ADA Universitetində “Məzun günü”
İyunun 13-də ADA Universitetində “Məzun günü” keçirilib.
AZƏRTAC xəbər verir ki, ADA Universitetini bu il bitirən 700-dək məzunun iştirakı ilə keçirilən tədbirə valideynlər, professor-müəllim heyəti, tərəfdaş qurum və şirkətlərin nümayəndələri qatılaraq məzunların sevincinə şərik olublar.
Tədbir ənənəvi olaraq ADA Universitetinin beynəlmiləl ruhunu əks etdirən bayraq keçidi ilə başlayıb. Keçid zamanı əcnəbi tələbələr təmsil etdikləri ölkələrin bayraqlarını səhnəyə gətiriblər. Daha sonra isə Azərbaycan Respublikasının Dövlət Himni səsləndirilib.
ADA Universitetinin məzunları Cavid Şahməmmədli və Könül Əzizli tədbirin aparıcıları qismində qonaqları salamlayıblar. Onlar dinamik, yaddaqalan “ADA həyatı”nın ən maraqlı xatirələrini qonaqlarla bölüşüb, burada aldıqları təhsilin məzunlara qazandırdığı dəyərlərdən bəhs ediblər. Məzunlar həyatlarının yeni qədəm qoyduqları növbəti mərhələsində ADA Universiteti təhsilinin onlara daim bələdçilik edəcəyinə əminliklərini bildiriblər.
Tədbirdə çıxış edən ADA Universitetinin akademik işlər üzrə prorektoru Elkin Nurməmmədov geridə qalan akademik il ərzində tələbə və məzunların uğurlarından bəhs edib: “Cari 2023-2024-cü tədris ili ADA Universiteti üçün xüsusilə əlamətdar olub. Belə ki, bu il ADA Universitetinin biznes proqramları beynəlxalq “ACBSP” akkreditasiyası əldə edib. Bu il həm də ADA Universitetindən ilk ADA Məktəbi məzunlarımızın buraxılış ilidir. Bundan əlavə, ADA Corc Vaşinqton Universiteti ilə birgə təqdim etdiyi ikili magistr proqramı olan “Elektrik və elektroenergetika mühəndisliyi”nin ilk məzun sinfini yola salır. Həmçinin bu il ADA Universitetinin Qazax Mərkəzində Azərbaycan dilində təqdim edilən “Təhsil üzrə menecment” və “Təlim və tədrisin təşkili və metodikası” üzrə proqramların da ilk məzun sinfi yola salınır”.
Mərasimin xüsusi qonağı qismində Azərbaycanın ekologiya və təbii sərvətlər naziri, COP29-un müəyyən olunmuş prezidenti Muxtar Babayev çıxış edərək deyib: “COP29-a ev sahibliyi etməyə hazırlaşarkən biz təkcə mühüm danışıqlara kömək etmirik, həm də iqlim liderliyinə sadiqliyimizi nümayiş etdiririk. Bu, atdığımız addımların gələcək nəsillərə fayda verməsini təmin etmək deməkdir. Məzunlar bu mirasın ayrılmaz hissəsidir”.
Nazir tələbələrə müraciət edərək bildirib ki, yaşıl dünyanın çempionu olmaq, davamlılığı təşviq etmək, karbon izimizi azaldan təşəbbüslərdə iştirak etmək və başqalarını bu mühüm missiyada sizə qoşulmağa ruhlandırmaq üçün burada, ADA Universitetində əldə edilən bilik və bacarıqlardan istifadə etmək önəmlidir.
Sonda ADA Universitetinin rektoru səfir Hafiz Paşayev çıxış edərək məzunlara cəmiyyətin inkişafına öz bilik və bacarıqları ilə töhfə verməyə, “həyatboyu öyrənmə”ni öz həyat tərzlərinə çevirməyə səsləyib. Builki “Məzun günü”nün əlamətdar bir dövrə - Azərbaycanın COP29 kimi mötəbər tədbirə ev sahibliyi etməsinə təsadüf etdiyini bildirən rektor Hafiz Paşayev gənclərə üzünü tutaraq onlara ölkəmizin adını daim ucaltmağı, Qələbəmizi öz töhfələri ilə daha da gücləndirməyi, “ADA Universiteti məzunu” adını layiqincə qoruyub saxlamağı və burada qazandıqları dəyərlərə sadiq qalmağı tövsiyə edib.
