№ 286
Azərbaycan Respublikası Nazirlər Kabinetinin QƏRARI
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “İstilik təchizatı haqqında” Azərbaycan Respublikasının 2025-ci il 24 iyun tarixli 222-VIIQ nömrəli Qanununun icrasını təmin etmək məqsədilə Azərbaycan Respublikasının Nazirlər Kabineti qərara alır:
“Azəristiliktəchizat” Açıq Səhmdar Cəmiyyətinin Nizamnaməsi”nin təsdiq edilməsi haqqında” Azərbaycan Respublikası Nazirlər Kabinetinin 2005-ci il 14 dekabr tarixli 229 nömrəli Qərarında (Azərbaycan Respublikasının Qanunvericilik Toplusu, 2005, № 12, maddə 1229 (Cild I) aşağıdakı dəyişikliklər edilsin:
1. 2-ci hissə 3-cü hissə hesab olunsun və aşağıdakı məzmunda 2-ci hissə əlavə edilsin:
“2. Bu Qərarda dəyişiklik Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə”nin 3.5-ci bəndinə uyğun edilə bilər.”.
2. Həmin Qərarla təsdiq edilmiş “Azəristiliktəchizat” Açıq Səhmdar Cəmiyyətinin Nizamnaməsi”ndə aşağıdakı dəyişikliklər edilsin:
2.1. 3-cü hissə üzrə:
2.1.1. 3.2.6-cı yarımbənddən “, nəqli” sözü çıxarılsın;
2.1.2. 3.2.7-ci və 3.2.8-ci (birinci halda) yarımbəndlərə ismin müvafiq hallarında “təchizat” sözündən əvvəl “istilik” sözü əlavə edilsin;
2.1.3. 3.2.13-cü yarımbənddən “enerjisi” sözü çıxarılsın;
2.1.4. 3.2.14-cü, 3.2.16-cı, 3.2.19-cu, 3.2.20-ci və 3.2.22-ci yarımbəndlərə ismin müvafiq hallarında “təchizat” sözündən əvvəl “istilik” sözü əlavə edilsin;
2.2. “Qeyd” hissəsi ləğv edilsin.
Əli Əsədov,
Azərbaycan Respublikasının Baş naziri
Bakı şəhəri, 9 sentyabr 2026-cı il
