Azərbaycan hərb tarixinə qızıl hərflərlə yazılan 44 günlük
haqq savaşımızda Masallıdan çox sayda gənc
Vətənin harayına birincilər sırasında səs
verib, yağıya qarşı son damla qanına qədər
döyüşüb, şəhidlik zirvəsinə ucalıb.
Qəhrəmanlıq salnaməsi yazaraq xalqımıza
şanlı qələbə yaşadan mərd igidlər rayonumuzda heç vaxt unudulmur.
Rayonda kiçik də, böyük də Vətən şəhidlərinin xatirəsini əziz tutmağı, onları
yad etməyi özlərinə müqəddəs borc bilirlər. Rayon icra hakimiyyətində isə bu
sonsuz ehtiram örnək olası bir ənənə halını alıb. Rayon rəhbərliyi şəhid ailələrini,
müharibə əlilləri və iştirakçılarını daim diqqətdə saxlayır, onların
qayğılarını öyrənir, yaranan problemin qarşısını almaq üçün tədbirlər görür.
Bu günlər RİH-in başçısı Araz Əhmədov, aparatın Müharibə
iştirakçıları və şəhid ailələri ilə işin təşkili sektorunun müdiri Qəşəm
Hadiyev, şöbə müdirinin müavini Nahid Həsənov, ərazi nümayəndəsi, bələdiyyə sədri,
şəhid ailələri və vətəndaşların iştirakı ilə
rayonun Güllütəpə ərazisində şəhidlərin
baş qoyduğu müqəddəs yerləri ziyarət edib, qəbirüstü abidələrin önünə tər
gül dəstələri düzüblər.
Ziyarət zamanı o da
vurğulanıb ki, şəhidlik ən ali zirvədir. Yalnız Vətən,
torpaq yolunda canından keçənlər ona sahib olurlar. Bundan böyük şərəf və qürur
yoxdur. Qərinələr ötsə belə şəhidlərin
adı unudulmayacaq və daim qəlblərdə yaşayacaq. Onların şərəfli ömür
yolları gələn nəsillər üçün örnək
olacaq.
Şəhidlərin ailə üzvləri onlara göstərilən diqqət və qayğıya
görə ölkə rəhbərliyinə, ziyarətdə
iştirak edən hər kəsə razılıqlarını
bildiriblər.
Zəfər ORUCOÜLU
jpg_1782946307.jpg)
