Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Qərb şvabelərdən istifadə edərək qarayaxma kampaniyasını genişləndirsə də, heç nəyə nail olmayacaq
"COP29 ərəfəsində Azərbaycana qarşı qarayaxma kampaniyalarının genişlənməsi gözlənilən idi. Bu, Azərbaycanın suverenliyinə göstərilən təhdid, dövlətimizin apardığı müstəqil siyasətə kölgə salmaq cəhdidır. Amma bu, mənasızdır. Azərbaycan bu gün inkişaf edən, xarici ölkələrlə sağlam münasibətlər yaratmağa çalışan, öz xalqının rifahı üçün əməli tədbirlər həyata keçirən bir dövlətdir. Azərbaycanın müstəqil siyasət yürütməsi, heç bir dövlətin bizə diktəsinin işləməməsi, əlbəttə ki, Qərbi narahat edir".
"Azərbaycan" qəzetinə açıqlamasında siyasi şərhçi Tahir Rzayev bildirib ki, bəzi dövlətlərə rəhbərlik edənlərə çaxnaşma, insanların qarşı-qarşıya qoyulması lazımdır. Ancaq Prezident İlham Əliyevin müstəqil siyasəti nəticəsində Ermənistan istisna olmaqla qonşu dövlətlərlə, eləcə də dünyanın aparıcı ölkələri ilə sağlam münasibətlərin yaradılması üçün bütün lazımi addımlar atılıb. Bu gün Azərbaycan Avropanın enerji təhlükəsizliyində mühüm rol oynayır. Dövlətimiz Avropanın qabaqcıl ölkələri ilə əlaqələrin möhkəmləndirilməsinə böyük önəm verir: "Bu sahədə dövlət başçısı heç bir ölkə ilə məsləhətləşmir, o, xalqın milli mənafeyini, təhlükəsizliyini önə çəkir, inkişaf üçün lazım olan layihələrin həyata keçirilməsinə imza atır. Bu, Qərbi narahat etməyə bilməz, çünki başda ABŞ olmaqla bəzi Avropa ölkələri hazırda da xalqları öz müstəmləkəsində saxlamaq uğrunda mübarizə aparırlar. Onlar bu yolda AŞPA kimi qurumlardan, Şvabe kimi korrupsioner deputatların rolundan istifadə edir və Azərbaycana qarşı qarayaxma kampaniyasını daha da genişləndirirlər",
Ekspert qeyd edib ki, dünyada seçilən, beynəlxalq tədbir olan COP29-a evsahibliyi etmək və onu yüksək səviyyədə keçirmək bəşəriyyətin gələcəyi, dünyada əmin-amanlığın qorunması, atmosferin sağlamlaşdırılması baxımından çox əhəmiyyətlidir. Ölkəmiz bu tədbirə ciddi hazırlaşır. Azərbaycan bundan əvvəl də yüksəksəviyyəli beynəlxalq tədbirlərə evsahibliyi edib, təşkilatçılığı ilə dünyaya nümunə olub. Konfrans ərəfəsində ölkəmizə qarşı atılan məkrli addımlar onu göstərir ki, Qərbi insanların taleyi, gələcəyi deyil, öz maraq və mənafeleri daha çox düşündürür: "Belə olmasaydı, COP29-un daha yüksək səviyyədə keçirilməsinə əhəmiyyət verərək, öz köməklərini Azərbaycandan əsirgəməzdilər. Təəssüflər olsun ki, belə bir vaxtda Şvabe kimi təxribatçı siyasətçilərdən istifadə edərək Azərbaycana qarşı çirkin kampaniya aparılır. Azərbaycanda guya söz, mətbuat azadlığının məhdudlaşdırıldığı, siyasi məhbuslar olduğu, insanların siyasi baxışlarına görə təqib edildiyi iddia olunur. Şvabelər belə üsullardan istifadə edərək Azərbaycanın artan imicinə kölgə salmağa çalışırlar".
Onun sözlərinə görə, Avropa İttifaqı, AŞPA öz imicini belə saxtakar deputatlara etibar edir. Əlbəttə, bu, həmin dövlətlərin, beynəlxalq təşkilatların nüfuzuna heç bir töhfə vermir, əksinə, onları hörmətdən salır.
