Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
"Qərbi Azərbaycana qayıdış ölkəmizin bütövlüyünə, suveren hüquqlarımızın və tarixi ədalətin bərqərar olunmasına, identikliyimizin, mədəni özünəməxsusluğumuzun qorunmasına xidmət edən milli ideyamızın ayrılmaz hissələrindən biridir. Qərbi Azərbaycana qayıdış Ulu Öndər Heydər Əliyevin milli dövlətçilik ənənələrimizin xalqımıza məxsus bir coğrafiyada bərqərar olmasıdır. Tarixi yurd yerlərimizdə və mənsub olduğumuz böyük türk ailəsində davamlı sülhün, təhlükəsizliyin, rifahın təmin olunmasını hədəfləyən strateji baxış bucağından qaynaqlanan, Prezident İlham Əliyev tərəfindən inkişaf etdirilərək ümummilli ideyaya çevrilən və ardıcıllıqla gerçəkləşdirilən milli özünəqayıdış və dəyərlər üzərindən inkişaf konsepsiyasının gerçəkləşdirilməsi prosesinin növbəti və ən önəmli mərhələsidir".
Bu sözləri "Azərbaycan" qəzetinə açıqlamasında Milli Məclisin deputatı Elçin Mirzəbəyli deyib. O qeyd edib ki, bu konsepsiyanın təməlində və hədəfində başqalarının, o cümlədən tarixboyu təhrif olunmuş həqiqətlər, saxta ideyalar üzərindən xalqımıza düşmənçilik siyasəti yürüdənlərə qarşı əzici, aşağılayıcı davranışın sərgilənməsi yer almayıb. Əksinə, əsas hədəflərdən biri də tarixi həqiqətlərin olduğu kimi təqdim olunması ilə yanaşı, təhlükəsiz və firavan birgəyaşayışın təmin edilməsidir. Məsələyə hüquqi kontekstdən yanaşanda doğma yurd yerlərindən didərgin salınmış qərbi azərbaycanlıların öz evlərinə qayıdışı onların fundamental hüququdur və bu hüquq heç bir anlayışla məhdudlaşdırıla bilməz. "Bu baxımdan Ermənistan qərbi azərbaycanlıların Ümumdünya İnsan Hüquqları Bəyannaməsində, Mülki və Siyasi Hüquqlar üzrə Beynəlxalq Paktda, Qaçqınların Statusuna dair Konvensiyada və digər mühüm beynəlxalq aktlarda təsbit olunmuş geriyə qayıtmaq hüququnu, sözügedən sənədlərdə qeyd olunduğu kimi, təxirə salmadan təmin etməlidir. Bu kimi məqamlar Qərbi Azərbaycan İcmasının indiki Ermənistan ərazisindən qovulmuş azərbaycanlıların təhlükəsiz və ləyaqətli şəkildə, sülh yolu ilə geriyə qayıtmasının təmin edilməsi barədə konsepsiyasında yer aldığı üçün yenidən təkrarlanmasına ehtiyac yoxdur. Qərbi azərbaycanlıların indiki Ermənistan ərazisinə - öz tarixi və hüquqi yurd yerlərinə qayıdışı beynəlxalq hüququn hər hansı bir alternativi olmayan tələbidir", - deyə o əlavə edib.
Deputat qeyd edib ki, Azərbaycan beynəlxalq səviyyədə tanınmış suveren ərazilərini 30 ilə yaxın işğal altında saxlayan, bir milyona yaxın azərbaycanlını yurd yerlərindən qaçqın və məcburi köçkün salan, Azərbaycan xalqına qarşı etnik zəmində soyqırımı cinayətləri, vandalizm aktları həyata keçirən, müstəqillik bəyannaməsində, konstitusiyasında və digər hüquqi-normativ sənədlərində hələ də Azərbaycana qarşı ərazi iddialarını saxlayan, BMT Nizamnaməsi və digər beynəlxalq sənədlərlə qadağan olunmuş bütün təhdidlərin aradan qaldırılması istiqamətində addım atmaq istəməyən Ermənistanın qərbi azərbaycanlıların geriyə qayıdış hüququnu ərazi iddiaları kimi təqdim etməyə cəhd göstərməsi rəsmi İrəvanın növbəti dəfə beynəlxalq ictimaiyyəti aldatmaq cəhdlərindən, həmçinin ölkəmizə qarşı ərazi iddialarını əsassız ittihamlarla kompensasiya etmək niyyətindən başqa bir şey deyil. Azərbaycan torpaqlarında törətdiyi ağır müharibə cinayətlərinə görə məsuliyyətdən yayınmağa, himayədarlarından aldığı təlimatlarla onların regiona müdaxiləsi üçün əsaslar formalaşdırmağa çalışan Ermənistan bu yolla insan hüquq və azadlıqları kontekstindən Azərbaycana qarşı aparılan qarayaxma kampaniyalarını stimullaşdırmağa, öhdəliklərindən yayınmağa, sülh müqaviləsinin imzalanması prosesini mümkün qədər uzatmağa çalışır.
