20 Noyabr 2026 10:59
123
İQTİSADİYYAT
A- A+
Neftin qiymətində azalma gözləntiləri güclənir  

Neftin qiymətində azalma gözləntiləri güclənir  


Birjalarda “Brent” markalı xam neftin bir barelinin qiyməti 93 dollara yaxınlaşsa da, həftəlik itki 3,5 faizə çatıb. Bazar iştirakçılarının diqqəti Hörmüz boğazından neft daşımalarına və OPEC+ qrupunun hasilat siyasətinə yönəlib.

AZƏRTAC xəbər verir ki, Yaxın Şərqdə geosiyasi gərginliyin artması fonunda neft qiymətləri yüksəlsə də, qlobal bazarda təklifin tələbi üstələyəcəyi ilə bağlı gözləntilər səbəbindən qiymətlərin ardıcıl 3-cü həftəni ucuzlaşma ilə başa vuracağı gözlənilir. Səudiyyə Ərəbistanının paytaxtı Ər-Riyada raket hücumları və Hörmüz boğazında neft tankerlərinin hədəfə alınması ilə bağlı xəbərlər neft qiymətlərinin yüksəlməsinə səbəb olub.

“Light” markalı xam neftin qiyməti isə 83 dollara çatır. Gündəlik artıma baxmayaraq, neft bazarında həftəlik ucuzlaşma tendensiyası davam edib. “Brent” nefti həftə ərzində 3,5 faiz, “Light” isə təxminən 6 faiz ucuzlaşıb. Beləliklə, hər iki neft markasının ardıcıl üçüncü həftəni itkilərlə başa vuracağı gözlənilir.

Neft qiymətlərinə əsas təzyiqi Hörmüz boğazı vasitəsilə xam neft daşımalarının müharibədən əvvəlki səviyyələrə yaxınlaşması və qlobal bazarda təklif artıqlığı ilə bağlı gözləntilər yaradır. ABŞ-də xam neft ehtiyatlarının proqnozlaşdırılandan daha çox artması da qiymətlərin aşağı düşməsini şərtləndirən amillərdəndir.

Yaxın Şərqdən neft tədarükünün bərpası və ABŞ-nin İrana qarşı yeni hücumlara başlamaqda tələsməməsi fonunda “Brent” markalı neft noyabr ayında təxminən 20 faiz ucuzlaşıb.

Bununla yanaşı, regionda davam edən hücumlar enerji təchizatının təhlükəsizliyi ilə bağlı narahatlıqları artırır. İran İslam İnqilabı Keşikçiləri Korpusu Hörmüz boğazında iki neft tankerinin minaya düşərək alışdığını açıqlayıb. “Reuters” agentliyi isə bu məlumatı müstəqil şəkildə təsdiqləyə bilmədiyini bildirib.

Neft bazarının diqqət mərkəzində Neft İxrac Edən Ölkələr Təşkilatı (OPEC) və tərəfdaş ölkələrin daxil olduğu OPEC+ qrupunun noyabrın 29-da keçiriləcək iclası dayanır. Görüşdə qrupun 2027-ci il üzrə hasilat siyasətinin müzakirə olunacağı gözlənilir.

Analitiklər hesab edirlər ki, hasilatın əlaqələndirilmiş şəkildə məhdudlaşdırılmasının davam etdirilməsi ilə bağlı gözləntilər neft qiymətlərinə müəyyən dəstək verir.

Digər tərəfdən, Beynəlxalq Enerji Agentliyi (IEA) Yaxın Şərqdəki münaqişələrin qlobal neft və təbii qaz ticarətində misli görünməmiş fasilələrə səbəb olduğunu bildirib. Agentlik ölkələrin elektrikləşmə prosesini, enerji səmərəliliyini və alternativ yanacaqlardan istifadəyə keçidi sürətləndirməsi halında qlobal neft tələbatının 2035-ci ilədək 4 faizdən çox azala biləcəyi barədə xəbərdarlıq edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Mədəaltı vəzi xərçəngi ilə bağlı yeni müalicə tətbiq olunur

11:00
20 Noyabr

Neftin qiymətində azalma gözləntiləri güclənir  

10:59
20 Noyabr

Ötən gün 79 cinayətin açılması təmin olunub

10:44
20 Noyabr

Qeyri-sabit, küləkli və yağıntılı hava şəraiti müşahidə olunur – FAKTİKİ HAVA

10:42
20 Noyabr

Nquyen Van Sien: Vyetnamlıların Azərbaycana marağı böyükdür

10:41
20 Noyabr

Qızılın qiymətində son 8 ayın ən kəskin həftəlik azalması qeydə alınıb

10:37
20 Noyabr

Azərbaycan Prezidenti İlham Əliyev Hanoyda Vyetnam Milli Assambleyasının sədri ilə görüşüb YENİLƏNƏCƏK

10:36
20 Noyabr

Ağdamda 10 ayda 959 milyon manatlıq sənaye məhsulu istehsal edilib

10:30
20 Noyabr

Qarabağ torpağına bağlılığın rəmzi

10:29
20 Noyabr

Neft bahalaşır

10:27
20 Noyabr

Ağdamda bayram coşqusu: Şəhər Günü Qarabağ atlarının yürüşü ilə başlayıb

10:26
20 Noyabr

Azərbaycan nefti 98 dollara satılır

10:24
20 Noyabr

Müasir Azərbaycanın siyasi inkişafında tarixi və institusional amillər  

10:13
20 Noyabr

Vitali Kliçko: Kiyevdə körpülərə raket zərbələri nəticəsində sağ və sol sahillər arasında nəqliyyat çətinliyi yaranıb  

10:07
20 Noyabr

Ağdam şəhər gününün təsis olunması Zəfərin əbədiləşdirilməsi baxımından mühüm əhəmiyyət daşıyır  

09:59
20 Noyabr

Azərbaycan-Vyetnam münasibətləri: Tarixi varislik və müasir əməkdaşlıq üfüqləri 

09:55
20 Noyabr

Azərbaycan Prezidenti İlham Əliyevin Vyetnamın Baş naziri ilə görüşü olub YENİLƏNƏCƏK  

09:53
20 Noyabr

Prezident İlham Əliyev Hanoyda Ho Şi Minin məqbərəsini ziyarət edib

09:47
20 Noyabr

Prezident İlham Əliyev Hanoyda “İnqilab şəhidləri” abidəsini ziyarət edib 

09:47
20 Noyabr

İranla müharibə ABŞ-yə 48 milyard dollardan çox vəsaitə başa gəlib

09:13
20 Noyabr

20 noyabr – Ağdam Şəhəri Günü: dağıntılardan dirçəlişə, zəfərdən böyük qayıdışa doğru  

09:11
20 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!