24 Oktyabr 2026 08:00
16970
CƏMİYYƏT
A- A+
Təbiət möcüzələri dövlətin himayəsinə götürülür

Təbiət möcüzələri dövlətin himayəsinə götürülür


Qarabağ Milli Parkı və "Azıx-Tağlar Arxeoloji Parkı" Dövlət Qoruğunun yaradılması bölgənin təbii və tarixi irsinin qorunmasında yeni mərhələdir


Qarabağ Azərbaycanın zəngin tarixi, füsunkar təbiəti və əsrarəngiz gözəllikləri ilə seçilən diyarıdır. Bu torpağın hər guşəsi özünəməxsus təbiət mənzərələri, yaşıl meşələri və canlı aləmi ilə insanı valeh edir. Təbiətin bu gözəlliklərini qorumaq, gələcək nəsillərə çatdırmaq və onun zənginliyini tanıtmaq hər birimizin borcudur. 

Qarabağın təbii sərvətlərinin dövlət səviyyəsində mühafizəsi, bölgənin ekoloji potensialının qorunması və ətraf mühitlə insan arasında harmoniyanın möhkəmləndirilməsi yolunda yeni bir səhifə açan Qarabağ Milli Parkının yaradılması çox böyük əhəmiyyət kəsb edir. Prezident İlham Əliyevin 20 oktyabr 2026-cı il tarixli "Azərbaycan Respublikasının Qarabağ Milli Parkının yaradılması haqqında" sərəncamı bölgənin təbii zənginliklərinin mühafizəsi, ekoloji tarazlığın bərpası və dayanıqlı turizmin inkişafı baxımından mühüm əhəmiyyət daşıyır. Sərəncama əsasən, Ağdərə, Xocalı, Kəlbəcər, Şuşa və Laçın rayonlarının dövlət mülkiyyətində olan torpaqlarından ümumilikdə 88418 hektar ərazi Qarabağ Milli Parkına ayrılıb. Bu ərazi xüsusi mühafizə olunan təbiət əraziləri kateqoriyasına daxildir.  

Sərəncamda xüsusi mühafizə olunan təbiət əraziləri şəbəkəsinin genişləndirilməsi, təbii sərvətlərdən dayanıqlı istifadə, sosial-iqtisadi imkanların artırılması və ekoturizmin inkişafı əsas məqsədlər sırasında yer alır. Bu hədəflər regionun  təbii potensialının qorunması və mövcud imkanlardan səmərəli istifadənin təmin edilməsi istiqamətində böyük rol oynayır.  İşğaldan azad edilmiş ərazilərdə Bəsitçay Dövlət Təbiət Qoruğunun və Daşaltı Dövlət Təbiət Yasaqlığının fəaliyyətinin bərpasından sonra  daha bir təbiət guşəsinin  yaradılması burada ətraf mühitin  mühafizəsi istiqamətində həyata keçirilən tədbirlərin əhatə dairəsini bir qədər də  genişləndirir. Milli Parkın geniş ərazisi müxtəlif landşaftları, zəngin bitki örtüyünü və canlı aləmi əhatə edir. Bu, təbii ekosistemlər arasındakı əlaqələrin qorunmasına kömək edir.  

Qarabağ Milli Parkı ekoturizmin inkişafı, ekoloji maarifləndirmə tədbirlərinin keçirilməsi və elmi araşdırmaların aparılması üçün də geniş imkanlar yaradır. Həmin imkanlardan düzgün istifadə yerli əhali üçün yeni iş yerlərinin açılmasına, xidmət sahələrinin inkişafına və bölgəyə turist marağının artmasına kömək edə bilər. Düzgün idarə olunması, təbii sərvətlərin qorunması və onlardan səmərəli istifadə Qarabağın təbiətinin gələcək nəsillərə çatdırılmasına və regionun inkişafına xidmət edəcək.

Qarabağın yeni yaşıl sərvətinin yaradılması "Azərbaycan Respublikasında turizmin inkişafına dair 2026-2030-cu illər üçün Dövlət Proqramı"nda nəzərdə tutulan hədəflərlə də uzlaşır. Regionlarda turizm fəaliyyətinin təşviqi, rəqabətqabiliyyətli turizm məhsullarının yaradılması və bu sahəyə investisiyaların cəlb edilməsi dövlət siyasətinin əsas istiqamətlərindəndir. Milli Park zəngin təbiəti, rəngarəng landşaftları və özünəməxsus ekosistemləri ilə ekoturizmin inkişafı üçün yeni imkanlar yarada, Azərbaycanın turizm xəritəsində bölgənin mövqeyini daha da gücləndirə bilər.

Qarabağın təbii sərvətlərinin qorunması ilə yanaşı, bölgənin qədim tarixinin və zəngin mədəni irsinin mühafizəsi də xüsusi əhəmiyyət daşıyır. Bu baxımdan, "Azıx-Tağlar Arxeoloji Parkı" Dövlət Qoruğunun yaradılması tarixi-mədəni dəyərlərin qorunması istiqamətində mühüm addımdır. Xocavənd rayonunda yerləşən Azıx və Tağlar mağara düşərgələrinin dövlət qoruğu elan edilməsi bu qədim insan məskənlərinin mühafizəsinə, elmi əsaslarla tədqiqinə və beynəlxalq səviyyədə tanıdılmasına geniş imkanlar yaradır. Bu arxeoloji abidələr qədim insanların həyat tərzinin öyrənilməsi və Azərbaycanın bəşər tarixindəki yerinin daha dərindən araşdırılması baxımından qiymətli mənbələrdir. Qoruğun yaradılması Qarabağda mədəni turizmin və ekoloji-maarifləndirici fəaliyyətlərin inkişafı üçün yeni imkanlar aça bilər. 