Şvabelərin uydurduqları böhtanların Qərbdən qaynaqlandığını deyən T.Rzayev bildirib ki, bütün bunlar bir nöqtədən idarə olunur: "Çünki ABŞ-nin siyasətçilərinin və Aİ-nin müəyyən məsul dairələrinin dedikləri Şvabenin uydurduqları ilə üst-üstə düşür və ya onu təkrarlayır. Azərbaycan sülh, azadlıq, demokratiya yolunda inamlı addımlar atır. Prezidentin çıxışlarında bu, özünü aydın göstərir. Ölkə rəhbəri dəfələrlə xatırladıb ki, Azərbaycan qalib dövlət olsa da, Ermənistanla sülh bağlamaq, mehriban qonşuluq şəraitində yaşamaq fikrindədir. Təəssüf ki, Qərbin təkidi, tapşırığı ilə sülh müqaviləsinin imzalanması gecikdirilir. Bu gün Ermənistan nəinki sülhə gəlmir, həm də ABŞ, Fransa və digər ölkələrdən silah-sursat almaqla yenidən revanş götürmək fikrindədir. Bu, Şvabe kimi deputatların çağırışlarının nəticəsidir. Bu saxta oyunçular Qərbin dediklərini ifadə edirlər. Ancaq onlar bilməlidirlər ki, Azərbaycan qüdrətli dövlətdir, güclü orduya malikdir, xalq birdir, öz suverenliyini, müstəqilliyini qorumaq əzmindədir. Bunun üçün hər bir kəs səfərbər olmağı bacarır".
Siyasi şərhçi qeyd edib ki, şvabelərin dedikləri sabun köpüyünə bənzəyir və belə bəyanatlar çox verilir, bundan sonra da veriləcək. Azərbaycan xalqı, bəşəriyyət belə çağırışlara artıq inanmır. Müstəqilliyə, demokratiyaya can atan xalqlar Azərbaycanın haqq yolunda olduğunu bilir və yeri gələndə onu dəstəkləyirlər. COP29 kimi mötəbər, bəşəriyyətin inkişafına, gələcəyinə xidmət edən tədbirə kölgə salmaq isə bəşəriyyətə xəyanət, insanlığa zidd, beynəlxalq normaların ciddi şəkildə pozulmasıdır.
Əsmər QARDAŞXANOVA,
"Azərbaycan"
“Məşğulluq haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 25 iyun tarixli 1184-VIQD nömrəli Qanununun icrası ilə əlaqədar Azərbaycan Respublikası Nazirlər Kabinetinin bəzi qərarlarında dəyişiklik edilməsi haqqında
Azərbaycan Respublikasının 2025-ci il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri, Azərbaycan Respublikasının 2025-ci il və sonrakı üç il üzrə iqtisadi və sosial inkişaf konsepsiyası və proqnoz göstəriciləri haqqında
UEFA Avropa Liqası: “Tottenhem” – “Qarabağ” oyununun start heyətləri məlum olub
Energetika naziri Belqradda bir sıra görüşlər keçirib
Bakıda Çin Xalq Respublikasının yaradılmasının 75 illiyi münasibətilə rəsmi qəbul təşkil edilib
Assosiasiya prezidenti: Azərbaycan bazarı Qətər üçün mühümdür
Şahin Mustafayev: Çinlə tranzit daşımaları əməkdaşlığımızın əsas istiqamətlərindən biridir
Şuşa şəhərində Vüqar Həşimov Memorialının açılış mərasimi olub
Prezident İlham Əliyev 27 Sentyabr - Anım Günü ilə əlaqədar paylaşım edib
Azərbaycan və Ermənistan qısa müddətdə sülh sazişinin yekunlaşdırılması üçün əlavə səylərin göstərilməsi barədə razılığa gəliblər YENİLƏNİB
Qırx ölkənin təmsil olunduğu “ADEX-2024” və “Securex Caspian” sərgilərinə yekun vurulub
"ADEX-2024" və "Securex Caspian" sərgiləri çərçivəsində bir sıra sənədlər imzalanıb
Bakıda növbəti ağacəkmə aksiyası təşkil olunub
Naxçıvan istiqamətində mövqelərimiz atəşə tutulub
Azərbaycan Müdafiə Nazirliyinin və Çinin dövlət şirkətinin rəhbərlikləri arasında görüş keçirilib
Nazir: “COP29 gündəliyində olan 14 təşəbbüsü BMT-də təqdim etdik”
Şəhid olan prokurorluq əməkdaşlarının ailə üzvləri, prokurorluğun veteranları və Vətən müharibəsində iştirak edən prokurorluq işçiləri ilə görüş keçirilib
Vüqar Həşimov Memorialı start götürüb
Fransada Milli Assambleyanın yenidən buraxılacağına dair çağırışlar səslənir
Kir Starmer Avropa İttifaqı ilə əlaqələri yenidən qurmaq istəyir
Heydər Əliyev Fondunun vitse-prezidenti Leyla Əliyevanın və Bakı Media Mərkəzinin rəhbəri Arzu Əliyevanın iştirakı ilə sahilyanı təmizlik aksiyası keçirilib
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!