17 Avqust 2022 11:12
178
SİYASƏT

Yaponiyanın YouTube kanalı Azərbaycanın “Qisas” əməliyyatı barədə xüsusi veriliş yayımlayıb

 

Yaponiyanın “Cross Border Club 3.0” YouTube kanalı qeyri-qanuni erməni silahlı birləşmələrinin Qarabağda törətdiyi təxribata cavab olaraq Azərbaycanın həyata keçirdiyi “Qisas” əməliyyatı barədə xüsusi veriliş yayımlayıb.

AZƏRTAC xəbər verir ki, “Söndürülmüş od yenidən alovlanır” adlı verilişdə kanalın prodüseri və aparıcısı Kazuyasu İşida yapon izləyicilərə avqustun əvvəllərində Rusiya sülhməramlılarının müvəqqəti nəzarətində olan Azərbaycan ərazisində erməni terrorçularının törətdiyi təxribat və nəticədə bir azərbaycanlı hərbçinin şəhid olması barədə məlumat verib. Vurğulayıb ki, Ermənistan Rusiya və Azərbaycan ilə imzaladığı üçtərəfli Bəyanatın müddəalarını pozur, bununla da rəsmi Bakının sülh müqaviləsi imzalanması və regional əməkdaşlığa dair təşəbbüslərinə əngəl törətməyə çalışır. Aparıcı qeyd edib ki, bu terrora cavab olaraq Azərbaycan Ordusu dərhal “Qisas” əməliyyatı keçirib və qanunsuz erməni silahlı dəstələrinin yerləşdiyi bir neçə yüksəkliyi nəzarət altına alıb. Vurğulayıb ki, Azərbaycan haqlı olaraq qanunsuz erməni silahlı dəstələrinin öz ərazisindən çıxarılmasını tələb edir.

Verilişdə Azərbaycanın Avropanın enerji təminatında oynadığı roldan xüsusi bəhs edın aparıcı, münaqişənin yenidən qızışmasının daha böyük fəlakətlərə yol aça biləcəyi barədə xəbərdarlıq edib. Bildirib ki, bu baxımdan Yaponiya da regionda baş verən hadisələri diqqətlə izləməli, onun yenidən alovlanmaması üçün lazımi addımları atmalıdır.

Münaqişənin tarixinə toxunan aparıcı 30 ilə yaxın bir dövrdə Ermənistan tərəfindən işğal altında saxlanan Azərbaycan ərazilərinin 2020-ci ilin sentyabr-noyabr aylarında baş verən Vətən müharibəsi nəticəsində azad edildiyini, ölkə rəhbərliyinin bu torpaqlarda böyük bərpa və quruculuq işləri apardığını xüsusi qeyd edib. Bildirib ki, cari ilin fevralında Azərbaycana səfəri zamanı bu nəhəng işlərin şahidi olub, sürətlə salınan yeni yolları, tikilən aeroportları, inşa olunan yeni infrastrukturu şəxsən görüb. Qeyd edib ki, ərazilərin ermənilər tərəfindən minalanması burada aparılan quruculuq işlərinə böyük əngəl törədir. Üçtərəfli bəyanatın şərtlərini yerinə yetirmək istəməyən Ermənistan regionda sabitliyin davamlı olmasına, sülh və əmin-amanlığın yaranmasına əngəl törətməkdə davam edir.

Verilişdə izləyicilərə regionda baş verən hadisə ilə bağlı qonşu ölkələrin nümayiş etdirdiyi mövqe barədə də ətraflı məlumat verilib.

Qeyd edək ki, Kazuyasu İşidanın rəhbərlik etdiyi “Cross Border Club 3.0” kanalının 105 mindən çox abunəçisi, 500 minə yaxın izləyicisi var.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video