizə həsr olunan mühazirələr, "dəyirmi masa"lar, seminarlar, konfranslar, ağacəkmə aksiyaları, ekskursiyalar, bilik və idman yarışları və digər tədbirlərlə yanaşı, ölkə xaricində də, xüsusilə qardaş Türkiyədə tərəfdaş universitetlərlə birgə fəaliyyətləri ehtiva edir. Bu baxımdan 2023-cü ilin 18-22 iyun tarixlərində "Heydər Əliyev İli" çərçivəsində MDU nümayəndə heyətinin Türkiyənin paytaxtı Ankaraya səfəri məhsuldar, faydalı və maraqlı tədbirlərlə və görüşlərlə yadda qalmışdır.
İyunun 19-da Ankarada Azərbaycan səfirliyi, Türkiyənin Qazi Universiteti və MDU-nun birgə təşkilatçılığı ilə "Heydər Əliyev və Azərbaycan-Türkiyə əlaqələrinin inkişafı" mövzusunda elmi konfrans keçirilmişdir.
Konfransda müasir Azərbaycan dövlətinin xilaskarı və qurucusu Heydər Əliyevin milli müstəqilliyimizin qorunması və gücləndirilməsi naminə misilsiz xidmətlər göstərdiyi, xalqımızın xilaskar lideri və Ümummilli Lideri zirvəsinə yüksəldiyi qeyd edilmiş və hazırda müstəqillik tarixinin ən qüdrətli dövrünü yaşayan Azərbaycanda Ulu Öndərin siyasi kursunun uğurla davam etdirildiyi vurğulanmışdır. Bildirilmişdir ki, Müzəffər Ali Baş Komandanımızın rəhbərliyi, rəşadətli Azərbaycan Ordusunun əsgər və zabitlərinin qəhrəmanlığı, xalqımızın həmrəyliyi, qardaş Türkiyənin siyasi və mənəvi dəstəyi sayəsində 44 günlük Vətən müharibəsində qazanılan tarixi zəfər məhz Heydər Əliyev siyasətinin təntənəsidir. Eləcə də "bir millət, iki dövlət" anlayışıyla Ümummilli Liderimizin hər zaman qardaş Türkiyə ilə əlaqələrin inkişafına və dostluq münasibətlərinin gücləndirilməsinə böyük önəm və misilsiz töhfələr verdiyi diqqətə çatdırılmış, dahi şəxsiyyətin əziz xatirəsinin xalqlarımız tərəfindən daim böyük hörmət, sonsuz sevgi və minnətdarlıqla yad ediləcəyi bildirilmişdir. Ulu Öndərimiz Heydər Əliyevin qlobal liderlik keyfiyyətlərinə malik olduğu vurğulanmış, görkəmli dövlət xadiminin çoxşaxəli, zəngin həyat və fəaliyyətində türk dünyasının xüsusi və mühüm yerə sahib olduğu diqqətə çatdırılmışdır. Qarşılıqlı əlaqələrin inkişafında elm və təhsil sahəsinin önəmindən danışılmış, növbəti illər üçün hər iki qardaş ölkənin inkişaf strategiyasının əməkdaşlıq baxımından yeni imkanlar qazandıracağı, universitetlərin hərəkətverici rolunu və məsuliyyətini daha da artıracağı qeyd edilmişdir.
Açılış nitqlərindən sonra konfrans panel iclası ilə davam etmişdir. Paneldə MDU alimləri "Heydər Əliyev və "bir millət, iki dövlət" anlayışı" və "Heydər Əliyevin türk dünyasının birliyinə töhfələri" mövzusunda, Qazi Universiteti alimləri "Heydər Əliyev dönəmi və Türkiyə-Azərbaycan mədəni əlaqələri", "Azərbaycanın sevinci bizim sevincimiz, kədəri bizim kədərimizdir" və "bir millət, iki dövlət" sözlərinin türk sənətində izləri" mövzusunda məruzələrlə çıxış etmişlər. Məruzələr iştirakçılar tərəfindən böyük maraqla qarşılanmışdır.
Həmçinin iyunun 20-də Ankarada Azərbaycan səfirliyi, Ankara Hacı Bayram Veli Universiteti və MDU-nun birgə təşkilatçılığı ilə "Heydər Əliyev İli" çərçivəsində "Azərbaycan və Türkiyə: Bir millət, iki dövlət, tək yumruq" mövzusunda elmi konfrans keçirilmişdir.
