06 Dekabr 2023 18:53
218
SİYASƏT
A- A+

Azərbaycan-Efiopiya parlamentlərarası dostluq qruplarının görüşü baş tutub

 

Dekabrın 6-da Milli Məclisin Efiopiya ilə parlamentlərarası əlaqələr üzrə işçi qrupu üzvlərinin Efiopiya Parlamenti Xalq Nümayəndələr Palatasının Azərbaycanla Parlament Diplomatiya və Dostluq qrupunun sədri xanım Bethelhem Lakyunun başçılıq etdiyi nümayəndə heyəti ilə görüşü keçirilib.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, görüşdə Efiopiya ilə parlamentlərarası əlaqələr üzrə işçi qrupunun rəhbəri Rəşad Mahmudov iki ölkə arasında münasibətlərin genişləndiriməsinin əhəmiyyətindən danışıb, bu istiqamətdə qarşılıqlı səfərlərin vacibliyini qeyd edib. O, ikitərəfli münasibətlərin inkişafında parlamentlərin rolundan bəhs edib, parlamentlərarası əlaqələrin inkişaf etdirilməsinin vacibliyindən, hər iki ölkənin parlamentlərində fəaliyyət göstərən dostluq qrupları arasında əməkdaşlığın möhkəmləndirilməsi üçün səylərin göstərilməsindən söhbət açıb.

Deputat regionda yaranmış yeni reallıqlar barədə məlumat verib, Azərbaycanın öz əzəli torpaqlarını Ermənistanın işğalından azad etdiyini, hazırda bu ərazilərdə bərpa və yenidənqurma işlərinin həyata keçirildiyini bildirib.

Efiopiya ilə parlamentlərarası əlaqələr üzrə işçi qrupunun üzvü Nigar Arpadarai Azərbaycanın öz torpaqları uğrunda apardığı Vətən müharibəsi, son dövrlərdə həyata keçirilən uğurlu lokal antiterror tədbirləri barədə danışıb.

Efiopiya Parlamenti Xalq Nümayəndələr Palatasının Azərbaycanla Parlament Diplomatiya və Dostluq qrupunun sədri Bethelhem Lakyu səmimi görüşə görə minnətdarlığını ifadə edib. O, Efiopiyanın Azərbaycanla əlaqələrin genişlənməsinə önəm verdiyini deyib. Qonaq qanunvericilik orqanları arasında münasibətlərin möhkəmləndirilməsinin, parlamentlərarası dostluq qruplarının əlaqələrinin intensivləşdirilməsinin vacibliyini, bu baxımdan qarşılıqlı səfərlərin, keçirilən görüşlərin əhəmiyyətini qeyd edib.

Efiopiya nümayəndə heyətinin üzvləri Vondimu Tekle Siqo, Tofiq Abdullahi Əhməd iki ölkə arasında parlamentlər səviyyəsində əlaqələrin inkişafı ilə bağlı fikirlərini açıqlayıblar.

Söhbətdə parlamentlərarası əlaqələrin genişləndirilməsi, beynəlxalq qurumlar çərçivəsində əməkdaşlığın inkişafı ilə bağlı fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video