Sənaye məhsulları istehsalında artım dinamikası yüksəkdir
Hazırda dünya iqtisadiyyatı özünün çətin dövrünü yaşayır. Son statistikaya görə, ABŞ-də, Avropa İttifaqında və Çində iqtisadi artımda geriləmə müşahidə olunur. Ekspertlər bunun qlobal səviyyədə baş verən siyasi-hərbi qarşıdurmalar və onun davamı olan iqtisadi-maliyyə sanksiyaları ilə bağlı olduğunu bildirirlər.
Azərbaycan liberal iqtisadiyyata malik və dünyaya açıq ölkədir. O üzdən dünyada baş verən bu və digər proseslər ölkəmizə təsirsiz ötüşmür. Lakin aparılan iqtisadi islahatlar ölkə iqtisadiyyatının dayanıqlığını və sabitliyini təmin etməkdə, necə deyərlər, əlimizdən tutur. Cari ilin yanvar-iyul ayları üzrə Dövlət Statistika Komitəsinin açıqladığı rəqəmlər ölkə iqtisadiyyatında müsbət dinamika olduğunu göstərir. Həmin rəqəmlərdən məlum olur ki, 7 ay ərzində ölkə üzrə 37,3 milyard manatlıq sənaye məhsulları istehsal edilmişdir ki, bu da ötən ilin eyni dövrü ilə müqayisədə neft-qaz sektorunda 1,1, qeyri-neft-qaz sektorunda 8 faiz artım deməkdir. Sənaye məhsulları istehsalının 81,6 faizi qeyri-dövlət sektorunun payına düşmüşdür. Hesabat dövründə ümumi istehsalın 89,8 faizi istehsal, 10,2 faizi sənaye xarakterli xidmətlərin göstərilməsi hesabına formalaşmışdır.
Məlumdur ki, ölkə iqtisadiyyatında neft-qaz sektoru önəmli rol oynayır. Başqa sözlə, hələlik ölkənin əsas gəlir mənbəyi bu sektorun hesabına formalaşır. Cari ilin yanvar-iyul aylarında mədənçıxarma sənayesində istehsalın ümumi dəyəri 24,2 milyard manat olmaqla əvvəlki ilin eyni dövrü ilə müqayisədə 1,1 faiz artmışdır. O cümlədən sahənin əsas məhsulu olan əmtəəlik neft hasilatı 16,9 milyon ton, əmtəəlik təbii qaz hasilatı isə 22,5 milyard kubmetr təşkil etmişdir.
Emal sektorunda da rəqəmlər müsbət dinamikadan xəbər verir. Təkcə bir fakt: hesabat dövründə ölkə üzrə emal sektorunda 10 milyard 901,1 milyon manatlıq məhsul istehsal olunmuş və ya sənaye xarakterli xidmətlər göstərilmişdir. Ötən ilin müvafiq dövrü ilə müqayisədə içki istehsalında 15,8, tütün məmulatları istehsalında 11,2, qida məhsulları istehsalında 6,2 faiz artım müşahidə olunmuşdur. Bu aylar ərzində ən yüksək artım viski (2,7 dəfə) və tütün istehsalında (2,6 dəfə) qeydə alınmışdır. Taxılçılıq sənayesi, geyim, dəri və dəri məmulatlarının, ayaqqabı, kimya sənayesi və əczaçılıq məhsullarının, rezin və plastik kütlə məmulatlarının istehsalında da artım müşahidə olunmuşdur. Ötən ilin eyni dövrü ilə müqayisədə əczaçılıq məhsullarının istehsalı 69,1, rezin və plastik kütlə məmulatlarının istehsalı 25,3, kimya sənayesi məhsullarının istehsalı 8,2 faiz artmışdır. Kimya sənayesi məhsullarından karbamid istehsalı 94, metanol istehsalı 13,2, azot istehsalı 0,9, məsaməli plastik kütlədən sair plastmaslar, lövhələr istehsalı 60,4, polietilendən kisə və çantalar istehsalı 41,9, plastmas su qabları, flakonlar və oxşar məmulatlar istehsalı 21,3 faiz, rezin və plastik kütlə məmulatlarından polietilendən başqa digər plastmas kisələr və çantalar istehsalı da 3 dəfə çoxalmışdır.
