Tərəfdaşlıqdan strateji müttəfiqliyə
Azərbaycan-Rusiya ikitərəfli münasibətləri yüksələn xətlə inkişaf edir
Həyata keçirdiyi balanslaşdırılmış və düşünülmüş xarici siyasət sayəsində əksər ölkələrlə yaxşı münasibətlərə malik olan Azərbaycan tarixən mədəni, humanitar, iqtisadi əlaqələrin mövcud olduğu şimal qonşusu Rusiya ilə də yüksəksəviyyəli münasibətlər qurub. İki ölkə prezidentləri İlham Əliyev və Vladimir Putin arasında möhkəm dostluq münasibətləri isə həm də Rusiya-Azərbaycan əlaqələrinin möhkəmlənməsinə və daha da dərinləşməsinə əlavə stimul verir.
Aprelin 22-də Prezident İlham Əliyevin Rusiya Prezidenti Vladimir Putinin dəvəti ilə Moskvaya işgüzar səfəri də iki ölkə arasındakı dostluq münasibətlərinin daha bir ifadəsi oldu.
"Bu gün sevindirici haldır ki, müasir Rusiya-Azərbaycan münasibətləri dostluq, qarşılıqlı anlaşma, qarşılıqlı dəstək və məqsədyönlülük kimi möhkəm təmələ əsaslanır", - deyə görüşdə dövlət başçısı İlham Əliyevin diqqətə çatdırdığı kimi, hazırda Rusiya ilə Azərbaycan arasında hərtərəfli yüksəksəviyyəli əlaqələr mövcuddur və bu, günbəgün daha da inkişaf edir.
Əlamətdar hadisələrlə yaddaqalan tarixi səfər
Prezident İlham Əliyevin Rusiyaya sözügedən səfəri bir çox mühüm və əlamətdar hadisələrlə diqqət çəkirdi. Rusiya sülhməramlı kontingentinin ərazilərimizi tərk etdiyi və Baykal-Amur Magistralının 50 illik yubileyi ilə bir vaxta təsadüf edən bu səfər iki ölkə arasında siyasi, iqtisadi əlaqələrin sürətli inkişafının, xalqlarımız arasındakı əməkdaşlıq və dostluğun, eyni zamanda Ulu Öndər Heydər Əliyevin xatirəsinə olan yüksək hörmətin təzahürü kimi də əlamətdar oldu.
Baykal-Amur Magistralının 50 illik yubileyi münasibətilə dəmir yolu sahəsinin veteranları və işçiləri ilə birgə görüşündəki çıxışında Vladimir Putin vurğuladı ki, Heydər Əliyev BAM-ın tarixində müstəsna, böyük rol oynayıb.
Rusiya ilə Azərbaycan arasında 32 il əvvəl - 1992-ci il aprelin 4-də qurulan diplomatik əlaqələr ötən illər ərzində uğurla davam edir. Bu münasibətlər Ümummilli Lider Heydər Əliyevin xüsusi səyləri ilə ən yüksək səviyyədə inkişaf etdirilməyə başlanılıb. Ölkələrimiz arasında, Rusiya Federasiyası və Azərbaycan Respublikası arasında "Dostluq, əməkdaşlıq və qarşılıqlı təhlükəsizlik haqqında" 3 iyul 1997-ci il tarixli müqavilə, 2002-ci ilin yanvarında imzalanan "Azərbaycan Respublikası ilə Rusiya Federasiyası arasında Xəzər dənizində əməkdaşlıq prinsipləri haqqında Birgə Bəyannamə" kimi xeyli mühüm sənəd imzalanıb.
Xatırladaq ki, Rusiya Azərbaycanın qələbəsi ilə başa çatan İkinci Qarabağ müharibəsini sonuclandıran 2020-ci il 10 noyabr üçtərəfli Bəyanatının imzalanmasında xüsusi rol oynayıb.