Milli Parkın və "Azıx-Tağlar Arxeoloji Parkı" Dövlət Qoruğunun əhəmiyyəti təbiətin və tarixi abidələrin mühafizəsi ilə yanaşı, digər sahələri də əhatə edir. Bu ərazilərin mühafizəsi və səmərəli idarə olunması turizmin inkişafı, yeni iş imkanlarının yaradılması və yerli sahibkarlığın genişlənməsi üçün də əlverişli şərait yarada bilər. Ekoturizm və mədəni turizm, bələdçilik xidmətləri, yerli məhsulların istehsalı və satışı, eləcə də maarifləndirici ekskursiyalar bölgənin iqtisadi potensialının reallaşdırılmasına xidmət edə bilər.

Hər iki ərazinin qorunması və düzgün idarə olunması Qarabağın təbii və tarixi-mədəni irsinin beynəlxalq səviyyədə tanıdılmasına şərait yaradacaq. Milli Parkın zəngin biomüxtəlifliyi və füsunkar landşaftları, Azıx və Tağlar mağaralarının qədim tarixi və elmi əhəmiyyəti bölgənin turizm potensialını daha da rəngarəng olmasına imkan verəcək.  Bu imkanlardan davamlı və məsuliyyətli şəkildə istifadə Qarabağın həm təbii, həm də mədəni sərvətlərinin gələcək nəsillərə çatdırılmasına, regionun sosial-iqtisadi inkişafına və Azərbaycanın beynəlxalq turizm məkanında tanıdılmasına xidmət edəcək.


Züleyxa ƏLİYEVA, 

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan Respublikası Prezidentinin 2009-cu il 14 may tarixli 95 nömrəli Fərmanı ilə təsdiq edilmiş "Azərbaycan Respublikasının Diasporla İş üzrə Dövlət Komitəsi haqqında Əsasnamə"də dəyişiklik edilməsi barədə

01:03
19 Noyabr

Azərbaycan Respublikası Nazirlər Kabinetinin 2023-cü il 28 dekabr tarixli 485 nömrəli Qərarı ilə təsdiq edilmiş “Dövlət orqanlarının (qurumlarının) və yerli özünüidarəetmə orqanlarının istifadə etməli olduqları texnoloji avadanlığa və proqram təminatına dair tələblərə uyğunluğun müəyyənləşdirilməsi Qaydası”nda dəyişiklik edilməsi haqqında

01:02
19 Noyabr

Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun strukturunun, işçilərinin say həddinin, əməkhaqlarının (vəzifə maaşları, vəzifə maaşlarına əlavələr, mükafatlar və digər ödənişlər) məbləğlərinin təsdiq edilməsi haqqında

01:01
19 Noyabr

Zelenski: Ukrayna Donald Trampın Çindəki danışıqları barədə məlumat gözləyir  

23:39
18 Noyabr

Gənclər və idman naziri “Eurosport”un nümayəndələri ilə görüşüb

22:37
18 Noyabr

Putin və Trampın görüşü noyabrın 19-na planlaşdırılıb

22:29
18 Noyabr

Latviya səfiri: Azərbaycan təbiəti, tarixi və qonaqpərvərliyi ilə heyran edir  

21:56
18 Noyabr

Səfir: İçərişəhər hər zaman insana ilham verir

21:34
18 Noyabr

Bakıda Şimali Kipr Türk Cümhuriyyətinin müstəqilliyinin 43-cü ildönümü qeyd olunub  

21:18
18 Noyabr

Milli Məclisin sədri Türkmənistanda işgüzar səfərdədir

20:54
18 Noyabr

Azərbaycan ilə ABŞ arasında Strateji Tərəfdaşlıq Xartiyası çərçivəsində əməkdaşlıq layihələri nəzərdən keçirilib  

20:07
18 Noyabr

“Şuşa – İƏT-in turizm paytaxtı 2026” tədbirinin bağlanış mərasimi olub 

19:56
18 Noyabr

Cenevrədə Azərbaycanın sədrliyi ilə Miqrasiya üzrə Qlobal Paktın “Çempion ölkələr” təşəbbüsü çərçivəsində görüş təşkil olunub  

19:29
18 Noyabr

YAP nümayəndə heyəti Rusiyada keçirilən beynəlxalq tədbirdə iştirak edib  

19:12
18 Noyabr

Gürcüstan Müdafiə Qüvvələri komandanının ölkəmizə səfəri davam edir 

18:52
18 Noyabr

Yerjan Mukaş: Şuşa “Turizm paytaxtı” kimi çox gözəl tədbirlərə ev sahibliyi edib 

18:39
18 Noyabr

Kənan Quluzadə: Bu ilin əsas fəlsəfəsi Şuşanın turizm imkanlarını dünyaya tanıtmaqdır  

18:36
18 Noyabr

ANAMA sədri Brüsseldə mühüm görüşlər keçirib: minatəmizləmə sahəsində beynəlxalq əməkdaşlıq genişlənir  

18:29
18 Noyabr

HONOR İstanbulda istehsala başlayıb 

18:27
18 Noyabr

DİN-dən irimiqyaslı əməliyyat: 104 kiloqram narkotik ələ keçirilib, 8 nəfər saxlanılıb 

18:23
18 Noyabr

Azərbaycan-Gürcüstan iqtisadi tərəfdaşlığının inkişaf perspektivlərinə dair fikir mübadiləsi olub  

18:17
18 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!