Pakistanın milli bayramı – Müstəqillik Günü münasibətilə paytaxt İslamabadda Prezident Asif Əli Zərdarinin iştirak etdiyi, həmçinin Türkiyə və Azərbaycandan olan hərbi kontingentin də qatıldığı mərasimdə çıxış edən Baş nazir Məhəmməd Şahbaz Şərif bildirib ki, müasir texnologiya ilə təchiz edilmiş və bütün istiqamətlərdən düşməni hədəf almağa qadir olan Raket Qüvvələri ordunun duyuş qabiliyyətini və ölkənin hərbi imkanlarını əhəmiyyətli dərəcədə artıracaq.
O əlavə edib: “Pakistan yeganə müsəlman və dünyanın yeddinci nüvə dövlətidir. Biz Pakistanın “nüvə proqramının atası” kimi qəbul edilən Əbdül Qadir Xanın töhfələrini xatırlayırıq. Pakistanın nüvə potensialı “təcavüz üçün deyil, lakin biz bu silahlara Hindistanın atom silahlarından müdafiə üçün nail olmuşuq”.
Baş nazir bildirib ki, Pakistan Silahlı Qüvvələrinin tərkibində yeni qurum – Raket Qüvvələri Komandanlığı yaradılıb. Onun sözlərinə görə, yeni komandanlıq ordunun döyüş qabiliyyətini və ölkənin müdafiə gücünü daha da artıracaq.
May ayında iki ölkə arasında baş vermiş sərhəd toqquşmalarını xatırladan Şahbaz Şərif deyib: “Hindistanla atəşkəsin əldə olunmasında roluna görə ABŞ Prezidenti Donald Trampa təşəkkür etmək istəyirəm”.
O, Pakistana göstərdiyi dəstəyə görə, Azərbaycan, Türkiyə, Çin, Səudiyyə Ərəbistanı, Qətər, Birləşmiş Ərəb Əmirlikləri və İrana təşəkkür edib. “Ümid edirəm ki, Cənubi Asiya regionunda davamlı sülh üçün prezident Tramp Kəşmir mübahisəsinin BMT qətnamələri və ədalət əsasında həllində öz rolunu oynayacaq”, -deyə Şahbaz Şərif əlavə edib.
jpg_1765830577.jpg)
jpg_1765830356.jpg)