E.Mirzəbəyli vurğulayıb ki, bu prosesdə Ermənistana hələ işğal dövründə hərtərəfli dəstək verən ölkələrin və "soyuq müharibə" dövründən qalma geosiyasi təzyiq alətlərinin - önünə "beynəlxalq" sözü atılmış bəhanəyaradıcı təsisatların xüsusi fəallıq nümayiş etdirmələri təəccüblü görünməməlidir: "Nəzərə almaq lazımdır ki, onların daha da aqressivləşmələrinin əsas səbəblərindən biri də Azərbaycanın bölgədə 200 ilə yaxın davam edən "parçala, hökm sür" siyasətinə son qoyması, xarici maraqların qol-qanad açmasına imkan verməyən reallıq yaratmasıdır. Bu qəbildən olan davranışlara qarşı Azərbaycan xalqının və dövlətinin kifayət qədər güclü immuniteti var. Eyni zamanda Prezident İlham Əliyevin xalqımızı böyük Zəfərə aparan strategiyasının həyata keçirildiyi hər an təkcə bizə deyil, haqsızlığa məruz qalan digər ölkələrə də böhtan və qarayaxma kampaniyalarına qarşı mübarizə aparmaq üçün ən yaxşı nümunədir. Ali Baş Komandanın güclü olmaq düsturu bunu tələb edir: daha güclü, mütəşəkkil, prinsipial, cəsarətli olmalı, zəfərimizin və haqlı olmağımızın doğurduğu kinetik enerjini bütün platformalarda daşımağı bacarmalıyıq".
Əsmər QARDAŞXANOVA,
"Azərbaycan"
Donald Tramp sui-qəsdə məruz qaldığı yerdə yenidən seçiciləri ilə görüşüb
Volodimir Zelenski: Ukrayna üçün sülhə zəmanət ərazi güzəşti olmadan verməlidir
430 il əvvəl...
Bir gün balıq ovunda…
Əgər COP29-un iştirakçıları Balaxanıya gəlsələr...
İlham ƏLİYEV: "Azərbaycan ərazi bütövlüyünü təkbaşına bərpa edir"
Qərbi Azərbaycana qayıdış milli ideyamızın ayrılmaz hissəsidir
ABŞ-nin riyakarlığı
Azərbaycan sabitlik məkanıdır
Eviniz mübarək, eliniz abad olsun
Çin sərhədindən Abşerona qədər yükdaşımaların müddəti 9 günədək azaldılıb
"Araz Vadisi İqtisadi Zonası" Sənaye Parkında 2 mindən çox iş yeri yaradılacaq
"Azərbaycan Respublikasının 2024-cü il dövlət büdcəsi haqqında" Azərbaycan Respublikasının 2023-cü il 5 dekabr tarixli 1028-VIQ nömrəli Qanununun tətbiqi ilə bağlı bir sıra məsələlər barədə" Azərbaycan Respublikası Prezidentinin 2023-cü il 26 dekabr tarixli 2424 nömrəli Fərmanında dəyişiklik edilməsi haqqında
S.K.Hacıyevin "Şöhrət" ordeni ilə təltif edilməsi haqqında
Bu il "Ümumdünya kosmos həftəsi" kosmos və iqlim dəyişmələri mövzusuna həsr olunub
BANM-də innovativ ideya və həllər müsabiqəsi başa çatıb
İsveç mətbuatı: Azərbaycan COP29-un sədri kimi iqlim böhranına diqqət yetirməyə çağırış edib
XİN: Ermənistan və Fransanın Beynəlxalq Frankofoniya Təşkilatındakı təxribatçı addımları iflasa uğrayıb
Rəsmi Bakı: Fransa özünün dar maraqları naminə Ermənistandan istifadə edir
Azərbaycan XİN: Ermənistan normallaşma və qarşıdurma arasında seçim etməlidir
Deputatlarımız Qazaxıstanda keçiriləcək referendumu müşahidə edəcəklər
Prezident İlham Əliyev Bakıda Aşıq Ələsgərin abidəsinin açılışında iştirak edib YENİLƏNİB30 Sentyabr 2024
İnkişaf büdcəsi29 Sentyabr 2024
Prezident İlham Əliyev bir daha bəyan etdi28 Sentyabr 2024
Zəfərlə anırıq...27 Sentyabr 2024
VƏTƏNİN ŞƏHİD BALALARI27 Sentyabr 2024
Azərbaycan yeni strateji dövrdə26 Sentyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!