Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Prezident İlham Əliyevin Türkiyəyə işgüzar səfəri iki ölkə arasındakı münasibətlərin ən yüksək səviyyədə olduğunu bir daha sübut etdi
Xəbər verildiyi kimi, Prezident İlham Əliyev iyunun 10-da Türkiyə Respublikasının Prezidenti Rəcəb Tayyib Ərdoğanın dəvəti ilə Ankarada işgüzar səfərdə olub. Dövlət başçıları iki qardaş ölkə arasında gündən-günə inkişaf edən əlaqələrdən məmnunluqlarını bildiriblər. Qeyd olunub ki, artıq iki ölkə arasında olan münasibətlər strateji tərəfdaşlıq səviyyəsinə çatıb, qarşılıqlı əlaqələr bütün sahələri əhatə edir.
Görüşdə ölkələrimiz arasında enerji, nəqliyyat, iqtisadiyyat, ticarət əlaqələrinin genişləndirilməsi, müdafiə, hərbi sənaye və digər sahələrdə əməkdaşlıq məsələləri ətraflı müzakirə olunub, Bakı-Tbilisi-Qars dəmir yolunun imkanlarının genişləndirilməsinin əhəmiyyəti, Orta dəhlizin inkişafı ilə bağlı iki ölkənin birgə gördükləri işlərin önəmi vurğulanıb.
Liderlər arasında müzakirə olunan məsələlərdən biri də Türk Dövlətləri Təşkilatı üzvlərinin, o sıradan ölkələrimiz arasında əməkdaşlığın genişləndirilməsi və Şuşada keçiriləcək qeyri-rəsmi Zirvə görüşü olub. Prezident İlham Əliyev bildirib ki, hazırda Azərbaycanla Türkiyə qədər dünyada səmimi və qardaşlıq münasibətləri olan ikinci bir nümunə yoxdur və "Bir millət, iki dövlət" arasında olan münasibətlər gündən-günə inkişaf edir.
Tarixindən və bir soy-kökdən qaynaqlanan bu qədim qardaşlıq münasibətləri dövlət başçıları İlham Əliyev və Rəcəb Tayyib Ərdoğan tərəfindən ən yüksək səviyyəyə qaldırılıb. İki lider həmçinin türk dünyasının formalaşmasında, Türk Dövlətləri Təşkilatının beynəlxalq gücə çevrilməsində ən çox səy göstərən dövlət başçılarıdır.
Bu gün Azərbaycanla Türkiyə qlobal və regional məsələlərdə ən fəal iştirak edən ölkələrdir. İki qardaş dövlətin müstəqil siyasət aparması qlobal güclər tərəfindən müqavimətə rast gəlsə də, liderlərimiz tutduqları mövqedən geri çəkilmirlər, üstəlik, türk dövlətləri ilə birlikdə güc nümayiş etdirirlər. Prezident İlham Əliyevin "Yerimiz türk dünyasıdır" mövqeyi, qardaş Türkiyənin BRİCS-ə üzv olmaq istəməsi bir çox ölkədə rahatsızlıqla izlənilsə də, dəfələrlə özünü təsdiq etmiş qətiyyətin qarşısında aciz görünürlər.
Prezident İlham Əliyev sonuncu andiçmə mərasimində yeni dünya düzənində türk dünyasının beynəlxalq əhəmiyyəti, hansı siyasi orbitdə ölkəmizin yer alacağı barədə demişdir: "Əgər kimsə hesab edir ki, biz başqa yerdə ailə axtarmalıyıq, deyə bilərəm ki, bizi heç yerdə gözləmirlər və bunu artıq gizlətmirlər. Əgər əvvəlki illərdə, xüsusilə işğal dövründə bizi çaşdırmaq üçün, yəni gözdən pərdə asmaq üçün müəyyən vədlərlə cəlb etməyə çalışırdılarsa, indi o maskalar da yırtıldı və açıq-aydın burada ayırıcı xətlər müşahidə olunur. Biz o ayırıcı xətləri çəkməmişik, biz bu ayırıcı xətlərin əleyhinəyik. Biz hətta cəmi üç ölkənin yerləşdiyi Cənubi Qafqazda bu gün bu ayırıcı xətləri açıq-aydın görürük. Belə olan halda bizi haradasa qəbul etmək istəməyənlərə biz baş əyməliyikmi? Qətiyyən, bu, olmayacaq! Bizim ailəmiz türk dünyasıdır. Biz özümüzü çox yaxşı hiss edirik. Türk Dövlətləri Təşkilatına üzv olan bütün ölkələrlə qardaşlıq münasibətlərimiz var və bizim siyasətimiz Türk Dövlətləri Təşkilatını gücləndirməkdir. Bu, böyük coğrafiyadır, böyük ərazidir, böyük hərbi gücdür, böyük iqtisadiyyatdır, təbii sərvətlərdir, nəqliyyat yollarıdır, gənc əhalidir, artan əhalidir və bir soydan, kökdən olan xalqlardır. Bundan güclü birlik ola bilərmi? Əlbəttə ki, yox. Biz müştərək səylərlə elə etməliyik ki, Türk Dövlətləri Təşkilatı qlobal arenada önəmli aktora və güc mərkəzinə çevrilsin. Buna biz ancaq birlikdə nail ola bilərik".
