29 Dekabr 2022 02:57
4632
Oxucu məktubları
A- A+

"And yerimizdir, fəxrimiz şəhid Fuad Məhərrəmli"

 

Bu sətirlər Tərtər şəhər 1 saylı tam orta məktəbin 3 "v" sinif şagirdi Tuncay Fərmanlının şəhid Fuad Məhərrəmliyə həsr etdiyi şeirdəndir. Həmin şeiri Tuncay Fuadın doğum günündə onun məzarı başında valideynlərinə müraciət edərək söyləyib.
3 "v" sinfi igid döyüşçü Fuad Məhərrəmlinin adını daşıyır. Burada şəhidə həsr olunmuş guşə var. Şagirdlərin hər biri Fuadın qısa, lakin şərəfli ömür yolunu demək olar əzbər bilir. Bunu onlara müəllimləri Ramilə xanım öyrədib. Şəhidin doğum və anım günlərində isə şagirdlər onun ailəsini ziyarət edirlər. Məktəbin direktor müavinləri Ziyafət Rüstəmova, İntiqam Nuriyev, müəllimlərdən Ramilə Heydərli, Aliyə Balakişiyeva və valideynlər birlikdə əvvəlcə Evoğlu kəndində ucaldılmış "Şəhidlər abidəsi"nə gəlirlər. Sonra kənd qəbiristanlığına gedərək, Fuad Məhərrəmlinin məzarı önündə şəhidlərimizə həsr olunmuş şeirlər söyləyirlər. Saf uşaq qəlbindən gələn "Ana, qurban ağ saçına, durma belə qəmli-qəmli", "Ata, belin bükülməsin" kəlmələri yaralı qəlblərə məlhəm olur. Məktəbin direktor müavini Ziyafət Rüstəmova:
- Hər bir şəhid xalqın qürur yeridir. Onlar bizə Zəfərimizi bəxş etdilər, doğma Qarabağımızı qaytardılar. Yeni nəsil şəhidlərimizin nümunəsində vətənimizi, torpağımızı sevməyi öyrənməli, layiqli vətəndaş kimi böyüməlidir.

Svetlana BAĞIROVA,
Tərtər şəhər sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video