Kənd təsərrüfatı naziri Kürdəmirdə təsərrüfatlara baxış keçirib, fermerlərlə görüşüb
Kənd təsərrüfatı naziri Məcnun Məmmədov Kürdəmirdə arıçılıq təsərrüfatına, taxıl sahələrinə, intensiv bağlara baxış keçirib, fermerlərlə görüşüb.
Nazirliyin İctimaiyyətlə əlaqələr və informasiya təminatı şöbəsindən AZƏRTAC-a verilən məlumata görə, nazir Məcnun Məmmədov əvvəlcə rayonun Karrar kəndində fermer Samir Heydərovun arıçılıq təsərrüfatının fəaliyyəti ilə tanış olub, təsərrüfatda məhsuldarlıq göstəriciləri, məhsulun qablaşdırılması, satışın təşkili məsələləri ilə maraqlanıb.
Uzun müddətdir arıçılıqla məşğul olan fermer bildirib ki, hazırda təsərrüfatda 310 arı ailəsi var, orta məhsuldarlıq 15-30 kiloqram təşkil edir. Təsərrüfatda arılara qulluq sırf orqanik istehsalın tələblərinə uyğun aparılır. Arıçılıq məhsullarının istehsalı və satışında çətinliklə üzləşmədiyini deyən fermer gələcəkdə məhsulların qablaşdırılmasına xüsusi diqqət yetirəcəyini vurğulayıb.
Daha sonra rayonun Muradxan kəndində toxumçuluqla məşğul olan fermer Elşən Hacıyevin 125 hektar sahədə əkilmiş taxıl sahəsinə baxış keçirilib, əkin sahəsində həyata keçirilən aqrotexniki tədbirlər, toxum sortunun düzgün seçilməsi ətrafında fermerlə fikir mübadiləsi aparılıb. Bildirilib ki, məhsuldarlığın artırılması üçün dənli taxıl bitkilərinin, xüsusilə payızlıq buğda və payızlıq arpanın yüksək sortluq və səpin keyfiyyətlərinə malik toxumlarının yetişdirilməsi və istehsalı sahəsində innovasiyaların və müasir texnologiyaların tətbiqi mühüm əhəmiyyət kəsb edir.
Səfər çərçivəsində nümayəndə heyəti rayonun Sorsor kəndində damazlıq heyvandarlıq təsərrüfatının fəaliyyəti ilə tanış olub. Təsərrüfatda yerli Qaradolaq qoyun cinsindən 1800 baş qoyun saxlanılır. Qaradolaq qoyunları hündürlüyünə, çəkisinin ağırlığına və ət veriminə görə digər yerli cinslərdən fərqlənir, bu səbəbdən fermerlər arasında bu cinsin saxlanıb artırılmasına maraq böyükdür. Fermerlər xalq seleksiyası yolu ilə alınmış Qaradolaq qoyunlarının damazlıq xüsusiyyətlərinin qorunub saxlanmasına və artırılmasına xüsusi diqqət yetirirlər.
Daha sonra Muradxan kəndində salınmış intensiv meyvə bağına baxış keçirilib. 30 ilə yaxın meyvəçiliklə məşğul olan fermer Natiq Qədirov hazırda meyvə bağının sahəsinin 70 hektara çatdırıldığını deyib. Bağın məhsulları xarici bazarlara ixrac olunur, bir hissəsi isə daxili bazara çıxarılır.
Nazir bağda meyvə yığımı prosesi ilə tanış olub, dərman və gübrələrin saxlandığı əraziyə, su anbarına, texnikalara baxış keçirib, tövsiyələrini verib.
Səfər çərçivəsində nümayəndə heyəti rayonun Xırdapay kəndində fermer Xəyal Rəsulovun 200 hektar intensiv nar bağında olub, görüşdə bağlarda düzgün aqrotexniki qulluq edilməsi, intensiv bağların genişləndirilməsi, çoxillik əkmələrdə müasir suvarma sistemlərinin quraşdırılması barədə fikir mübadiləsi aparılıb, fermerlərin dövlətin bu prosesə verdiyi dəstək mexanizmlərindən geniş yararlandığı qeyd edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
Strateji tərəfdaşlıq güclənir, qlobal nüfuz artır 28 Avqust 2024
Mehriban Əliyeva - Azərbaycan humanizminin simvolu26 Avqust 2024
"Gəl sənə Laçınımı göstərim..."25 Avqust 2024
"Mehriban xanım ürəyimizdə elə bir saray qurub ki..."24 Avqust 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!