Konfransda Azərbaycanın dövlət müstəqilliyinin əbədiləşdirilməsi və sağlam əsaslar üzərində davamlı gücləndirilməsinin Ulu Öndərimizin müstəsna xidmətlərindən olduğu qeyd edilmiş, hazırda tarixinin şanlı zəfərlərlə dolu ən şərəfli səhifələrini yazmaqda davam edən müasir Azərbaycanın Ümummilli Liderimizin şah əsəri olduğu bildirilmişdir. "Mənim üçün öz canımdan, öz qanımdan artıq Azərbaycanın müstəqilliyini qorumaq, onu saxlamaq, onu əbədi etməkdir" kəlamı xatırladılaraq dahi şəxsiyyət Heydər Əliyevin bütün ömrünü canından çox sevdiyi Azərbaycanın parlaq gələcəyinə və xalqının rifahına həsr etdiyi vurğulanmışdır. Diqqətə çatdırılmışdır ki, Ümummilli Liderimizin ideyalarına və siyasi kursuna sadiqliyini ifadə edən Prezident İlham Əliyevin rəhbərliyi ilə əldə edilən nəhəng uğurlar, tarixi qələbələr ölkəmiz üçün bu siyasi xəttin alternativsizliyini bir daha nümayiş etdirir. Güclü Türkiyənin bütün türk dünyası üçün mühüm önəm kəsb etdiyi vurğulanmış, yaradılmasının ikinci yüzilliyinə qədəm qoyan Türkiyə Cümhuriyyətində inşasına başlanılan "Türkiyə yüz ili" strategiyasının türk dünyasının birliyinin daha da güclənməsində mühüm rol oynayacağına əminlik ifadə edilmiş, elm, təhsil və mədəni əlaqələrin, universitetlərarası əməkdaşlığın önəmindən danışılmışdır.
Daha sonra paneldə davam edən konfransda MDU və Ankara Hacı Bayram Veli Universiteti alimləri məruzələrlə çıxış etmişlər. Məruzələrdə Azərbaycan-Türkiyə münasibətlərinin tarixindən, ikitərəfli əlaqələrin inkişafında Heydər Əliyevin misilsiz xidmətlərindən, Ulu Öndərimizin türk xalqlarının ədəbiyyatının inkişafına töhfələrindən, Qarabağ zəfərinə qədər və sonrakı dövrlərdə qarşılıqlı əlaqələrin vəziyyəti və inkişaf perspektivlərindən bəhs edilmişdir. Məruzələr iştirakçılar tərəfindən böyük maraqla qarşılanmışdır.
Ümummilli Liderimizin 100 illik yubileyinin qeyd edilməsi məqsədini daşıyan səfər çərçivəsində tərəfdaş universitetlərlə MDU arasında əməkdaşlıq imkanlarının daha da genişləndirilməsinə hədəflənən işgüzar görüşlər keçirilmiş və faydalı müzakirələr aparılmışdır. Bu baxımdan MDU nümayəndə heyətinin Qazi Universitetinin Mühəndislik və Texnoloji fakültələrində, Ankara Hacı Bayram Veli Universitetinin Turizm, İqtisadi və idari bilimlər fakültələrində akademik və inzibati heyət üzvləri ilə görüşləri mühüm əhəmiyyət kəsb etmişdir. Görüşlərdə universitetlərin uyğun fakültələri arasında qarşılıqlı faydalı əməkdaşlığın potensialı dəyərləndirilmiş, növbəti tədris ilində işbirliyinin daha da gücləndirilməsi məqsədilə yeni fəaliyyət planının hazırlanması barədə müvafiq razılıqlar əldə edilmişdir. Nümayəndə heyəti həmçinin fakültələrdə mövcud tədris şəraiti və infrastrukturu ilə yaxından tanış olmuş, laboratoriyalara baxış keçirmişdir. Bununla yanaşı, Qazi Universitetinin Mühəndislik fakültəsində keçirilən "Məzun günü" tədbirində iştirak, tərəfimizdən gənc məzunlara təbriklərin və ən səmimi arzuların ifadə edilməsi, onlara müvafiq təltiflərin təqdim edilməsi səfərin məzmununu rəngarəng etmişdir.
