24 Yanvar 2025 18:41
200
Mədəniyyət
A- A+
Nizami Kino Mərkəzində “Tağıyev” sənədli filminin təqdimatı olub

Nizami Kino Mərkəzində “Tağıyev” sənədli filminin təqdimatı olub


Yanvarın 24-də Nizami Kino Mərkəzində “Damla” aztəminatlı ailələrə qayğı İctimai Birliyi və Türkiyədə fəaliyyət göstərən “İnsan Haqları və Azadlıqları İnsani Yardım Fondu” (IHH) qeyri-hökumət təşkilatının birgə təşəbbüsü ilə ərsəyə gələn böyük xeyriyyəçi Hacı Zeynalabdin Tağıyevin həyat və fəaliyyətindən bəhs edən "Tağıyev" sənədli filminin təqdimat mərasimi olub.

AZƏRTAC xəbər verir ki, əvvəlcə Azərbaycan Respublikasının Dövlət Himni və Türkiyə Respublikasının İstiqlal Marşı səsləndirilib.

Tədbirdə çıxış edən “İnsan Haqları və Azadlıqları İnsani Yardım Fondu” (IHH) qeyri-hökumət təşkilatının nümayəndəsi Yavuz Dədə bildirib ki, Hacı Zeynalabdin Tağıyev dövrün çətinliklərinə baxmayaraq xalqına xidmət etməyi və gələcək nəsillərin inkişafına töhfə verməyi özünə həyat kredosu seçib.

O vurğulayıb ki, Hacı Zeynalabdin Tağıyevin təşəbbüsü ilə Azərbaycanda təhsil və maarifçilik sahəsində atılan addımlar həmin dövrün ictimai-siyasi mühitinə ciddi təsir göstərib. O, xalqın dərdini öz dərdi bilən və öz sərvətini xalqa sərf etməkdən çəkinməyən biri olub. Onun xeyriyyəçilik missiyası bu gün də Azərbaycan xalqının yaddaşında yaşayır və gələcək nəsillər üçün nümunədir.

Filmin prodüseri Yavuz Yıldırım bildirib ki, Azərbaycanda Tağıyevlə bağlı bir çox layihələr həyata keçirilib. Bu cür böyük şəxsiyyətlərin həyat hekayələri filmlərə, seriallara və digər layihələrə mövzu olmalıdır. Çünki onların gördüyü işlər və ideyaları cəmiyyət üçün daim əhəmiyyətlidir.

Daha sonra "Tağıyev" sənədli filminin nümayişi olub.

Hacı Zeynalabdin Tağıyevin həyat və fəaliyyətini əks etdirən film onun xeyriyyəçilik fəaliyyəti, təhsil və milli şüurun oyanmasındakı rolu, eləcə də sosial rifah sahəsindəki töhfələrini tamaşaçılara çatdırmağı hədəfləyir. Bu sənədli film yalnız bir şəxsiyyətin həyat hekayəsini təqdim etmir, eyni zamanda, onun gördüyü işlərin müasir dövrdə də nümunə ola biləcək mahiyyətini vurğulayır.

Hacı Zeynalabdin Tağıyev nəinki Azərbaycanın, bütün türk dünyasının mühüm şəxsiyyətlərindən biri olub, onun xeyriyyəçilik və humanitar yardım sahəsindəki fəaliyyəti millətlərimiz arasında dərin bir bağ yaradıb, həmrəylik və maarifçilik kimi dəyərlərin təşviqində mühüm rol oynayıb. Hacı Zeynalabdin Tağıyev yalnız Azərbaycanın iqtisadi və sosial inkişafına töhfə verməklə kifayətlənməmiş, eyni zamanda, təhsil, səhiyyə və sosial rifah sahələrindəki qabaqcıl fəaliyyəti ilə türk dünyasının ortaq dəyərlərini əks etdirən bir simvola çevrilib.