ADA Universitetinin təhsillə bağlı hazırkı və gələcək planlarına toxunan rektor Hafiz Paşayev ADA İbtidai Məktəbinin təsis olunması xəbərini qonaqlarla bölüşüb.
Mərasimdə, həmçinin ADA Universitetinin magistr dərəcəsi üzrə məzunu Leyla Həsənova çıxış edərək məzunları əldə etdikləri bilik və bacarıqları iqlim məsələlərinin həllində tətbiq etməyə səsləyib.
Çıxışlardan sonra diplomların təltifetmə mərasimi olub. Daha sonra isə bədii proqram təqdim olunub. Məzunlar klassik və müasir musiqi sədaları altında bir-birini təbrik edib, xatirə şəkli çəkdiriblər.
Xatırladaq ki, ümumilikdə 2023-2024-cü tədris ili üzrə ADA Universitetindən 453 tələbə bakalavriat və 202 tələbə isə magistratura üzrə məzun olurlar. Bakalavriat və magistratura səviyyələrində təqdim edilən 16 ixtisasdan məzun olan tələbələrin 632-si yerli, 23-ü isə əcnəbidir. Əcnəbi məzunların təmsil etdiyi ölkələr sırasında Belarus, Gürcüstan, İndoneziya, İran, Meksika, Moldova, Mozambik, Özbəkistan, Qazaxıstan, Rusiya Federasiyası, Seyşel Adaları, Sudan, Tacikistan, Ukraynanı qeyd etmək mümkündür.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyə Azərbaycana 100 min ağac tingi göndərib
18 Iyun
Küləkli hava şəraiti ilə bağlı sarı xəbərdarlıq edilib
18 Iyun
Azərbaycanın Milli Qəhrəmanı Mübariz İbrahimovun xatirəsi yad edilib
18 Iyun
Azərbaycan və Qazaxıstanın 50 milyon dollar sərmayəsi ilə Xəzərin dibinə optik xətt çəkilir...
18 Iyun
Macarıstan Milli Assambleyasının üzvlərinin Ağdama səfəri başlayıb
18 Iyun
Tədqiqat: Qədim mayyaların qurban ayinlərində oğlan uşaqları öldürülüb
18 Iyun
Ukraynadan daha 30 uşaq reabilitasiya xidmətləri ilə təmin edilmək üçün ölkəmizə gətirilib...
18 Iyun
Fransa Ermənistanı silahlandırmaqda davam edir
18 Iyun
David Smith: İqlimlə bağlı problemləri həll etmək üçün maliyyə çatışmazlığı var
18 Iyun
Türkiyədə aeroportlara girişdə təhlükəsizlik tədbirləri gücləndirilir
18 Iyun
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
![](/uploads/img/posts/2024/05/01/17145460146024422730_1200x630jpg-1714553055.jpg)
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
![](/uploads/img/posts/2024/04/29/17143764622902453710_1200x630jpg-1714386324.jpg)
Azərbaycan ilə Qırğızıstanın dostluğu və qardaşlığı əbədidir28 Aprel 2024
![](/uploads/img/posts/2024/04/28/17008099572680156102jpg-1714255447.jpg)
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
![](/uploads/img/posts/2024/04/26/17141299681482815741_1200x630jpg-1714134537.jpg)
Tərəfdaşlıqdan strateji müttəfiqliyə25 Aprel 2024
![](/uploads/img/posts/2024/04/25/1713790738_333a1292544ee6e82d23d870f888ebe9jpg-1714003908.jpg)
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
![](/uploads/img/posts/2024/05/01/88a5kc3rgz_003 (1)jpg-1714516186.jpg)
Tükdən nazik siyasət30 Aprel 2024
![](/uploads/img/posts/2024/04/30/manset Копированиеjpg-1714429427.jpg)
Qlobal liderdən həmrəylik çağırışı28 Aprel 2024
![](/uploads/img/posts/2024/04/28/1714119595170361765jpg-1714255382.jpg)
İlham Əliyevdən ədalət dərsi26 Aprel 2024
![](/uploads/img/posts/2024/04/26/17139801074569954971jpg-1714082856.jpg)
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
![](/uploads/img/posts/2024/04/25/1713980107297233510_1200x630jpg-1713990859.jpg)
"Dəmir yumruğ"un ikinci zərbəsi23 Aprel 2024
![](/uploads/img/posts/2024/04/23/Seh-1 Копированиеjpg-1713830353.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!