İndiki halda ölkəmizdə tikinti materiallarının istehsalının artımı vacibdir. İşğaldan azad edilən ərazilərdə icra edilən nəhəng layihələrin vaxtında başa çatdırılması üçün bu sahənin məhsullarına tələbat böyükdür. Tələbatın artması isə daha çox məhsul istehsalını stimullaşdırır. Təkcə cari ilin yanvar-iyul aylarında tikinti materialları istehsalının ümumi dəyəri 779,7 milyon manat olmuşdur ki, bu da keçən ilin müvafiq dövrü ilə müqayisədə 30,2 faiz çoxdur. 7 ayda sementdən, betondan kərpiclər və oxşar məmulatların istehsalı 2,3 dəfə, asfalt istehsalı 56,2, beton istehsalı 31,9, betondan yığma tikinti konstruksiyaların istehsalı 25,6, sement istehsalı 12,8, tikinti gipsinin istehsalı 10,4 faiz artmışdır.
Bundan başqa, ölkəmiz üçün bir o qədər ənənəvi sahə olmayan kompüter, elektron və optik məhsullar və elektrik avadanlıqları istehsalında da artım var. 7 ay ərzində 139,7 milyon manatlıq məhsul istehsal olunmuş bu sahədə ötən ilin eyni dövrünə nisbətən kompüter, elektron və optik məhsulların istehsalı 73,6, elektrik avadanlıqlarının istehsalı 33,9 faiz, noutbukların istehsalı isə 2,2 dəfə artmışdır.
Rüstəm KAMAL,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"QLOBAL-SF" MMC-nin Bakı şəhəri, Yasamal rayonu, Yeni Yasamal yaşayış məntəqəsi Ə.Əhmədov ünvanında ...
27 Avqust
Azərbaycanın birinci xanımı Mehriban Əliyeva Bibiheybət ziyarətgah kompleksini ziyarət edib
27 Avqust
Tramp: ABŞ Ukraynaya görə sursatsız qalıb
26 Avqust
Birinci vitse-prezident Mehriban Əliyeva Heydər Əliyev Fondunun uşaqlar üçün təşkil etdiyi şənlikdə ...
26 Avqust
Həkəri çayının sahilində Laçın Şəhəri Gününün möhtəşəm qala-konserti təşkil edilib...
26 Avqust
Pakistanda COP29-la bağlı seminar təşkil olunub
26 Avqust
Xüsusi nümayəndə: Laçın bu gün arzular şəhərinə çevrilib
26 Avqust
Birinci vitse-prezident Mehriban Əliyeva valideyn himayəsindən məhrum olmuş və xüsusi qayğıya ehtiya...
26 Avqust
Pakistanda terror aktı nəticəsində azı 23 nəfər həlak olub
26 Avqust
Heydər Əliyev Fondu Şəkidə xüsusi qayğıya ehtiyacı olan uşaqlarla birgə
26 Avqust
DİQQƏT ÇƏKƏNLƏR
Azərbaycan-Rusiya münasibətləri qarşılıqlı faydalar yaradır23 Avqust 2024
![](/uploads/img/posts/2024/08/23/17240716705209340997jpg-1724362832.jpg)
Azərbaycan naminə missiya22 Avqust 2024
![](/uploads/img/posts/2024/08/22/14807809115236329608jpg-1724272280.jpg)
Xalqa xidmət, dövlətə sədaqət missiyası21 Avqust 2024
![](/uploads/img/posts/2024/08/21/1598418006438297569_1000x669 Копированиеjpg-1724190484.jpg)
Prezident İlham Əliyev və Prezident Vladimir Putin mətbuata bəyanatlarla çıxış ediblər YENİLƏNİB-2...19 Avqust 2024
![](/uploads/img/posts/2024/08/19/17240716703625121187_1200x630jpg-1724084900.jpg)
Azərbaycan-Rusiya: çoxəsrlik tarixə malik iqtisadi əlaqələrin yeni istiqamətləri18 Avqust 2024
![](/uploads/img/posts/2024/08/18/Untitled-1jpg-1723932959.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!