İşğaldan azad edilmiş ərazilərdə güclü sənaye potensialı yaradılır
Keçən il Qarabağ və Şərqi Zəngəzurdakı sənaye müəssisələrində 300 milyon manatlığa yaxın məhsul istehsal edilib
Azərbaycanda qəbul edilən qərarların çevik yerinə yetirilməsi dünyada qəbul olunmuş reallıqdır. Bu reallıq nəhəng neft-qaz kəmərlərinin, Bakı-Tbilisi-Qars magistral dəmir yolu xəttinin və digər qlobal layihələrin vaxtında və yüksək səviyyədə həyata keçirilməsi ilə sübut olunub.
Azərbaycanın 44 günlük Vətən müharibəsində torpaqlarımızı dünya hərb tarixində görünməmiş sürətlə və qısa zamanda işğaldan azad etməsi də dünyanın şahidlik etdiyi gerçəklikdir. İndi də dosta və düşmənə yerlə yeksan edilmiş ərazilərin necə sürətlə bərpa olunmasını nümayiş etdiririk. Füzuli Beynəlxalq Hava Limanı kimi nəhəng obyektin cəmi 8 ay ərzində istifadəyə verilməsi sıradan fakt deyil, dostları sevindirən, düşmənləri üzən reallıqdır.
Belə reallıqlardan biri də Qarabağ və Şərqi Zəngəzurda sənaye müəssisələrinin yaradılmasıdır. Dövlət Statistika Komitəsinin məlumatına görə, ötən il Azərbaycanın işğaldan azad edilmiş ərazilərində 142 sənaye müəssisəsi fəaliyyət göstərib ki, bu da 2022-ci illə müqayisədə 25,7 faiz çoxdur. Məlumatda həmçinin qeyd edilir ki, bu müəssisələrin 82,4 faizi Qarabağ, 17,6 faizi Şərqi Zəngəzur iqtisadi rayonlarının payına düşüb.
Həmin dövr işğaldan azad edilmiş ərazilərdə sənaye fəaliyyəti ilə məşğul olmaq üçün müraciət edib qeydə alınan fərdi sahibkarların sayı 13,1 faiz artaraq 1218-ə, o cümlədən Qarabağ iqtisadi rayonunda fəaliyyət göstərmək istəyən fərdi sahibkarların sayı 11,6 faiz artaraq 1070-ə, Şərqi Zəngəzur iqtisadi rayonunda isə 25,4 faiz artaraq 148-ə çatıb. Keçən il işğaldan azad edilmiş ərazilərdə istehsal edilmiş sənaye məhsullarının dəyəri də artaraq 298,679 milyon manat olub.
İşğaldan azad edilən ərazilərdə yeni müəssisələrin açılması əhalinin məşğulluğuna imkan yaradır. Təkcə cari ilin birinci yarımilində işğaldan azad edilmiş rayonlarda 840 yeni iş yeri açılıb və bu, keçən ilin müvafiq dövrü ilə müqayisədə 42 faiz çoxdur. Yanvar-iyun ayları ərzində ən çox yeni iş yeri Laçın və Şuşada yaradılıb - Laçında 299, Şuşada 232 yeni iş yeri açılıb.
DSK-nın məlumatında həmçinin bildirilir ki, azad edilmiş rayonlarda qeyd edilən müddətdə 159 yeni müəssisə və təşkilat, 1726 yeni fərdi sahibkarlıq subyekti dövlət qeydiyyatından keçib. Ötən ilin müvafiq dövrü ilə müqayisədə yeni yaradılmış müəssisə və təşkilatların sayı 90, fərdi sahibkarların sayı 488 vahid artıb.
Məlum olduğu kimi, Qarabağın bərpası, dirçəldilməsi və sənaye potensialının inkişafı məqsədi ilə dövlət başçısının 2021-ci il 28 may tarixli fərmanı ilə 190 hektar ərazidə Ağdam Sənaye Parkı, 2021-ci il 4 oktyabr fərmanına əsasən isə Cəbrayıl rayonunda 200 hektar ərazidə "Araz Vadisi İqtisadi Zonası" Sənaye Parkı yaradılıb. Ağdam Sənaye Parkının prioritet istiqamətləri kimi tikinti materiallarının istehsalı, kənd təsərrüfatı məhsullarının qablaşdırılması, meyvə-tərəvəz konservləri, ət və süd məhsulları, yem, gübrə istehsalı və emalı, eyni zamanda, xidmət sahələri, soyuducu kameralar və s. xidmətlərdir. "Araz Vadisi İqtisadi Zonası" Sənaye Parkında isə logistika və ticarət mərkəzi, anbar kompleksləri, topdan və pərakəndə satış obyektləri, TIR parkı, gömrük, yanacaqdoldurma, avtomobil və digər texnikaların təmiri məntəqələrinin yaradılması planlaşdırılır.
