Heydər Əliyev Mərkəzinin parkında “Yay Festivalı”nın bağlanış konserti təşkil olunub
Demək olar ki, hamı ora tələsirdi. Üzlərdə, gözlərdə böyük sevinc vardı. Kimi ailəsi, kimi yaxın rəfiqəsi, kim də öz sevgilisi isə xoş anlar yaşamaq üçün Heydər Əliyev Mərkəzinin parkına üz tutmuşdu. On görə ki, yayın son istirahət günü - avqustun 25-də Heydər Əliyev Mərkəzinin parkında “Yay Festivalı” adlı bağlanış konserti təşkil olunmuşdu. Sərin yay gecəsində parka gələnlər paytaxtın bu bənzərsiz məkanında həm istirahət edir, həm də burada səslənən bir-birindən fərqli ifaları dinləyirdilər. Bu anları əbədiləşdirmək üçün foto və video çəkməyi də unutmurdular.
Konsertdən əvvəl AZƏRTAC-a müsahibə verən ifaçılar da “Yay Festivalı”nda iştirakdan xüsusi zövq aldıqlarını, belə gözəl bir məkanda tamaşaçılar qarşısında çıxış etməyin onlar üçün də əvəzsiz olduğunu söyləyirdilər.
“Rast” qrupunun yaradıcısı və rəhbəri Rəşad Haşımov deyib ki, biz millət olaraq arzumuza çatmışıq, ərazi bütövlüyümüz tam təmin olunub. “Bizim üçün bundan böyük nə xoşbəxtlik ola bilər. Vətən hər şeydən birincidir. Bu gün dünyanın hər yerində başımız ucadır. Bunu bizə yaşadan başda Ali Baş Komandan olmaqla, şanlı Ordumuza uğurlar arzulayıram, şəhidlərimizə Allahdan rəhmət, qazilərimizə cansağlığı diləyirəm”. O bildirilib ki, “Rast” qrupu festivalda “Bakı-Bakı” manısını səsləndirəcək.
“Yay Festivalı” çərçivəsində çoxsaylı konsertlərin təşkil olunduğunu diqqətə çatdıran Əməkdar artist Təyyar Bayramov bildirib ki, festivala olduqca maraqlı bir proqramla yekun vurulacaq. Burada müxtəlif nəsillərə məxsus ifaçılar bir-birindən fərqli mahnılar təqdim edəcək: “Mən bu gecədə belə bənzərsiz bir məkanda tələbələrimlə “Qarabağ” mahnısını ifa edəcəyəm. Düşünürəm ki, bu konsertdən hamı razı qalacaq”.
Festivala xüsusi hazırlaşdığını vurğulayan müğənni Murad Arifin sözlərinə görə, gecəyə yeni mahnı ilə gəlib. Belə ki, o, konsertdə Mərdan Kazımovla birlikdə “Qara gözlər” mahnısını səsləndirəcək.
Elə ilk baxışdan görünürdü ki, konsertin istənilən auditoriyanın marağını cəlb etməsi üçün zəngin proqram hazırlanıb. Bu səbəbdən hamı nəfəs dərmədən səhnəyə çıxan hər bir ifaçını səbirsizliklə gözləyirdi.
“Yay Festivalı”nda məşhur musiqi xadimlərimizin iştirakı ilə müxtəlif janrlarda mahnılar ifa olunub. Sevdiyimiz və hər zaman böyük həvəslə dinlədiyimiz bu ifalar duet, yaxud kollektiv şəklində səslənib. Əksər mahnılar belə interpretasiyada ilk dəfə təqdim olunub. Məqsəd isə musiqidə nəsillərin dialoqunu nümayiş etdirməkdir.
