14 Sentyabr 2023 14:36
29440
Milli Məclis
A- A+

Bəzi qanun və məcəllələr icra sənədləri üçün müəyyən edilmiş tələblərə uyğunlaşdırılır  

 

Mülki Prosessual, İnzibati Xətalar Məcəllələrində, “Notariat haqqında” və “İnzibati icraat haqqında” qanunlarda dəyişikliklər ediləcək.

AZƏRTAC xəbər verir ki, qanun layihəsi Milli Məclisin Hüquq siyasəti və dövlət quruculuğu komitəsinin sentyabrın 14-də keçirilən iclasında müzakirəyə çıxarılıb.

Sənəd “İcra haqqında” Qanunda dəyişiklik edilməsi barədə 2022-ci il 2 dekabr tarixli Qanunun icrası ilə əlaqədar hazırlanıb.

Belə ki, həmin Qanunun qəbul edilməsi ilə “İcra haqqında” Qanunun 7-ci maddəsində icra sənədləri üçün müəyyən edilən tələblərdə dəyişiklik edilərək, icra sənədlərində göstərilməli olan bəzi məlumatlar dəqiqləşdirilmiş, həmçinin icra sənədlərində məcburi icranı asanlaşdıra biləcək bir sıra əlavə məlumatların göstərilməli olduğu müəyyən edilib.

Buna görə də icra sənədi hesab edilən məhkəmə əmrində, notariusun icra qeydlərində, inzibati orqanların pul tələbi ilə bağlı inzibati aktlarının və bələdiyyələr tərəfindən qəbul edilmiş inzibati aktların məcburi qaydada icrası üçün tələbin icraya yönəldilməsi haqqında qərarlarında, həmçinin səlahiyyətli orqanlar (vəzifəli şəxslər) tərəfindən qəbul edilən və məcburi icraya yönəldilə bilən inzibati xəta haqqında iş üzrə qərarlarda həmin məlumatların öz əksini tapması zərurəti yaranıb.

Təqdim edilən qanun layihəsində müvafiq dəyişikliklər edilməsi, icra sənədləri sayılan qeyd edilən aktların məzmununun “İcra haqqında” Qanunda icra sənədləri üçün müəyyən edilmiş tələblərə uyğunlaşdırılması təklif edilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video