Hacı Zeynalabdin Tağıyev kimi görkəmli şəxslərin gördüyü işlərin geniş kütlələrə çatdırılması, onların göstərdiyi nümunələrin gələcək nəsillər üçün bir örnək olması baxımından son dərəcə vacibdir. Belə layihələr həm milli dəyərlərimizi tanıtmaq, həm də onları gələcək nəsillərə çatdırmaq baxımından da böyük əhəmiyyət daşıyır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan Respublikası Nazirlər Kabinetinin 1999-cu il 6 aprel tarixli 60 nömrəli Qərarı ilə təsdiq edilmiş “Yol hərəkəti haqqında” Azərbaycan Respublikası Qanununun müddəalarının pozulmasına görə fiziki və hüquqi şəxslər tərəfindən ödənilən cərimələrdən daxil olan vəsaitin təyinatı üzrə istifadə olunması Qaydası”nda dəyişiklik edilməsi barədə

01:22
25 Yanvar

"Azərbaycan Xəzər Dəniz Gəmiçiliyi" Qapalı Səhmdar Cəmiyyəti struktur idarələri və gəmiləri üçün müxtəlif növ əlvan metalların satın alınması məqsədilə müsabiqə elan edir

01:20
25 Yanvar

Azercell abunəçilərinin nəzərinə

01:19
25 Yanvar

Küveytdə terrorizmi maliyyələşdirən 38 nəfərin vətəndaşlığı ləğv edilib  

23:52
24 Yanvar

Türkiyədə yaşayış binası çöküb, dağıntılar altında qalanlar var

22:47
24 Yanvar

“Kəpəz” yeni futbolçu transfer edib

21:45
24 Yanvar

“Meta” bu il süni intellekt sahəsinə 60-65 milyard dollar sərmayə qoyacaq

21:01
24 Yanvar

Bakıda Hindistanın Respublika Günü qeyd edilib

20:47
24 Yanvar

Azərbaycan-Pakistan Hökumətlərarası Birgə Komissiyasının VIII iclasının yekununa dair protokol imzalanıb

20:17
24 Yanvar

Azərbaycan-Pakistan Hökumətlərarası Birgə Komissiyasının fəaliyyəti yüksək qiymətləndirilib

20:06
24 Yanvar

Nazir müavini: Son 4 ildə Azərbaycana səyahət edən hindistanlı turistlərin sayı 40 dəfədən çox artıb 

19:57
24 Yanvar

Səfir: Hindistan və Azərbaycan dərin mədəni əlaqələrə malikdir 

19:45
24 Yanvar

Təhlükəsiz tullantıların idarə olunması üzrə fəaliyyətin səmərəli təşkil edilmədiyi aşkarlanıb

19:31
24 Yanvar

Hesablama Palatası Dövlət Ehtiyatları Agentliyində nöqsanlar aşkarlayıb

19:15
24 Yanvar

“İnklüziv sosial inkişaf və sosial təminat” İşçi qrupunun növbəti iclası keçirilib

19:14
24 Yanvar

AZƏRBAYCAN RESPUBLİKASI PREZİDENTİ ADMİNİSTRASİYASININ VƏTƏNDAŞ QƏBULU MƏRKƏZİNDƏ 2025-ci ilin fevral ayında vətəndaşların qəbulu CƏDVƏLİ

19:08
24 Yanvar

Ali Məhkəmə Plenumunun ötən ilin yekunlarına həsr olunmuş iclası keçirilib

19:07
24 Yanvar

“Azərpoçt” Şuşada poçt məntəqəsi açıb

19:05
24 Yanvar

Azərbaycan Respublikası Milli Məclisinin deputatlarının 2025-ci ilin fevral ayında vətəndaşların qəbulu CƏDVƏLİ 

19:00
24 Yanvar

Hesablama Palatası Qida Təhlükəsizliyi Agentliyində keçirdiyi auditin nəticələrini açıqlayıb  

18:57
24 Yanvar

Biznes Mühiti və Beynəlxalq Reytinqlər üzrə Komissiyanın iclası keçirilib

18:50
24 Yanvar

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!