Gürcüstanda Azərbaycan, türk və gürcü xalqlarının mədəniyyətini təbliğ edəcək yeni təşkilat yaradılıb
Gürcüstanda Azərbaycan, türk və gürcü xalqlarının mədəniyyətini, tarixini, incəsənətini, folklorunu təbliğ edəcək, yaddan çıxmaqda olan ədəbiyyat və mədəniyyət nümunələrini bərpa edərək yenidən həyata qaytaracaq “Sazın-Sözün Butası” adlı yeni təşkilat yaradılıb.
AZƏRTAC xəbər verir ki, martın 10-da Tbilisidəki M.F.Axundzadə adına Azərbaycan Mədəniyyəti Mərkəzində təşkilatın təqdimatı olub.
Təşkilatın təsisçisi və rəhbəri Azərbaycan Yazıçılar Birliyinin və Azərbaycan Aşıqlar Birliyinin üzvü, “Aşıq Pəri” Məclisinin qurucularından biri olan şair Səadət Butadır.
Səadət Buta deyib: “Azərbaycan, gürcü və türk xalqlarının elə ədəbiyyat, mədəniyyət, incəsənət və folklor nümunələri var ki, onlar artıq unudulmaq üzrədir. Bəzi xalqların nümayəndələri isə fürsətdən istifadə edib bizim mədəniyyət, tarix, folklor və ədəbiyyat nümunələrimizi saxtalaşdıraraq öz adlarına çıxırlar. Təşkilatı yaratmaqda məqsəd həm xalqlarımızın mədəniyyətini, tarixini, incəsənətini, folklorunu təbliğ etmək, yaddan çıxmaqda olan ədəbiyyat və mədəniyyət nümunələrini bərpa edərək yenidən həyata qaytarmaq, həm də saxtakarların qarşısını almaqdır”.
Tədbirdə Azərbaycanın Gürcüstandakı səfirliyinin məsul əməkdaşı Ramiz Hacızadə, professor Mahmud Kamaloğlu, siyasi xadim Ruslan Hacıyev, gürcü politoloq Quram Marxuliya, “Salam” Xeyriyyə Cəmiyyətinin sədri Maya Rəcəbova, politoloq Badri Naşkebiya, Gürcüstan parlamentinin sabiq deputatı, folklorşünas Ramiz Bəkirov və başqaları çıxış edərək, təşkilatın yaranmasını yüksək qiymətləndiriblər.
Bildirilib ki, bu təşkilat, eyni zamanda, Azərbaycan, Gürcüstan və Türkiyə arasında mədəni əlaqələrin inkişafında mühüm rol oynayacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Voyager 1” zondu uzun fasilədən sonra Yerə siqnal göndərib
26 Aprel
Bayraq aşiqi
26 Aprel
Rus kosmonavtlar açıq kosmosda 4 saatdan çox vaxt keçiriblər
26 Aprel
Qubalılar yol sarıdan rahatlığa çıxırlar
26 Aprel
Çiyid səpini sürətlənir
26 Aprel
Bəşəri dəyər
26 Aprel
COP29 "yaşıl dünya"ya qapı açacaq
26 Aprel
Azərbaycan Respublikasının Prezidenti zati-aliləri cənab İlham Əliyevə
26 Aprel
Sahibkarlar Gününə həsr olunmuş konfrans keçirilib
26 Aprel
Azərbaycan istənilən təhdidə cavab vermək gücündədir
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!