2022-ci il fevralın 22-də Moskvada Prezident İlham Əliyev və Rusiya Prezidenti Vladimir Putin tərəfindən "Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında Bəyannamə" imzalanması isə Azərbaycan-Rusiya münasibətlərini strateji müttəfiqlik səviyyəsinə yüksəldib.
Bəyannamədə əksini tapıb ki, hər iki ölkə müttəfiqlik fəaliyyətini bir-birinin müstəqilliyinə, dövlət suverenliyinə, ərazi bütövlüyünə, sərhədlərin toxunulmazlığına qarşılıqlı hörmət, bir-birinin daxili işlərinə qarışmamaq, qarşılıqlı fayda, güc tətbiq etməmək və güclə hədələməmək prinsipləri üzərində qurulmasına dair öhdəlik götürürlər. Eyni zamanda xüsusi olaraq vurğulanır ki, hər iki ölkə müstəqil xarici siyasət yürüdür, müttəfiqlik münasibətlərinə xələl gətirən hərəkətlərdən, eləcə də bir-birinə qarşı yönəlmiş hərəkətlərdən çəkinməyə dair öhdəlik götürürlər.
Bütün sahələrdə fəal əməkdaşlıq mövcuddur
Prezident İlham Əliyevin yürütdüyü xarici siyasət kursunda Rusiya ilə əlaqələrin hərtərəfli inkişafına xüsusi önəm verilir. Bunu dövlət başçısının Rusiyaya mütəmadi işgüzar səfərləri, orada keçirdiyi görüşlər də sübut edir. Dövlətimizin başçısının aprelin 22-də Rusiyaya səfəri də bu baxımdan əlamətdar oldu. Bu səfər həm də Rusiya sülhməramlı kontingentinin hər iki ölkənin ali rəhbərliklərinin qərarı ilə Azərbaycandan çıxarılması kimi mühüm tarixi zamanla üst-üstə düşdü. Ölkəmizin Qarabağda separatizmin kökünü kəsməsi ilə Rusiya sülhməramlılarının da Azərbaycanda qalmasına lüzum qalmamışdı.
Həqiqətdir ki, Azərbaycan ilə Rusiya arasında olan münasibətlər sülhməramlıların ərazilərimizdən çıxarılmasından sonra daha da inkişaf edəcək. Münasibətlərdən hərbi komponentin çıxarılması daha yaxşı əməkdaşlıq üçün imkanlar açır.
Prezident İlham Əliyevin Rusiya Prezidenti Vladimir Putinin dəvəti ilə Moskvaya işgüzar səfəri də buna bariz nümunə oldu. Moskvada Vladimir Putin ilə təkbətək görüşü zamanı Prezident İlham Əliyev bildirdi ki, regional təhlükəsizlik məsələləri həmişə bizim görüşümüzün gündəliyindədir: "Biz, həmçinin şadıq ki, onlar öz həllini tapır. Rusiya Qafqazda və daha geniş coğrafiyada regional təhlükəsizlik üzrə əsas ölkədir. Ölkələrimiz arasında əməkdaşlıqdan, qarşılıqlı fəaliyyətdən çox şey asılıdır. Biz qarşılıqlı fəaliyyət və qarşılıqlı maraqlar ruhunda etimad tədbirlərinin, əməkdaşlığın, qarşılıqlı anlaşmanın möhkəmləndirilməsinə və bütün məsələlərin nizamlanmasına çalışırıq".
Şimal qonşumuzla təkcə siyasi deyil, iqtisadi əlaqələrimiz də uğurla inkişaf edir.
Hazırda iki ölkə aralarında təkcə böyük nəqliyyat layihələri həyata keçirilmir, həm də "Şimal-Cənub" beynəlxalq nəqliyyat dəhlizinin yaradılmasında fəallıq nümayiş etdirilir, həm iqtisadi, həm siyasi, enerji, humanitar və bir çox digər sahələrdə fəal əməkdaşlıq aparılır.
