Turizm xalqları bir-birinə yaxınlaşdırır
Turizm xalqımızın mədəniyyətini, adət-ənənələrini, zəngin tarixi keçmişini dünyaya tanıtmaq üçün ən gözəl vasitələrdən biridir.
Təsadüfi deyil ki, dövlət başçısı ölkəmiz üçün bu sahənin əhəmiyyətindən bəhs edərkən xüsusi olaraq vurğulayıb: "Turizm sahəsi həm regionların inkişafı, həm də ki, ölkənin iqtisadi potensialının möhkəmlənməsi üçün, Azərbaycanın imici, dünyaya inteqrasiyası üçün çox mühüm bir vasitədir. Bizim çox gözəl təbiətimiz var. Bəlkə nadir ölkələrdən biriyik ki, burada istənilən təbii şərait, istənilən iqlim var".
Mütəxəssislərin fikirlərinə görə, ölkəmizə gələn turistlərin böyük əksəriyyəti ilk növbədə mədəni irsimiz, tariximiz, ən qədim dövrlərə təsadüf edən yaşayış məskənlərimiz və abidələrimizlə maraqlanırlar. Ona görə də mədəniyyətin təbliğ olunmasında turizmin böyük rolu var. Gələn turistlər daha çox İçərişəhər, Abşeron Milli Parkı, Qarasu vulkanı, Qobustan Dövlət Tarixi-Bədii Qoruğu, Şirvan Milli Parkı, Nabran, Şəki, Yanardağ, Atəşgah, Lahıc və Yanar bulağa səyahət etməyə üstünlük verirlər. Gündən-günə abadlaşan, əsrarəngiz gözəlliyi ilə seçilən Bakı gecələri, rəngarəng işıqları ilə göz oxşayan Alov qüllələri də türistlərin daha çox izlədikləri, üz tutduqları məkanlar sırasındadır.
Dünyada ölkəmizə olan diqqət gündən-günə artır. Bu fakt respublikaya gələn xarici qonaqların sayına da təsir göstərir. Turistlərin ölkəmizə axını yeni turizm marşrutlarının yaranmasını zəruri edir.
30 ilə yaxın ürəyimizdə Qarabağ adlı bir dərdimiz vardı. Mənfur ermənilər bu onilliklərdə turizm baxımından daha əhəmiyyətli, daha çox təbii gözəlliyi, füsunkar təbiəti ilə seçilən, zəngin tarixi abidələrin və mədəni irsimizin saxlanc yeri olan Qarabağı işğal edib, tarixi abidələrimizi, dini ocaqlarımızı dağıdıb məhv etməklə, yaxud "özəlləşdirmək"lə məşğul idilər. 2020-ci il sentyabrın 27-də başlanan Vətən müharibəsi tarixi ədalətin bərpası üçün aparılan bir müharibə idi. Ordumuzun şücaəti, Müzəffər Ali Baş Komandanın qətiyyəti ilə torpaqlarımız işğaldan azad edildi. Ədalət zəfər çaldı. Bununla əsirlikdə olan tarixi abidələrimizi, mədəni irsimizi də xilas etdik. Qədim şəhərimiz olan Şuşa mədəniyyət paytaxtımız elan olundu. Qısa zamanda bu qədim şəhərdə və digər işğaldan azad olunmuş ərazilərimizdə erməni vandalizmindən zərər çəkmiş, dağıdılmış tarixi mədəni abidələrimizin bərpasına start verildi. Artıq bəzi tarixi abidələrimiz, məscidlərimiz bərpa olunaraq öz "ikinci həyat"larını yaşayırlar. İftixar hissi ilə deyə bilərik ki, Şuşa şəhəri, işğaldan azad edilmiş digər rayonlarımız indi turistlərin, səyyahların ən çox diqqətini cəlb edən ünvanlardır.
Bu il sentyabrın 21-də düşmən işğalından azad olunmuş Laçında, Kəlbəcərdə olan Müzəffər Ali Baş Komandan bu yerlərin təbii gözəlliklərini, uca dağlarını, gur axan səsli-küylü dağ çaylarını, geniş ormanlarını göstərərək - "Bu yerlər əsl cənnətdir, biz buraları abadlaşdırıb əsl cənnətə döndərəcəyik. Turizmin inkişafı üçün bu torpaqlar çox əlverişli bir məkandır", - deyərək işğaldan azad olunmuş torpaqlarımızın turizm üçün uğurlu perspektivini bir daha qeyd etmiş oldu. Biz isə hər gün abadlaşan, gözəlləşən vətənimizə baxıb qürurla deyirik: "Cənnət görmək istəyən Azərbaycana gəlsin".
Elşən QƏNİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!