Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndirəcəkdir
"Bizim başqa ailəmiz yoxdur, bizim ailəmiz türk dünyasıdır".
İlham ƏLİYEV
Beynəlxalq aləmdə etibarlı tərəfdaş olan Azərbaycana göstərilən etimad və inam təkcə regionla məhdudlaşmır. Bu gün güclü və qalib Azərbaycan yeni reallığın müəllifidir. Prezident İlham Əliyevin rəhbərliyi ilə həyata keçirilən uğurlu siyasət Azərbaycanın regional və qlobal miqyasda rolunu gündən-günə gücləndirir.
Ötənlərə nəzər salsaq, Azərbaycan və Özbəkistan xalqları arasında mənəvi bağlar üzərində olan münasibətlərin çoxəsrlik tarixə malik olduğunu görərik.
Həm Azərbaycan, həm də Özbəkistan iqtisadi baxımdan türk dünyasının qüdrətli dövlətlərindəndir. Türk xalqlarının birliyini möhkəmləndirmək, mənəvi körpüləri qorumaq, ortaq dəyərlərimizi birləşdirmək Ulu Öndər Heydər Əliyevin fəaliyyətinin əsas məqsədlərindən olmuşdur.
Bu gün isə möhtərəm Prezident İlham Əliyev Özbəkistan ilə dostluq və qardaşlıq münasibətlərinin bütün sahələrdə inkişafına xüsusi diqqət yetirir. Türk dünyasının və Türk Dövlətləri Təşkilatının gücləndirilməsi Azərbaycanın xarici siyasətinin əsas prioritet istiqamətlərindən biridir. İki ölkə arasında əməkdaşlıq səyləri, o cümlədən iqtisadi-ticarət, investisiya tərəfdaşlığı getdikcə genişlənir. Hazırda Özbəkistanla əlaqələrin yüksək səviyyəyə çatmasında Prezident İlham Əliyevin və Prezident Şavkat Mirziyoyevin şəxsi dostluq münasibətləri də həlledici rol oynayır.
Türk dünyasında Özbəkistan Azərbaycanın mühüm ticarət tərəfdaşlarından biridir. Son zamanlar iqtisadi əməkdaşlıq sahəsində bir çox layihə həyata keçirilir. Müxtəlif məhsullar üzrə iki ölkə arasında idxal və ixrac, o cümlədən yaranmış əlverişli investisiya mühitini dəyərləndirmək üçün qarşılıqlı olaraq investisiya qoyuluşları həyata keçirilir.
Azərbaycan Respublikasının Prezidenti cənab İlham Əliyevin Özbəkistan Respublikasına dövlət səfəri çərçivəsində təşkil olunan və hər iki ölkənin işgüzar nümayəndələrinin iştirak etdiyi görüşdə "Matanat A" Şirkətlər Qrupunun fəaliyyəti və həyata keçirdiyi beynəlxalq layihələr barədə məlumat verildi. Heç şübhəsiz, cənab Prezidentin sahibkarlara göstərdiyi diqqət və qayğının nəticəsində şirkətlər qrupu bu gün qloballaşaraq dünya miqyasında tanınan və ən son innovativ texnologiyalar ilə məhsullar istehal edərək, ölkənin sosial-iqtisadı həyatında əsas rol oynayır. Məhz dövlətimizin qayğısı və diqqəti sayəsində şirkətimiz tərəfindən Özbəkistanın Qaşqadərya vilayətində gips və gips-karton məhsullarının istehsalı zavodunun inşası həyata keçiriləcək. Cənab Prezident "Matanat A" Şirkətlər Qrupuna aid olan zavodların açılışında hər zaman şirkətlər qrupumuzun fəaliyyəti ilə mütəmadi tanış olduğunu bildirərək, bunların ölkə iqtisadiyyatına və sənaye istehsalının inkişafına böyük töhfələr verdiyini vurğulamış, dövlətin dəstəyi ilə fəaliyyətimizi daha da genişləndirməyi tövsiyə etmişdir.
Dövlət başçısının yerli şirkətlərin xarici ölkələrə sərmayə qoyuluşunu dəstəkləməsi və məqsədəuyğun hesab etməsinin nəticəsi olaraq bu tarixi səfərdə qardaş ölkədə təməli qoyulan zavodumuz, eləcə də gələcəkdə həyata keçiriləcək digər beynəlxalq layihələrimizin hər biri ölkəmizin inkişafına xidmət edəcək.
Şübhəsiz ki, ölkələri birləşdirən dəyərlərin əsasını mədəniyyət təşkil edir. Azərbaycan və Özbəkistan arasında bütün sahələrdə, o cümlədən mədəniyyət sahəsində tarixən mövcud olan əlaqələr möhkəm təməllər üzərində qurulmuşdur. Ölkələrimiz tarixi, dini, mədəni əlaqələr baxımından bir-birinə çox yaxındır. Azərbaycan-Özbəkistan arasında mövcud olan mədəni əlaqələr bu xalqların tarixi keçmişinə əsaslanır.
Səfər çərçivəsində təşkil olunan təntənəli qala-konsert proqramında hər iki xalqın bir-birinin mədəniyyətindən bəhrələnməsi bir daha qardaş Özbəkistanla möhkəm mənəvi bağlılığımızın yüksək göstəricisidir.
Dünya ədəbiyyatına misilsiz töhfələr verən Nizami Gəncəvi, Əlişir Nəvai kimi dahi şəxsiyyətlər yetişdirən Azərbaycan və Özbəkistanın dostluğu sarsılmaz və əbədidir. Türk qardaşlıq dünyasının lideri möhtərəm Prezident İlham Əliyevin "Bizim başqa ailəmiz yoxdur, bizim ailəmiz türk dünyasıdır" deyərək ortaya qoyduğu yeni hədəflər türk dünyasının gələcəyinə və münasibətlərin daha da möhkəmlənməsinə yeni töhfələr verəcək.
Elxan BƏŞİROV,
"Matanat A" Şirkətlər Qrupunun Müşahidə Şurasının sədri
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!