Konsertdə Almaxanım Əhmədli və Aygün Bəylərlə virtual duet, Almaz Ələsgərli və Elçin Cəfərov, Aygün Kazımova və Zamiq Hüseynov, Elnur Məmmədov və Günay İbrahimli, Ədalət Şükürov və Nigar Camal, Faiq Ağayev və Dilarə Kazımova, Xəyyam Nisanov və Aysel, Könül Xasıyeva və İlkin Əhmədov, Mələkxanım Eyyubova və Ramal İsrafilov, Mənsum İbrahimov və Elnarə Xəlilova, Murad Arif və Mərdan Kazımov, Mübariz Tağıyev və Cavidan Fatihi, Nazim Pişyari və Mehin Hümbətova, Nazpəri Dostəliyeva və İlkin Dövlətov, Nisə Qasımova və Abbas Bağırov, Niyaməddin Musayev və “Döngə” qrupu, PRoMete və Samirə AliMəryam, “Rast” qrupu və Jamal Hashım, Sevda Ələkbərzadə və “Nənələr” qrupu, Tünzalə Ağayeva və Nadir Rüstəmli duetləri, eləcə də Gülyaz və Gülyanaq Məmmədovalar və Kamilə Nəbiyeva, İlahə Rüstəmova, həmçinin Təyyar Bayramov, Rəvanə Əmiraslanlı, Mirəli Sarızadə, daha sonra isə Səbinə Babayeva, Sona Əzizova, Atilla Qərib, Atilla Məmmədov çıxış edib.
Bir sözlə, paytaxt sakinləri və şəhərimizin qonaqları həmin gün parkda sevilən müğənnilərin ifasını dinləyib, gözəl yay axşamı keçiriblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"QLOBAL-SF" MMC-nin Bakı şəhəri, Yasamal rayonu, Yeni Yasamal yaşayış məntəqəsi Ə.Əhmədov ünvanında ...
27 Avqust
Azərbaycanın birinci xanımı Mehriban Əliyeva Bibiheybət ziyarətgah kompleksini ziyarət edib
27 Avqust
Tramp: ABŞ Ukraynaya görə sursatsız qalıb
26 Avqust
Birinci vitse-prezident Mehriban Əliyeva Heydər Əliyev Fondunun uşaqlar üçün təşkil etdiyi şənlikdə ...
26 Avqust
Həkəri çayının sahilində Laçın Şəhəri Gününün möhtəşəm qala-konserti təşkil edilib...
26 Avqust
Pakistanda COP29-la bağlı seminar təşkil olunub
26 Avqust
Xüsusi nümayəndə: Laçın bu gün arzular şəhərinə çevrilib
26 Avqust
Birinci vitse-prezident Mehriban Əliyeva valideyn himayəsindən məhrum olmuş və xüsusi qayğıya ehtiya...
26 Avqust
Pakistanda terror aktı nəticəsində azı 23 nəfər həlak olub
26 Avqust
Heydər Əliyev Fondu Şəkidə xüsusi qayğıya ehtiyacı olan uşaqlarla birgə
26 Avqust
DİQQƏT ÇƏKƏNLƏR
Azərbaycan-Rusiya münasibətləri qarşılıqlı faydalar yaradır23 Avqust 2024
![](/uploads/img/posts/2024/08/23/17240716705209340997jpg-1724362832.jpg)
Azərbaycan naminə missiya22 Avqust 2024
![](/uploads/img/posts/2024/08/22/14807809115236329608jpg-1724272280.jpg)
Xalqa xidmət, dövlətə sədaqət missiyası21 Avqust 2024
![](/uploads/img/posts/2024/08/21/1598418006438297569_1000x669 Копированиеjpg-1724190484.jpg)
Prezident İlham Əliyev və Prezident Vladimir Putin mətbuata bəyanatlarla çıxış ediblər YENİLƏNİB-2...19 Avqust 2024
![](/uploads/img/posts/2024/08/19/17240716703625121187_1200x630jpg-1724084900.jpg)
Azərbaycan-Rusiya: çoxəsrlik tarixə malik iqtisadi əlaqələrin yeni istiqamətləri18 Avqust 2024
![](/uploads/img/posts/2024/08/18/Untitled-1jpg-1723932959.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!