18 Noyabr 2026 16:38
103
CƏMİYYƏT
A- A+
Azərbaycanda startap ekosistemi böyüyür 

Azərbaycanda startap ekosistemi böyüyür 


İnnovativ ideyaların sayı 345-ə çatdı


Böyük dəyişikliklər bəzən kiçik bir ideyadan başlayır. Bir problemin fərqli həlli, gündəlik həyatı asanlaşdıran rəqəmsal platforma, süni intellektin imkanlarına söykənən yeni texnologiya... Bu ideyalar zamanla biznesə, biznes isə iqtisadi inkişafın yeni hərəkətverici qüvvəsinə çevrilir.

Azərbaycanda innovativ sahibkarlığın inkişafı üçün yaradılan imkanlar getdikcə daha çox biznes subyektinin bu sahəyə marağını artırır. Bunun göstəricilərindən biri də “Startap” şəhadətnaməsi almış kiçik və orta biznes subyektlərinin sayının 345-ə çatmasıdır. Şəhadətnamənin verilməsi məqsədilə yaradılmış Ekspertlər Şurasının növbəti iclaslarında təqdim olunan layihələrə baxılıb və daha bir qrup KOB subyekti bu dəstək mexanizmindən yararlanmaq hüququ qazanıb.

Təsdiqlənən layihələrin əhatə dairəsi isə kifayət qədər genişdir. İnformasiya texnologiyaları və süni intellekt, elektron ticarət və maliyyə texnologiyalarından tutmuş təhsil, səhiyyə, kənd təsərrüfatı, logistika, nəqliyyat və turizmədək müxtəlif sahələrdə yeni həllər hazırlanır. Hüquq və biznes xidmətləri, reklam və marketinq, tədbirlərin təşkili də innovativ təşəbbüslərin istiqamətləri sırasındadır. Mənzərə göstərir ki, startap anlayışı artıq yalnız texnologiya sahəsində fəaliyyət göstərən kiçik komandalarla məhdudlaşmır. İnnovasiya iqtisadiyyatın müxtəlif sahələrinə nüfuz edir, ənənəvi biznes modellərinə yeni nəfəs gətirir, xidmətlərin təqdim olunma formasını dəyişir.

“Startap” şəhadətnaməsinin əhəmiyyəti isə yalnız innovativ ideyanın tanınması ilə bitmir. Bu sənəd sahibkarlar üçün konkret iqtisadi üstünlük də yaradır. Belə ki, şəhadətnamə alan KOB subyektləri onu əldə etdikləri tarixdən etibarən üç il müddətində innovasiya fəaliyyətindən əldə etdikləri gəlirlər üzrə mənfəət və gəlir vergisindən azad olunurlar. Bu güzəşt yeni ideyaların reallaşması, biznes təşəbbüslərinin inkişafı və startapların bazarda möhkəmlənməsi üçün əlavə imkanlar açır.

345 şəhadətnamə, əslində, 345 innovativ biznes təşəbbüsünün göstəricisidir. Bu rəqəmin arxasında isə təkcə yaradılan şirkətlər deyil, yeni yanaşmalar, texnoloji həllər və iqtisadiyyatın gələcəyinə yönələn ideyalar dayanır. Əsas məsələ bu ideyaların şəhadətnamə ilə kifayətlənməyərək dayanıqlı bizneslərə, rəqabətqabiliyyətli məhsullara və real iqtisadi dəyərə çevrilməsidir.

Züleyxa ƏLİYEVA, 

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycanda startap ekosistemi böyüyür 

16:38
18 Noyabr

Rusiyada məhsuldarlığı 15 faizədək artıran biopreparatlar hazırlanıb  

16:24
18 Noyabr

Bakıda ödənişli hərəkət zonalarına daxil olan avtomobillərdən toplanan vəsait dövlət büdcəsinə köçürüləcək  

16:10
18 Noyabr

Çində keçəlliklə mübarizə üçün xüsusi daraq hazırlanıb  

16:09
18 Noyabr

Masallıda bir müəllim var...  

16:08
18 Noyabr

Kreml: APEC sammitində Putin ilə Tramp arasında tammiqyaslı danışıqlar gözlənilmir  

15:57
18 Noyabr

Sosial media qadağasının uşaqlara təsirlərini araşdırmaq üçün elmi tədqiqatlara başlanılıb  

15:52
18 Noyabr

Macarıstanda kilsə şkafında saxlanılan sümüyün krala məxsus olduğu DNT ilə təsdiqlənib  

14:49
18 Noyabr

Azərbaycan və Avstriya XİN-ləri arasında siyasi məsləhətləşmələr keçirilib

14:49
18 Noyabr

Aksiyalardan yorulan Fransa polisi mövcud vəziyyətə etiraz edir

14:46
18 Noyabr

Azərbaycan millisi FIFA reytinqində mövqeyini yaxşılaşdırıb

14:31
18 Noyabr

bp ilə Avropa və Asiya arasında elektrik enerjisi bağlantılarının inkişafı barədə fikir mübadiləsi aparılıb

14:23
18 Noyabr

Latviya Respublikasının Prezidenti Zati-aliləri cənab Edqars Rinkeviçsə  

14:13
18 Noyabr

Omanın Sultanı Əlahəzrət Heytəm bin Tariq Al Səidə

14:09
18 Noyabr

Emin Əmrullayev: İxtisas seçimi yalnız qəbul balına əsaslanmamalıdır

14:04
18 Noyabr

Dünya və Avropa çempionu olmuş futbolçu karyerasını başa vurub

13:56
18 Noyabr

Anar Əliyev: Minimum əməkhaqqının artırılması özəl sektorda da maaş artımına təkan verir

13:36
18 Noyabr

ABŞ Prezidentinin Çinə səfəri başlayıb

13:18
18 Noyabr

Milli prioritetlərə xidmət edən maliyyə strategiyası

13:17
18 Noyabr

Özbəkistan Aral dənizi quruduğuna görə ekoloji fəlakətlə üzləşən bölgəyə 5 milyard dollar investisiya ayırır  

13:09
18 Noyabr

Vladimir Putin ABŞ Prezidenti ilə danışıqlar ərəfəsində Çində bir sıra görüşlər keçirir  

13:03
18 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!