Filippin səfiri: Azərbaycan qlobal miqyasda və regionda mühüm rol oynayır
Filippinin Azərbaycan, Türkiyə və Gürcüstan üzrə yeni təyin olunmuş səfiri Henri Jr. Bensurton (Henry Bensurto) "Report"un Ankara bürosuna müsahibəsində Azərbaycana səfəri, iki ölkə arasında münasibətlərin inkişaf tendensiyası, parlamentlərarası əlaqələr, Azərbaycanın Asiya ölkələri ilə bağlı xarici siyasəti və digər mövzular ətrafında sualları cavablandırıb:
- Cənab səfir, iyul ayında Azərbaycana səfər edərək etimadnamənizi Prezident İlham Əliyevə təqdim etdiniz. Əvvəlcə bu səfər barədə təəssüratlarınızı öyrənmək istərdik.
- Artıq rəsmi olaraq Filippinin Azərbaycandakı səfiri kimi fəaliyyətə başlamışam və buna görə şadam. Çünki xalq olaraq aramızda paylaşacağımız çox şeylər var. Coğrafi olaraq ölkələrimiz arasında məsafə uzaq olsa da, müasir texnologiyalar əlaqələrimizi yaxınlaşdırır. Bakı məftunedici bir şəhərdir. Orada Şərq və Qərbi özündə ehtiva edən müasir bir şəhər tipi gördüm. İnsanları olduqca tolerantdır. Yerli sakinlər fərqli mədəniyyətlərə böyük dəyər verir və səninlə çox tez dostlaşırlar. Azərbaycanlıların qonaqpərvərliyini və dostluğunu təqdir edirəm, bu xüsusiyyətiniz bizə çox yaxındır. Biz filippinlilər təşəkkürümüzü “salamat” sözü ilə ifadə edirik. Bu ifadəni azərbaycanlıların da dilindən eşidəndə maraqlandım və məlum oldu ki, sizdə də çox işlək ifadədir. Yəni, ortaq cəhətlərimiz çoxdur. Xalqlarımız bir-biriləri ilə bənzərlikləri və yaxınlıqları həm də mənim səfir kimi diplomatik fəaliyyətimin uğurlu keçəcəyinə böyük inam yaradır. İnsanlarımız arasındakı münasibətləri diqqətə alaraq uyğunlaşan bu əlaqələrimizi yaxın gələcəkdə genişləndirməyin yollarını düşünürəm.
Bakıda keçirdiyim rəsmi görüşlərdə də bu məsələyə diqqət çəkdim. Üzərində durduğum önəmli məsələlərdən biri havayolu xidmətləri ilə bağlı idi. İstəyirəm ki, yaxın gələcəkdə Azərbaycanla Filippin arasında birbaşa uçuşlar olsun və xalqlarımız qarşılıqlı olaraq daha rahat səyahət edə bilsinlər. Azərbaycanın xarici işlər naziri Ceyhun Bayramovla görüşdə viza məsələsini gündəmə gətirdik. Çalışıram ki, aramızdakı viza mübadiləsi asanlaşsın və yalnız diplomatlar deyil, sadə vətəndaşlarımız da qarşılıqlı səfər etmək imkanı əldə etsin. Bütün bunlar həm də xalqlarımızın yaxınlaşmasına daha da stimul verə bilər. Təbii ki, bunlar hələ bir ideyadır və biz reallaşmasına çalışacağıq. Azərbaycanda görüşdüyüm rəsmilərlə söhbətlərimiz, müzakirələrimiz də çox maraqlı və faydalı keçdi. Ona görə də bu məsələlərdə nikbinəm. Hazırda Azərbaycan dünyanın qlobal oyunçulardan biri olduğunu nəzərə alsaq, bu kimi anlaşmalar və qərarlar ölkənin xeyrinədir.
- Filippin-Azərbaycan parlamentlərarası əlaqələrin hazırkı fəaliyyəti barədə nə deyə bilərsiniz?