Səfər zamanı dövləti başçısı məlumat verdi ki, "Şimal-Cənub" nəqliyyat dəhlizi məsələsini də Vladimir Putinlə bir daha ətraflı müzakirə ediblər: "Əminəm ki, yaxın vaxtlarda bütün məsələlər razılaşdırılacaq və biz daha bir möhtəşəm layihənin icrasına başlayacağıq".
Göründüyü kimi, Rusiya ilə Azərbaycan arasında qarşılıqlı etimada, dostluğa dayanan hərtərəfli yüksəksəviyyəli əlaqələr mövcuddur.
Yasəmən MUSAYEVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynanın əlavə hava hücumundan müdafiə vasitələrinə ehtiyacı var
30 Iyun
Hərbi institutda hərbi vətənpərvərlik mövzusunda tədbir keçirilib
30 Iyun
Sabah Bakıda hava əsasən yağmursuz keçəcək
30 Iyun
Avstriyada Millətlər Festivalında Azərbaycan mədəniyyəti təbliğ olunub
30 Iyun
Azərbaycanın energetika naziri İtaliyaya səfər edib
30 Iyun
Xarici işlər nazirinin müavini Xorvatiyada işgüzar səfərdə olub
30 Iyun
Rusiyanın Xəzər flotiliyasının hərbi gəmiləri Bakı limanını tərk edib
30 Iyun
Fransada növbədənkənar parlament seçkiləri üzrə səsvermə başlayıb
30 Iyun
DİN və DSX-nin birgə əməliyyatı zamanı 180 kiloqram narkotik vasitə dövriyyədən çıxarılıb...
30 Iyun
Avro-2024: Daha iki komanda 1/4 final mərhələsinə vəsiqə qazanacaq
30 Iyun
DİQQƏT ÇƏKƏNLƏR
Prezident İlham Əliyev BMT-nin Baş katibinin müavini və Ətraf Mühit Proqramının icraçı direktorunu q...27 Iyun 2024
![](/uploads/img/posts/2024/06/27/1719473706217621927_1200x630jpg-1719477132.jpg)
Prezident İlham Əliyevə İtaliyanın “Leonardo” şirkətinin istehsalı olan hərbi nəqliyyat təyyarəsi tə...26 Iyun 2024
![](/uploads/img/posts/2024/06/26/17193913105429036540_1200x630jpg-1719393315.jpg)
Azərbaycan beynəlxalq əməkdaşlıq platformasına çevrilir25 Iyun 2024
![](/uploads/img/posts/2024/06/25/manwetttjpg-1719265024.jpg)
İlham Əliyevin əməkdaşlıq modeli qlobal platformaya çevrilir21 Iyun 2024
![](/uploads/img/posts/2024/06/21/1647332818_ef00f73450eae074135fcd9c4cacf6d8 Копированиеjpg-1718925466.jpg)
Qurtuluş missiyası15 Iyun 2024
![](/uploads/img/posts/2024/06/15/saytjpg-1718404077.jpg)
ÇOX OXUNANLAR
Prezident növbədənkənar parlament seçkilərini təyin etdi29 Iyun 2024
![](/uploads/img/posts/2024/06/29/1583835201167192134jpg-1719605770.jpg)
Sülh uğrunda müharibə26 Iyun 2024
![](/uploads/img/posts/2024/06/26/1656311658_e346c3b9742c001ff2f42ef9aa7170cajpg-1719357575.jpg)
Davamlı inkişaf, səmərəli islahat, real nəticə25 Iyun 2024
![](/uploads/img/posts/2024/06/25/4jpg-1719265162.jpg)
Böyük tarixdən başlanan Zəfər yolu23 Iyun 2024
![](/uploads/img/posts/2024/06/23/babaaajpg-1719094277.jpg)
“Euronews” televiziyasında Prezident İlham Əliyevin müsahibəsi yayımlanıb22 Iyun 2024
![](/uploads/img/posts/2024/06/22/17190365625934912960_1200x630jpg-1719036839.jpg)
Adın nədir - Daşdəmir...21 Iyun 2024
![](/uploads/img/posts/2024/06/21/susajpg-1718926127.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!