Bu sitatdan sonra qlobal güclərin rahatsızlığının səbəbi daha aydın başa düşülür. Prezidentin dediyi kimi, böyük geosiyasi məkan, təbii sərvətlər, qlobal nəqliyyat marşrutları, gənc əhali, hərbi güc və ən əhəmiyyətlisi eyni kökdən olan xalqların birliyidir Türk Dövlətləri Təşkilatı. Yəni bu təşkilatın yeni qlobal gücə çevrilməsi üçün lazım olan bütün zəruri şərtlər mövcuddur. Sadəcə olaraq, daha da təşkilatlanmaq və birgə səylərlə dünya birliyində haqq etdiyi layiqli yeri tutmaq lazımdır ki, buna da heç kimin şübhəsi yoxdur.
Hazırda dünyada gedən geosiyasi mübarizədə dünya əhəmiyyətli nəqliyyat marşrutlarına nəzarət əsas faktora çevrilib. Xoşbəxtlikdən bu yollara nəzarət də türk dünyasına məxsusdur. Orta dəhliz Çinin "Bir kəmər, bir yol" layihəsinin davamı olsa da, türk nəqliyyat marşrutudur. Çindən sonra bu dəhlizin keçdiyi ölkələr, Gürcüstan istisna olmaqla, hamısı türk dövlətləridir. Üstəlik, dünya üçün böyük əhəmiyyət daşıyacaq İraqdan başlanıb Avropaya gedəcək marşrutda da söz sahibi türk ölkəsi - Türkiyədir. Bunlar isə o deməkdir ki, dünyadakı güc sahibləri gec-tez möhtəşəm türk dünyasını qəbul etməli olacaqlar.
Rüstəm KAMAL,
"Azərbaycan"
"Neftçi" yeni baş məşqçisinin gəlişindən nə qazandı?
Mahir Emreli: "Vurduğum qol mənə böyük motivasiya verdi"
Prezident İlham Əliyev “MAN Truck&Bus” şirkətinin baş direktorunu qəbul edib YENİLƏNİB
Səfirlik nümayəndəsi: Azərbaycan və Ermənistan arasında imzalanacaq sülh nəticəsində yeni nəqliyyat dəhlizləri yarana bilər
Azərbaycanla Belçika arasında minatəmizləmə ilə bağlı əməkdaşlıq perspektivləri müzakirə edilib
FHN: Bakı şəhəri və Abşeron rayonunda su basmış ərazilərdən 31 vətəndaş təxliyə edilib
Ötən gün təhvil götürülən silah-sursatın sayı açıqlanıb
Britaniyanın Lordlar palatasının üzvləri Ulu Öndərin məzarını ziyarət ediblər
Azərbaycan neftinin qiyməti artıb
Azərbaycan parlamentində 19 məsələnin müzakirəsinə başlanılıb
Əksər bölgələrdə yağıntılı hava şəraitində fasilə yaranıb
Mask aksiya iştiraçkısına 1 milyon dollarlıq çek verdi
Venesuelada keçmiş sənaye naziri həbs edilib
"Ayaks" bu hücumçunu Bakıya gətirmir - AÇIQLANDI
“Crew Dragon”-un Yerə qayıdışı yenidən təxirə salınıb
Mask ABŞ-nin gələcəyi ilə bağlı proqnoz verdi
Pekində Çin şirkətləri ilə yaşıl enerji əməkdaşlığının genişləndirilməsi müzakirə edilib
Ölkə ərazisində müşahidə olunan faktiki hava
Ağ Evdən açıqlama: BRİKS bizim üçün təhlükə deyil
FHN: Yağış Bakı və Abşeronda fəsadlar yaradıb, 8 vətəndaş təxliyə edilib
DİN: Hava şəraiti ilə əlaqədar xidmətə əlavə qüvvə və naryad qrupları çıxarılıb
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!