- May ayında Bakıda VI Ümumdünya Mədəniyyətlərarası Dialoq Forumu keçirildi. Filippin parlamentinin nümayəndələr palatasının xarici əlaqələr komitəsinin sədri Reyçel Arenasın (Rachel Arenas) da iştirakı ilə yüksək səviyyəli bir heyət bu tədbirdə iştirak etmək üçün Bakıya səfər etdi. Mən də Türkiyədən getmişdim. Xanım Arenas səfəri müddətində Bakıdakı rəsmi şəxslərlə müxtəlif səviyyəli görüşlər keçirdi. Eyni zamanda, VI çağırış Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovla da görüşərək müxtəlif məsələləri müzakirə etdi. Biz inanırıq ki, Azərbaycan-Filippin parlamentlərarası münasibətləri yaxın gələcəkdə daha da inkişaf edəcək.
- Azərbaycanın Asiya ölkələri ilə bağlı xarici siyasətini necə dəyərləndirirsiz?
- Azərbaycan istər qlobal miqyasda, istərsə regionda mühüm rol oynayır. Son vaxtlar ən mühüm beynəlxalq tədbirlərə uğurla ev sahibliyi edir. Qarşıda isə BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) kimi böyük bir tədbirin keçirilməsi gözlənilir. İnanıram ki, hazırda bütün dünyanın diqqətinin üzərində olduğu bu tədbirin də öhdəsindən rəsmi Bakı uğurla gələcək. Bütün bunlar Azərbaycanın beynəlxalq səhnədəki önəmli rolunu əks etdirir. Biz Azərbaycanın rolunu Asiya-Sakit okean regionunda da görürük. Regionun bir ölkəsinin diplomatı və nümayəndəsi olaraq deyə bilərəm ki, Azərbaycan Asiya-Sakit okean regionunda uğurlu siyasət yürüdür. Bunun nəticəsi olaraq inanıram ki, region ölkələri ilə Azərbaycan arasında bütün sahələrdə əlaqələr daha da dərinləşəcək.
- Azərbaycanla əməkdaşlıq mövzusunda yaxın zamanlar üçün nə kimi planlarınız var?
- Bakıda Filippin Mədəniyyət Günləri keçirərək mədəniyyətimizi tanıtmaq istəyirik. Bununla bağlı xüsusi layihələrimiz var. Ümumilikdə, planlarımız çoxdur. Biz bütün bunları addım-addım etməliyik.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İqtisadi fəal əhalinin sayı 5,3 milyona yaxınlaşır
14 Avqust
Tailandın Konstitusiya Məhkəməsi baş naziri vəzifəsindən kənarlaşdırıb
14 Avqust
Yaponiyanın baş naziri istefa verdiyini açıqlayıb
14 Avqust
HƏMAS-ın yeni rəhbəri: atəşkəsə hazırıq
14 Avqust
ABŞ-nin hərbi bazasına hücum edilib
14 Avqust
Donald Tusk: Ukraynanın bu addımları müdafiə xarakteri daşıyır
14 Avqust
Husilərin iki gəmisi məhv edildi
14 Avqust
Prezident İlham Əliyev: Biz gənc nəslimizlə haqlı olaraq fəxr edə bilərik
14 Avqust
Azərbaycan Prezidenti: Biz növbəti Olimpiya Oyunlarına da indidən hazırlaşmalıyıq
14 Avqust
Prezident: Bu Oyunlar bir daha göstərdi ki, Azərbaycanda idmanın inkişafı ardıcıl surətdə gedir...
14 Avqust
DİQQƏT ÇƏKƏNLƏR
Fərsiz və bacarıqsız neokolonialist14 Avqust 2024
Zəfər seçkisindən parlament seçkisinə13 Avqust 2024
Seçki prosesinin əsas mərhələsi başladı09 Avqust 2024
"Cənub qaz dəhlizi"nin ehtiyat mənbəyi07 Avqust 2024
Seçki kampaniyasının ilkin mərhələsi uğurla başa çatdı 881 nəfərin deputatlığa namizədliyi qeydə alı...04 Avqust 2024
ÇOX OXUNANLAR
Azərbaycanın seçki təcrübəsi nümunəyə çevrilir14 Avqust 2024
Yaşıl paytaxtın Ağ Şəhəri10 Avqust 2024
Kəlbəcərdən Xankəndiyədək...08 Avqust 2024
Vətən yolu06 Avqust 2024
Heydər Əliyev ideyalarını yaşadan Azərbaycan04 Avqust 2024
Qarabağ zəfərinin müəllifi Müzəffər Ali Baş Komandan və Azərbaycan Ordusudur 01 Avqust 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!