Mingəçevir Dövlət Universiteti Latviya universitetləri ilə əməkdaşlıq edəcək
Mingəçevir Dövlət Universitetinin (MDU) rektoru Şahin Bayramov cari ilin 4-8 mart tarixlərində Latviyada xidməti səfərdə olub. Əsas məqsəd Latviyanın müvafiq ali təhsil müəssisələri ilə MDU arasında qarşılıqlı faydalı əməkdaşlığın yaradılmasıdı.
Latviyanın RISEBA Tətbiqi Elmlər Universitetinin rəsmi dəvəti əsasında reallaşan səfər çərçivəsində Ş.Bayramov sözügedən universitetin rektoru, prorektorları, dekanları və digər rəhbər heyət üzvləri ilə görüşlər keçirib. Universitetlər arasında mövcud əməkdaşlığın inkişaf etdirilməsi məsələləri ətraflı müzakirə edilib. Ş.Bayramov RISEBA Universitetinin elmi-pedaqoji potensialı və müasir infrastrukturu ilə yaxından tanış olub.
Müzakirələrdən sonra MDU ilə RISEBA Universiteti arasında anlaşma memorandumu imzalanıb. Rektorlar Ş.Bayramov və Lucija Rutka tərəfindən imzalanan memorandum universitetlər arasında tələbə, magistrant, müəllim və inzibati heyət üzvlərinin mübadiləsini, ortaq elmi tədqiqatların aparılmasını, birgə elmi konfrans və forumların keçirilməsini, ikili diplom proqramlarının yaradılması imkanlarının araşdırılmasını və digər birgə fəaliyyətlərin reallaşdırılmasını nəzərdə tutur.
Səfər çərçivəsində Ş.Bayramov RISEBA Universitetinin təşkilatçılığı və evsahibliyi, MDU və digər bir neçə xarici universitetin tərəfdaşlığı ilə "Gələcəyin mənzərəsi 2024: cəmiyyətlərin dayanıqlı inkişafı naminə xalqlar arasında körpü" ("FutureScape 2024: Bridging nations for sustainable development of societies") mövzusunda keçirilən beynəlxalq elmi konfransda iştirak edib. Konfransın açılış mərasimində giriş nitqi söyləyən Ş.Bayramov birgə konfransın aktual mövzuya həsr olunduğunu vurğulayıb, tədbiri dayanıqlı inkişaf sahəsində məhsuldar elmi müzakirələrin aparılması və yeni tədqiqat istiqamətlərinin müəyyən edilməsi baxımından əhəmiyyətli platforma kimi dəyərləndirib. Konfransda 10-dan çox ölkəni təmsil edən alimlərin "yaşıl iqtisadiyyat", rəqəmsal transformasiya, süni intellekt, əmək bazarı və digər əhəmiyyətli mövzularda maraqlı məruzələri dinlənilib. Ş.Bayramov konfransda "Dayanıqlı inkişaf: konseptual mahiyyəti, reallıqlar və təcrübələr" mövzusunda məruzə edib. Hibrid formatda keçirilən konfransa məsafədən qoşulan AHBVU-nun MDU-da fəaliyyət göstərən qonaq professoru Evren Güçerin "Ali təhsil müəssisələrində "yaşıl kampus" yanaşması: reallıqlar, çağırışlar və həllər" və MDU-nun kafedra müdiri Mehdi Rəhimovun "Dayanıqlı inkişaf və yeni nəslin ehtiyacları kontekstində modern kurrikulum hazırlığı" adlı məruzələri iştirakçılar tərəfindən maraqla qarşılanıb.
Ş.Bayramov səfər çərçivəsində RISEBA Universitetinin tələbələri üçün ustad dərsi verib. "Müasir dünya iqtisadiyyatı: yeni trendlər və əsas çağırışlar" mövzusunda keçirilən dərs tələbə və müəllimlərin böyük marağına səbəb olub.
Latviyaya səfəri çərçivəsində Ş.Bayramov bu ölkənin qabaqcıl ali təhsil müəssisələrindən biri olan Riqa Texniki Universitetinin rektoru Talis Juhna ilə də görüşüb. Görüşdə hər iki universitetin strateji hədəfləri, mövcud kadr hazırlığı istiqamətləri və tədqiqat potensialı barədə məlumat mübadiləsi aparılıb. Birgə fəaliyyət imkanları müzakirə edilib, əməkdaşlığın yaradılmasını nəzərdə tutan bir sıra məsələlər barədə ilkin razılıq əldə olunub.
RISEBA Universitetində və Riqa Texniki Universitetində keçirilən görüşlərdə Azərbaycan Respublikasının Latviya Respublikasındakı Səfirliyinin birinci katibi Bəxtiyar Musayev da iştirak edib.
