10 Iyul 2024 11:00
236
DÜNYA
A- A+

Planetdə rekord temperatur müşahidə edilir

İqlim böhranı səbəbindən planetimizin müxtəlif nöqtələrində istilik dalğaları, quraqlıqlar və meşə yanğınları müşahidə edilir. Atlantikadakı qasırğalar mövsümü də daha ekstremal hal alıb.

Hazırda Yerdə qlobal miqyasda uzumüddətli rekord istilik dövrü yaşanır. Mütəxəssislər bildiriblər ki, 2024-cü ilin iyun ayı indiyənə kimi müşahidə edilmiş iyun ayları arasında ən istisi olub. Bununla yanaşı bu ilin iyun ayı rekord yüksək temperatura sahib ardıcıl 13-cü ay olub. Beləliklə 2023-cü ilin iyun ayından başlayaraq hər ay tarixdə ən isti ay kimi qeydə alınıb.

Avropa Birliyinin “Copernicus” iqlim dəyişikliyi xidmətinin məlumatlarına əsasən, bu ilin iyun ayında orta qlobal temperatur göstəricisi 16.66 dərəcə Selsi təşkil edib. Bu isə keçən ilin iyun ayındakı orta qlobal temperatur göstəricisindən 0.14 dərəcə Selsi daha yüksəkdir. Ötən ay müşahidə edilmiş orta temperatur göstəricisi isə 1991-ci ildən 2020-ci ilə kimi müşahidə edilmiş iyun aylarındakı orta temperatur göstəricisindən 0.67 dərəcə Selsi yüksəkdir.

Mütəxəssislərin sözlərinə əsasən, rekord dərəcədə istilik dalğaları planetin quru sahəsi ilə yanaşı, su sahəsinə də təsir göstəriblər. Məlumata əsasən, iyun ayında dəniz səthinin orta qlobal temperatur göstəricisi 20.85 dərəcə Selsi təşkil edib.

 

Ülkər XASPOLADOVA,

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video