İndiyədək Ağdam Sənaye Parkının 17 rezidenti və 5 qeyri-rezidenti qeydiyyatdan keçib. Sərmayədarlar tərəfindən sənaye parkına 161 milyon manatdan çox investisiyanın qoyulması, 1400-dən artıq daimi iş yerinin yaradılması proqnozlaşdırılır. Artıq parkda məhsul istehsalına başlanılıb. Qeyri-rezident "Yüksəl Beton" QSC tərəfindən sənaye parkının ərazisində tikilən beton istehsalı müəssisəsi topdan və pərakəndə satışla məşğuldur. Parkın digər rezidentlərindən bir çoxu da tikinti işlərinə başlayıb. Bəziləri isə layihələndirmə işləri görür. Tezliklə onlar da tikinti işlərinə start verəcəklər.
Sənaye parkında rezidentlərin rahat fəaliyyət göstərmələri üçün dövlət tərəfindən hər cür şərait yaradılır. Sahibkarlar dövlət vəsaiti hesabına zəruri infrastrukturla təmin edilir. Parkda indiyədək yataqxana, yeməkxana, anbar, market, camaşırxana, tibb məntəqəsi, "paypoint" ödəniş məntəqəsi, bankomat və idman zonasından ibarət sosial zona və mobilizasiya şəhərciyinin qurulması işləri tamamlanıb, transformator məntəqəsi quraşdırılıb.
200 hektar ərazini əhatə edən "Araz Vadisi İqtisadi Zonası" Sənaye Parkının hələlik 5 rezidenti və 1 qeyri-rezidenti qeydiyyatdan keçib. İnvestorlar tərəfindən ümumi olaraq sənaye parkına 32 milyon manatdan çox investisiyanın yatırılması, 400-dən artıq iş yerinin yaradılması nəzərdə tutulub. Bu parkda da işçilərin və sahibkarların rahatlığının təmin edilməsi üçün mobil şəhərcik salınıb. Şəhərcikdə yataqxana, yeməkxana, tibb məntəqəsi və aptek, market, anbar, camaşırxana, nəzarət buraxılış məntəqəsi quraşdırılıb, əraziyə asfalt yol çəkilib. Sənaye Parkının ərazisində tikinti aparılacaq sahənin su ilə təmin edilməsi məqsədi ilə subartezian quyusu qazılıb. Ərazidə 630 kilovoltluq transformator məntəqəsi quraşdırılıb.
Rüstəm KAMAL,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Alimlər sudakı kimyəvi maddələri tez və ucuz şəkildə məhv edən üsul hazırlayıblar
08 Sentyabr
Onlar Lerikin fəxridirlər
08 Sentyabr
Qubanın kəndində yeni məktəb binasının açılışı olub
08 Sentyabr
Bir gündə 4 medal
08 Sentyabr
Ay Laçın, can Laçın...
08 Sentyabr
Azərbaycan mədəniyyəti və elminin tərəqqisində Naxçıvanın özünəməxsus rolu var
08 Sentyabr
İşğaldan azad edilmiş ərazilərdə güclü sənaye potensialı yaradılır
08 Sentyabr
"Ansaldo Energia" Azərbaycanın ən böyük istilik-elektrik stansiyasının tikintisində iştirak edir...
08 Sentyabr
Azərbaycan dünyada "təhlükəsizlik adası" adlandırılır
08 Sentyabr
Fransa Makrona qarşı ayağa qalxdı
08 Sentyabr
DİQQƏT ÇƏKƏNLƏR
İlham Əliyevin enerji gündəliyi05 Sentyabr 2024
![](/uploads/img/posts/2024/09/05/resadjpg-1725490951.jpg)
Əzəmətli, nəhəng və genişmiqyaslı quruculuq nümunəsi04 Sentyabr 2024
![](/uploads/img/posts/2024/09/04/172528695155939650jpg-1725398636.jpg)
Şuşada seçki bayram əhvalında keçdi 02 Sentyabr 2024
990 namizəd, 6 milyon 421 min 960 seçici, 6478 seçki məntəqəsi01 Sentyabr 2024
![](/uploads/img/posts/2024/09/01/manset Копированиеjpg-1725137279jpg-1725163943.jpg)
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
ÇOX OXUNANLAR
İstək və arzu başqadır, həqiqət və reallıq isə bambaşqa!05 Sentyabr 2024
![](/uploads/img/posts/2024/09/05/ilham eliyev azerbaycan qezetijpg-1725490836.jpg)
Riyakarlıq xəstəliyi04 Sentyabr 2024
![](/uploads/img/posts/2024/09/04/manset Копированиеjpg-1725398540.jpg)
Xankəndidə seçki izdiham02 Sentyabr 2024
Azad və demokratik ənənənin təntənəsi31 Avqust 2024
![](/uploads/img/posts/2024/08/31/1-22222jpg-1725049668.jpg)
İlham Əliyev "Azəri"ni Azərbaycanın sərvəti etdi30 Avqust 2024
![](/uploads/img/posts/2024/08/30/manset Копированиеjpg-1724969843.jpg)
Paytaxtın ən hündür yaşıl məkanı29 Avqust 2024
![](/uploads/img/posts/2024/08/29/8-1jpg-1724879756.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!