Xarici işlər naziri diplomatik xidmət orqanlarında əmək fəaliyyətinə yeni başlayan gənc diplomatlarla görüşüb
İyulun 25-də xarici işlər naziri Ceyhun Bayramov diplomatik xidmətə qəbul ilə bağlı keçirilmiş sayca ikinci müsabiqə prosesi nəticəsində Xarici İşlər Nazirliyində əmək fəaliyyətinə başlamış gənc diplomatlarla görüşüb.
Xarici İşlər Nazirliyinin Mətbuat xidməti idarəsindən "Azərbaycan" qəzetinə bildirilib ki, nazir Ceyhun Bayramov çoxmərhələli müsabiqə prosesini uğurla tamamlayaraq diplomatik xidmət orqanlarında işə başlayan gənc diplomatları ürəkdən təbrik edib, onlara gələcək fəaliyyətlərində uğurlar arzulayıb.
Diplomatik fəaliyyətlərinə dövlətimizin başçısı tərəfindən müəyyən olunan xarici siyasətin icrasına məsul olan Xarici İşlər Nazirliyində başlayacaq gənclərə bu məsuliyyətli fəaliyyətdə malik olduqları akademik, praktiki bilik və bacarıqları tətbiq etmək istiqamətində müvafiq tövsiyələr verilib.
Ölkəmizin diplomatiya tarixi, xarici siyasətimizin əsasları, prioritetləri barədə ətraflı məlumat verən Ceyhun Bayramov Prezident İlham Əliyev tərəfindən uğurla həyata keçirilən hazırkı müstəqil, suveren və ambisiyalı xarici siyasət kursumuzun əsasında müstəqillik dövrümüzün mürəkkəb şəraitində Ulu Öndər Heydər Əliyev tərəfindən verilmiş çətin qərarların durduğunu vurğulayıb.
Müstəqilliyimizin ilk illərində üzləşdiyimiz hərbi işğal və münaqişə çağırışlarının aradan qalxması ilə Azərbaycanın beynəlxalq münasibətlər sistemində regional və qlobal təhdidlərlə mübarizədə təşəbbüs sahibi, habelə bu təşəbbüsləri həyata keçirmək iqtidarında olan bir ölkə kimi çıxış etdiyi bildirilib. Postsovet ölkələri arasında ilklərdən biri olaraq BMT Təhlükəsizlik Şurasına qeyri-daimi üzv seçilməyimizin, Qoşulmama Hərəkatında nümunəvi sədrliyimizin, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) sədrliyimizin uğurla həyata keçirilməsinin bunun əyani sübutu olduğu diqqətə çatdırılıb.
Ölkəmiz tərəfindən aparılan fəal xarici siyasət kursunun uğurlu icrası istiqamətində diplomatlarımızın daim öz bilik və bacarıqlarının artırılması üzərində çalışmalı olduqları bildirilib, bu istiqamətdə Xarici İşlər Nazirliyi tərəfindən həyata keçiriləcək bir sıra proqramlar vasitəsilə prosesin dəstəklənəcəyi qeyd olunub.
Qeyd edək ki, yazılı imtahan (test tapşırıqları, analitik yazı bacarıqları və xarici dil biliklərinin yoxlanılması hissələri) və müsahibə mərhələlərindən ibarət işə qəbul müsabiqəsinin nəticələrinə əsasən, ümumilikdə 57 namizəd (29 qadın və 28 kişi) müsahibə mərhələsini müvəffəqiyyətlə başa vurub. Həmin namizədlərdən 35 nəfər artıq Xarici İşlər Nazirliyində əmək fəaliyyətinə başlayıb, yaxın müddət ərzində isə bu istiqamətdə digər təyinatların edilməsi nəzərdə tutulur.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Çarlz Vili: Qarabağda sürətli yenidənqurma və bərpa işləri Azərbaycanın əzmini nümayiş etdirir...
25 Iyul
Mərkəzi Seçki Komissiyasının Daxili İşlər Nazirliyi ilə birgə layihəsi çərçivəsində Gəncədə seminar-...
25 Iyul
Qırğızıstan Azərbaycanın qabaqcıl məhkəmə təcrübəsini öyrənməkdə maraqlıdır
25 Iyul
Ermənistanda gənclər hərbi xidmətə getmək istəmirlər
25 Iyul
“Paris-2024”: Azərbaycan təmsilçisi 1/32 finala vəsiqə qazanıb
25 Iyul
Azərbaycan Müdafiə Nazirliyi: Ermənistan təxribatları dayandırmadığı təqdirdə lazımi cavab tədbirlər...
25 Iyul
Ay süxurlarında su aşkarlanıb
25 Iyul
Nəhəng “külək divarı” hazırlanır
25 Iyul
MN: Ermənistan kvadrokopteri Azərbaycan Ordusunun mövqeləri üzərində kəşfiyyat uçuşları həyata keçir...
25 Iyul
Paris-2024: Yaylagül Ramazanova Çin idmançısı ilə qarşılaşacaq
25 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!