MDU nümayəndə heyətinin qardaş ölkəyə səfəri Türkiyə Respublikasının yeni təyin olunmuş milli təhsil naziri Yusuf Tekinlə görüşü ilə də əlamətdar olmuşdur. Görüş zamanı yeni təyinat münasibətilə cənab nazirə təbriklər çatdırılmış və ona məsul vəzifəsində uğurlar arzulanmışdır. Eyni zamanda Ankara Hacı Bayram Veli Universitetində rektor olduğu müddətdə MDU ilə əməkdaşlığın inkişafına göstərdiyi dəstəyə görə universitetimizin dostu Y.Tekinə tələbə və müəllim kollektivimiz adından təşəkkür ifadə edilmişdir.
Şahin BAYRAMOV,
Mingəçevir Dövlət Universitetinin rektoru
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ermənistan hərbçisi naməlum səbəbdən aldığı güllə yarasından ölüb
03 Iyul
Külli miqdarda narkotik vasitənin tranzit yolla ölkə ərazisindən keçirilməsinin qarşısı alınıb...
03 Iyul
Nazir Məcnun Məmmədov Şabranda təsərrüfatlara baş çəkib, fermerlərlə görüşüb
03 Iyul
A.Mirzoyan: Ermənistan Azərbaycan ilə nəqliyyat kommunikasiyalarının tam açılmasında maraqlıdır...
03 Iyul
İlya Darçiaşvili: Gürcüstan Cənubi Qafqazda sülh şəraitində birgəyaşayışı qətiyyətlə dəstəkləyir...
03 Iyul
Astanada Azərbaycan və Qazaxıstan prezidentlərinin görüşü başlayıb YENİLƏNƏCƏK
03 Iyul
Ukraynalı ombudsman Azərbaycanın humanitar yardımlarını yüksək qiymətləndirib
03 Iyul
Ermənistan və Gürcüstan XİN rəhbərləri regional təhlükəsizlik məsələlərini müzakirə ediblər...
03 Iyul
Astanada Azərbaycan Prezidenti İlham Əliyevin Rusiya Prezidenti Vladimir Putin ilə görüşü olub YENİ...
03 Iyul
Suriyada əlavə addımlar atıla bilər - Ərdoğan danışdı
03 Iyul
DİQQƏT ÇƏKƏNLƏR
Prezident İlham Əliyev BMT-nin Baş katibinin müavini və Ətraf Mühit Proqramının icraçı direktorunu q...27 Iyun 2024
![](/uploads/img/posts/2024/06/27/1719473706217621927_1200x630jpg-1719477132.jpg)
Prezident İlham Əliyevə İtaliyanın “Leonardo” şirkətinin istehsalı olan hərbi nəqliyyat təyyarəsi tə...26 Iyun 2024
![](/uploads/img/posts/2024/06/26/17193913105429036540_1200x630jpg-1719393315.jpg)
Azərbaycan beynəlxalq əməkdaşlıq platformasına çevrilir25 Iyun 2024
![](/uploads/img/posts/2024/06/25/manwetttjpg-1719265024.jpg)
İlham Əliyevin əməkdaşlıq modeli qlobal platformaya çevrilir21 Iyun 2024
![](/uploads/img/posts/2024/06/21/1647332818_ef00f73450eae074135fcd9c4cacf6d8 Копированиеjpg-1718925466.jpg)
Qurtuluş missiyası15 Iyun 2024
![](/uploads/img/posts/2024/06/15/saytjpg-1718404077.jpg)
ÇOX OXUNANLAR
Prezident növbədənkənar parlament seçkilərini təyin etdi29 Iyun 2024
![](/uploads/img/posts/2024/06/29/1583835201167192134jpg-1719605770.jpg)
Sülh uğrunda müharibə26 Iyun 2024
![](/uploads/img/posts/2024/06/26/1656311658_e346c3b9742c001ff2f42ef9aa7170cajpg-1719357575.jpg)
Davamlı inkişaf, səmərəli islahat, real nəticə25 Iyun 2024
![](/uploads/img/posts/2024/06/25/4jpg-1719265162.jpg)
Böyük tarixdən başlanan Zəfər yolu23 Iyun 2024
![](/uploads/img/posts/2024/06/23/babaaajpg-1719094277.jpg)
“Euronews” televiziyasında Prezident İlham Əliyevin müsahibəsi yayımlanıb22 Iyun 2024
![](/uploads/img/posts/2024/06/22/17190365625934912960_1200x630jpg-1719036839.jpg)
Adın nədir - Daşdəmir...21 Iyun 2024
![](/uploads/img/posts/2024/06/21/susajpg-1718926127.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!