Cənubi Koreyanın tanınmış təkər istehsalçısı “Kumho Tire” Azərbaycanda media nümayəndələri və tərəfdaşları üçün infosessiya təşkil edib. Tədbir brendin Azərbaycandakı rəsmi distribütoru “Radius” şirkətində baş tutub.
İnfosessiyada “Kumho Tire”nin qlobal fəaliyyəti, istehsal texnologiyaları, məhsul çeşidi və Azərbaycan bazarındakı inkişaf strategiyası təqdim olunub. Şirkət nümayəndələri çıxışlarında vurğulayıblar ki, məhsulları artıq 180-dən çox ölkəyə ixrac olunur və brendin istehsal müəssisələri Koreya, ABŞ, Çin və Vyetnamda fəaliyyət göstərir. Bununla yanaşı, Polşanın Opole şəhərində Avropada yeni zavodun tikintisi davam edir. Yeni layihə 2028-ci ilə qədər illik istehsal həcmini 78 milyon təkərə çatdırmağa imkan verəcək.
Şirkətin Koreya, ABŞ, Almaniya və Çində 5 tədqiqat və inkişaf (R&D) mərkəzi fəaliyyət göstərir. Bu mərkəzlərdə təhlükəsiz və etibarlı təkər həllərinin hazırlanması istiqamətində iş aparılır. “Kumho Tire” minik avtomobilləri, SUV-lər, yüngül kommersiya nəqliyyatı, yük maşınları və avtobuslar üçün təkərlər istehsal edir. Şirkət həmçinin “Volkswagen”, “Skoda”, “Mercedes-Benz”, “BMW”, “Stellantis”, “Hyundai” və “Kia” kimi avtomobil istehsalçıları ilə əməkdaşlıq edir.
“Kumho Tire” Azərbaycanda 2008-ci ildən “Kumho” və “Marshal” brendləri ilə təmsil olunur. “Radius” şirkəti 2020-ci ildə “Marshal” brendi ilə “Kumho”nub qlobal tərəfdaş şəbəkəsinə qoşulub, 2023-cü ildən isə həm “Marshal”, həm də “Kumho” brendlərinin rəsmi biznes tərəfdaşı kimi fəaliyyət göstərir. Hazırda “Radius” avtomobil təkər mərkəzlərində “Kumho” məhsullarının satışı və peşəkar təkər xidmətləri həyata keçirilir. Şirkətin portfelində 450-dən çox məhsul çeşidi mövcuddur ki, bunlar yay, qış, dörd mövsüm və multi-iqlim şəraitinə uyğun olaraq istehsal edilir.
“Kumho” nümayəndələri qeyd ediblər ki, Azərbaycan bazarında minik avtomobilləri və SUV-lər üçün “Touring”, “All-Season” və “M+S” təkərlərinə maraq daha yüksəkdir. Bu təkərlər mövsümi dəyişikliklərə uyğunlaşma və gündəlik istifadə baxımından sürücülər üçün praktik seçim hesab olunur.
Şirkət Azərbaycan bazarında müştəri gözləntilərini və sürüş ehtiyaclarını izləməyi davam etdirir və yenilənən məhsul çeşidləri, mövsümi təkər həlləri və texnoloji yeniliklər barədə mütəmadi məlumat verməyi planlaşdırır. “Kumho Tire” Azərbaycanda texnologiya, təhlükəsizlik, əlçatan keyfiyyət və müştəri məmnuniyyəti istiqamətində mövqeyini möhkəmləndirməyi hədəfləyir.
Züleyxa ƏLİYEVA,
“Azərbaycan
