Dekabrın 21-də Psixologiya Elmi-Tədqiqat İnstitutunda Tələbə Psixoloqların IV Respublika Konfransı keçirilib.
Konfransda institutun sədri Elnur Rüstəmov, institunun İnkişaf və yaş psixologiyası şöbəsinin elmi işçisi, uzman klinik psixoloq Narınc Rüstəmova, institutunun əməkdaşı, klinik- psixoloq Rövşən Nəcəfov və uzman psixiatr Elmir Təhməzov çıxış ediblər.
Tədbir Azərbaycan Respublikasının Dövlət Himninin səsləndirilməsi ilə başlayıb.
Daha sonra şəhidlərimizin əziz xatirəsi 1 dəqiqəlik sükutla yad edilib.
Psixologiya Elmi-Tədqiqat İnstitutunun sədri, f.ü.f.d Elnur Rüstəmov açılış nitqi ilə çıxış edərək konfrans iştirakçılarını salamlayıb.
O, 2024-cü ildə Psixologiya Elmi-Tədqiqat İnstitutun elmi fəaliyyət yolu haqqında danışıb. Sədr, görülən tədqiqat işlərindən, beynəlxalq xülasələndirmə və indeksli jurnallarda çap olunan tədqiqat məqalələrindən, hazırlanan metodikalardan, yenidənhazırlanma təhsili proqramından, institutun ixtisasartırma kurslarından bəhs edib.
O həmçinin əlavə edib ki, 6 il müddətində Psixologiya Elmi-Tədqiqat İnstitutunun psixologiya ilə bağlı bir çox kitabları, jurnalları, metodik vəsaitləri çap olunub.
Elnur Rüstəmov Testlərin Adaptasiyası Mərkəzinin faəliyyətindən bəhs edib və bildirib ki, bu günədək mərkəz 21 test adaptasiya edib və onlardan 8-i beynəlxalq xülasələndirmə və indeksli jurnallarda çap olunub.
İnstitut sədri modelləmə işi aparıldığını, bunlardan 12-nin beynəlxalq xülasələndirmə və indeksli jurnallarda çap olunduğunu deyib.
Bununla yanaşı, institutun mətbu orqanı olan «Psixologiya» jurnalında davamlı olaraq psixologiya sahəsində alimlərin, tədqiqatçıların, magistrlər və doktrantların məqalələrinin çap edilidiyini diqqətə çatdırıb.
Bildirilib ki, təkcə cari il ərzində 8 tədqiqat məqaləsi, 5 metodika və 3 kitab çap olunub.
Daha sonra o, “Yeni dövrün psixoloqu - Zəruri bacarıqlar və biliklər” mövzusunda təqdimatla çıxış edib.
Elnur Rüstəmov çıxışının sonunda konfrans iştirakçılarına uğurlar arzulayıb.
Məruzəçilər - Psixologiya Elmi Tədqiqat İnstitunun İnkişaf və yaş psixologiyası şöbəsinin elmi işçisi, uzman klinik psixoloq Narınc Rüstəmova “Özünəgüvənli uşaq yetişdirməyin 10 qızıl qaydası”, klinik psixoloq Rövşən Nəcəfov “Psixoloji yardımın dəyəri: Bir fərdin həyatında fərq yaratmaq”, uzman psixiatr Elmir Təhməzov "Cinsi terapiya - Doğru bildiyimiz yanlışlar" mövzularında çıxış ediblər.
Sonda iştirakçılara sertifikatlar təqdim olunub və xatirə şəkli çəkdirilib.
