Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Oktyabrın 20-də Bakı Avropa Liseyinin və onun nəzdində olan “Sərhədsiz Diplomatiya” Beynəlxalq Uşaq Diplomatiyası Mərkəzinin təşəbbüsü ilə paytaxtda “Dəniz Mall” ərazisindəki bulvarın sahilində “Yaşıl dalğa” ekoloji hərəkatının VI aksiyası keçirilib.
ropa Liseyindən AZƏRTAC-a bildirilib ki, “Yaşıl dalğa”nın budəfəki aksiyası Azərbaycanda keçiriləcək COP29 iqlim konfransına həsr edilib. Bu təşəbbüsün davamlı xarakter daşıması və onun ənənəvi tədbir kimi həyata keçirilməsi şagirdlərdə ekoloji tərbiyənin aşılanmasına, gənc nəsildə ekoloji savadlılığı və dəyərlərə münasibəti inkişaf etdirməyə xidmət edir.
Bu ilin VI aksiyasının leytmotivi belə olub: “Qarabağ dünya ekosisteminin zəngin diyarıdır”.
Bayram əhvali-ruhiyyəsində keçən tədbir şagirdlərin təbiətə həsr olunmuş rəqsləri ilə başlanıb. Sonra Ekologiya və Təbii Sərvətlər Nazirliyinin nümayəndəsi Səriyyə Məmmədova məktəblilərə “Qarabağın flora və faunası: Azərbaycanın və dünyanın təbiət xəzinəsi və erməni ekoloji vandalizminin nəticələri” haqqında yığcam və məzmunlu məlumat verib.
Konsert proqramı ilə davam edən tədbirdə tamaşaçılar təbiətin dörd ünsürünü (Su, Od, Yel, Torpaq) əks etdirən rəngarəng rəqsləri və mahnıları izləyiblər. Bu rəqs və mahnılar Bakı Avropa Liseyinin Novruz bayramı üçün bu il hazırladığı “Qızıl toxum” musiqili tamaşasının hissələri idi. Çıxışlar tədbir iştirakçıları tərəfindən hərarətlə qarşılanıb.
Tədbirin ikinci hissəsində şagirdlərin bir qismi asfaltda Qarabağın florasına həsr olunmuş rəsmlərdən ibarət yer vernisajı yaradıblar. Digər şagirdlər isə bulvar mütəxəssislərinin köməyilə Dənizkənarı Bulvar İdarəsi və Ekologiya və Təbii Sərvətlər Nazirliyi tərəfindən bu aksiyaya ayrılmış Azərbaycanın endemik bitkilərinin tinglərini əkiblər. Onu da qeyd edək ki, 2018-ci ildən başlanmış “Yaşıl dalğa” aksiyaları nəticəsində “Çayka” restoranın arxasındakı xiyabanda əkilmiş 100-dən çox ağac artıq böyüyüb və bu əraziyə xüsusi gözəllik verib. İkinci xiyabanda keçən il əkilmiş 50 ağacın yanına budəfəki aksiyada 40 ağac da əlavə edilib.
Noyabr ayında bəşəriyyətin diqqətini planetimizin iqlimi, flora və faunasının mühafizəsi və digər ekoloji problemlərin həllinə cəlb etmək üçün müxtəlif ölkələrdən Bakı şəhərinə on minlərlə nümayəndələr gələcəklər. Bakı Avropa Liseyinin şagirdləri də COP29 tədbirinə Bakı bulvarında 40 ağacın əkilməsi ilə öz kiçik töhfəsini verdilər.
Tədbir 200-ə yaxın iştirakçını əhatə edib. “Yaşıl dalğa” aksiyası Bakı bulvarına gələnlərin və paytaxt qonaqlarının diqqətini çəkib və böyük marağa səbəb olub.
Prezident İlham Əliyev ABŞ Prezidentinin xüsusi köməkçisini qəbul edib YENİLƏNƏCƏK
Türkiyə mediası FETÖ terror təşkilatı başçısının ölüm xəbərini yayıb
Britaniya öz səmasını qoruya bilməyəcək
Pentaqonun rəhbəri Kiyevə elan olunmamış səfər edib
Türkiyənin xüsusi xidmət orqanları təhlükəli terrorçuları məhv edib
Energetika naziri Çində səfərdədir
Helikopter radio qülləsinə çırpıldı
Azərbaycanlı hakim UEFA-dan yeni təyinat alıb
Argentinada güclü zəlzələ baş verib
Yeni prezident səlahiyyətlərinin icrasına başladı
Pərviz Şahbazov Çində keçiriləcək 3-cü Kəmər və Yol Enerji Nazirləri Konfransında iştirak edəcək
Dünya birjalarında neft bahalaşıb
Parlamentlərarası İttifaqın sessiyasında erməni tərəfinin həqiqətdən uzaq fikirləri ifşa edilib
Sandu Moldovada keçirilən prezident seçkilərində liderdir
Misli Premyer Liqası: “Sabah” və “Zirə” heç-heçə edib, “Turan Tovuz” qalib gəlib
Azərbaycanın boks millisi Avropa çempionatını 4 medalla başa vurub
Bakı Avropa Liseyinin “Yaşıl dalğa” hərəkatının VI aksiyası COP29-a həsr olunub
Azərbaycanın daha bir boksçusu Avropa çempionatında gümüş medal qazanıb
Gürcü ekspert: Qərb dövlətlərində Gürcüstanın daxili işlərinə maraq həddindən artıq çoxdur
Avropa çempionatı: Azərbaycan boksçusu gümüş medal qazanıb
“Azərişıq” ASC-dən genişmiqyaslı ağacəkmə aksiyası
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!