04 Oktyabr 2023 15:25
311
SİYASƏT
A- A+

RF XİN İstanbulda ABŞ, Aİ və Rusiya nümayəndələrinin Qarabağla bağlı görüşü haqqında informasiyanı təsdiq edib

 

RF Xarici İşlər Nazirliyi İstanbulda ABŞ, Avropa İttifaqı və Rusiyanın yüksəkvəzifəli şəxslərinin Qarabağda vəziyyətlə bağlı görüşü haqqında informasiyanı təsdiq edib.

AZƏRTAC xəbər verir ki, Rusiya XİN-in rəsmi nümayəndəsi Mariya Zaxarova Moskvada keçirdiyi brifinqdə regionda antiterror tədbirlərinin başlaması ərəfəsində İstanbulda ABŞ, Avropa İttifaqı və Rusiya nümayəndələrinin Qarabağla bağlı görüşü haqqında informasiyanı təsdiq edib.

KİV-lərin yaydığı xəbərə görə, bu görüşdə ABŞ Dövlət Departamentinin Qafqaz danışıqları üzrə baş müşaviri Lui Bono, Avropa İttifaqını Cənubi Qafqaz üzrə xüsusi nümayəndəsi Toivo Klaar, Rusiya XİN-in Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayev iştirak ediblər.

M.Zaxarova qeyd edib ki, görüş ABŞ və Avropa İttifaqının Rusiyaya müraciəti əsasında baş tutub. “Görüşün məqsədi danışıqların gedişində müəyyən edilib. Tərəflər vəziyyətə dair fikir mübadiləsi aparıb” deyən RF XİN-in rəsmi nümayəndəsi əlavə edib ki, həmin görüş məxfi deyildi və “nöqteyi-nəzərlərin sıradan mübadiləsi idi”.

Rusiya XİN-in rəsmi nümayəndəsi vurğulayıb ki, əgər Qərb mediası bu hadisəni təxribat kimi qələmə verirsə, demək ki, məqsəd də bundan ibarət imiş.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video