07 Dekabr 2023 21:51
22325
Turizm
A- A+

Nicat Abbaslı: Azərbaycana bu ilin yanvar-noyabr aylarında 1,8 milyondan çox turist gəlib

 

Cari ilin yanvar-noyabr aylarında 1 milyon 890 mindən çox əcnəbi vətəndaş Azərbaycana səfər edib. Turistlər əsasən Rusiya, Türkiyə, İran, Hindistan, Pakistan, Özbəkistan və Qazaxıstandan gəliblər.

AZƏRTAC xəbər verir ki, bu sözləri jurnalistlərə açıqlamasında Azərbaycan Turizm Bürosunun Tədqiqat və inkişaf departamentinin müdiri Nicat Abbaslı söyləyib.

Onun sözlərinə görə, əvvəlki ilin eyni dövrü ilə müqayisədə 30 faiz artım vardır. "Pandemiyadan əvvəlki dövrlə müqayisə etsək görərik ki, hələ də ümumi bərpa prosesi tam yekunlaşmayıb. Ancaq bəzi ölkələr var ki, tamamilə bərpa prosesi yekunlaşıb və orada artım müşahidə etmək olar. Məsələn, Türkiyə, Özbəkistan, Qazaxıstanda kifayət qədər artım müşahidə edilir və bunlardan Pakistan da artan bazarlar sırasındadır", - deyə N.Abbaslı əlavə edib.

Ümumi turizm xərcləmələrini müsbət dəyərləndirən departamentinin müdiri qeyd edib ki, 2019-cu illə müqayisədə turizm xərcləmələrində azalma, gəlmə sayı ilə müqayisədə daha azdır: "Daxili turizm burada ön plana çıxır. Daxili turizmdəki turist sayının və xərcləmələrin də sayı artıb. Bunun nəticəsində ümumi turizm xərclərinə baxsaq, 2022-ci ilin doqquz ayı ilə müqayisə etdikdə, turizm xərcləmələri 60 faiz, 2019-cu ilin doqquz ayına müqayisə etsək isə altı faiz artım müşahidə edilir".

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video