Səfər çərçivəsində Latviyanın flaqman ali təhsil müəssisəsi hesab olunan Latviya Universitetinin yeni seçilmiş rektoru Gundars Berzins ilə də görüş keçirilib. Ş.Bayramov görüşdə Azərbaycan Respublikasının Latviya Respublikasındakı səfiri Elnur Sultanovla birlikdə iştirak edib. Görüşdə Azərbaycanla Latviya arasındakı strateji əməkdaşlığın davamlı inkişaf etməsi vurğulanıb, ikitərəfli münasibətlərin ümumi məzmununda ali təhsil sahəsində işbirliyinə xüsusi əhəmiyyət verilməsi diqqətə çatdırılıb. MDU ilə Latviya Universiteti arasında potensial əməkdaşlıq imkanlarına dair məhsuldar müzakirələr aparılıb, növbəti mərhələdə atılacaq birgə addımlar barədə ilkin razılıq əldə olunub.
Latviyaya səfər müddətində rektor Ş.Bayramov Rezekne şəhərində yerləşən Rezekne Texnologiyalar Akademiyasını da ziyarət edib və bu ali təhsil müəssisəsinin rektoru İveta Mietule ilə görüşüb. Mühəndislik və təhsil istiqamətləri üzrə ixtisaslaşan bu region universiteti ilə MDU arasında birgə fəaliyyət imkanları yüksək dəyərləndirilib.
Məhsuldar keçən Latviya səfərinin hazırda modernləşməkdə olan MDU-nun beynəlxalq əlaqələrinin inkişafına mühüm töhfələr verəcəyi gözlənilir.
Ü.XASPOLADOVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ermənistan hərbçisi naməlum səbəbdən aldığı güllə yarasından ölüb
03 Iyul
Külli miqdarda narkotik vasitənin tranzit yolla ölkə ərazisindən keçirilməsinin qarşısı alınıb...
03 Iyul
Nazir Məcnun Məmmədov Şabranda təsərrüfatlara baş çəkib, fermerlərlə görüşüb
03 Iyul
A.Mirzoyan: Ermənistan Azərbaycan ilə nəqliyyat kommunikasiyalarının tam açılmasında maraqlıdır...
03 Iyul
İlya Darçiaşvili: Gürcüstan Cənubi Qafqazda sülh şəraitində birgəyaşayışı qətiyyətlə dəstəkləyir...
03 Iyul
Astanada Azərbaycan və Qazaxıstan prezidentlərinin görüşü başlayıb YENİLƏNƏCƏK
03 Iyul
Ukraynalı ombudsman Azərbaycanın humanitar yardımlarını yüksək qiymətləndirib
03 Iyul
Ermənistan və Gürcüstan XİN rəhbərləri regional təhlükəsizlik məsələlərini müzakirə ediblər...
03 Iyul
Astanada Azərbaycan Prezidenti İlham Əliyevin Rusiya Prezidenti Vladimir Putin ilə görüşü olub YENİ...
03 Iyul
Suriyada əlavə addımlar atıla bilər - Ərdoğan danışdı
03 Iyul
DİQQƏT ÇƏKƏNLƏR
Prezident İlham Əliyev BMT-nin Baş katibinin müavini və Ətraf Mühit Proqramının icraçı direktorunu q...27 Iyun 2024
![](/uploads/img/posts/2024/06/27/1719473706217621927_1200x630jpg-1719477132.jpg)
Prezident İlham Əliyevə İtaliyanın “Leonardo” şirkətinin istehsalı olan hərbi nəqliyyat təyyarəsi tə...26 Iyun 2024
![](/uploads/img/posts/2024/06/26/17193913105429036540_1200x630jpg-1719393315.jpg)
Azərbaycan beynəlxalq əməkdaşlıq platformasına çevrilir25 Iyun 2024
![](/uploads/img/posts/2024/06/25/manwetttjpg-1719265024.jpg)
İlham Əliyevin əməkdaşlıq modeli qlobal platformaya çevrilir21 Iyun 2024
![](/uploads/img/posts/2024/06/21/1647332818_ef00f73450eae074135fcd9c4cacf6d8 Копированиеjpg-1718925466.jpg)
Qurtuluş missiyası15 Iyun 2024
![](/uploads/img/posts/2024/06/15/saytjpg-1718404077.jpg)
ÇOX OXUNANLAR
Prezident növbədənkənar parlament seçkilərini təyin etdi29 Iyun 2024
![](/uploads/img/posts/2024/06/29/1583835201167192134jpg-1719605770.jpg)
Sülh uğrunda müharibə26 Iyun 2024
![](/uploads/img/posts/2024/06/26/1656311658_e346c3b9742c001ff2f42ef9aa7170cajpg-1719357575.jpg)
Davamlı inkişaf, səmərəli islahat, real nəticə25 Iyun 2024
![](/uploads/img/posts/2024/06/25/4jpg-1719265162.jpg)
Böyük tarixdən başlanan Zəfər yolu23 Iyun 2024
![](/uploads/img/posts/2024/06/23/babaaajpg-1719094277.jpg)
“Euronews” televiziyasında Prezident İlham Əliyevin müsahibəsi yayımlanıb22 Iyun 2024
![](/uploads/img/posts/2024/06/22/17190365625934912960_1200x630jpg-1719036839.jpg)
Adın nədir - Daşdəmir...21 Iyun 2024
![](/uploads/img/posts/2024/06/21/susajpg-1718926127.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!