Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
ABŞ ölkəmizə qarşı qərəzli münasibəti ilə həmişə seçilib. İllərdir Ermənistanın Qarabağda başlatdığı separatçılıq hərəkatı ABŞ tərəfindən birmənalı olaraq dəstəklənib. Müxtəlif vaxtlarda qondarma rejimə rəhbərlik edən separatçıların Amerikaya səfərləri təşkil edilərək yüksəkvəzifəli rəsmi şəxslər tərəfindən qəbul ediliblər.
Müxtəlif adlarla Qarabağdakı separatçılara mütəmadi olaraq maliyyə və silah yardımı edən Ağ Ev ölkəmizə qarşı sanksiyalar tətbiq edərək Azərbaycanı təpədən-dırnağa silahlanmış Ermənistanın qarşısında əliyalın qoymaq istəməkdən belə, çəkinməyiblər. Problemin dondurulmasında, status-kvonun saxlanmasında maraqlı olan və buna cidd-cəhd göstərən rəsmi Vaşinqton, Azərbaycan hər dəfə problemi hərbi yolla həll etmək istədiyini açıqlayanda təlaşla bunun yolverilməz olduğunu bildirib.
2020-ci ildə Ermənistanın işğalçılıq niyyəti ilə başladığı müharibənin torpaqlarımızın işğaldan azad edilməsi, işğalçı dövlətin rüsvayçı məğlubiyyəti ilə başa çatması, illərdir problemin həllinə "vasitəçilik" edən ABŞ-ni daha da qəzəbləndirib. Azərbaycanın müstəqil siyasət yürütməsi, ölkəmizin ərazi bütövlüyünün tam bərpa edilməsi istiqamətində atdığı addımlar, Qarabağda ABŞ-nin geosiyasi maraqlarına zidd olan antiterror tədbirlərinin həyata keçirilməsi bu olkənin indiyə kimi "problemin həlli istiqamətində" apardığı siyasətin süqutu deməkdir.
Separatçı rejimin özünü buraxdığını elan etdikdən sonra ABŞ Konqresində "Dağlıq Qarabağın gələcəyi", eləcə də noyabrın 15-də ABŞ Senatının "2023-cü il erməniləri müdafiə aktı" qəbul etmələri onların indiyə kimi sərgilədiyi ikiüzlü və riyakar siyasəti tam çılpaqlığı ilə göstərdi. Bu günədək maskalanaraq özünü bizə tərəfdaş kimi göstərməyə çalışan ABŞ-nin əsl simasını tanıtdı.
Maraqlıdır, görəsən ABŞ 30 il torpaqlarımızı işğal edib, bir milyon insanımıza müsibətlər yaşadan Ermənistanı kimdən qoruyur? Məlumdur ki, bu gün bizə israrla "sülh protokolu"nun imzalanması üçün vasitəçilik təklif edən rəsmi Vaşinqtonu imzalanacaq sülh protokolundan çox özünün mənafeyi düşündürür. Artıq dünyada "Sülh", "Azadlıq", İnsan hüquqları" kimi cəlbedici sözlərin Amerikanın insanları aldatmaq üçün istifadə etdiyi gəlişigözəl ifadələr olduğunu, qarışıqlıq salaraq öz niyyətlərini gerçəkləşdirmək istəyini duymayan yoxdur.
Rusiya ilə Ukraynada hesablaşa bilməyən, milyardlarla pulunu göyə sovurub düşündüyü nəticəyə hələlik nail olmağı bacarmayan ABŞ-nin Cənubi Qafqazdan istədiyi nədir? Sülh, yoxsa müharibə? Deyildiyi kimi, əsl məqsəd Qarabağ probleminin həllidirsə, bunu Azərbaycan birdəfəlik həll edərək işə xitam verib. Amma görünür, Amerikanı öz maraqları düşündürür və bu maraqlar naminə də indi hər cür riyakarlıq edir.
Sirr deyil ki, ABŞ Konqresinə yaxınlığı ilə tanınan, Azərbaycana qarşı mütəmadi olaraq qərəzli mövqe sərgiləyən "The Washington Post" qəzeti son vaxtlar ölkəmizə qarşı qarayaxma kampaniyasına başlayıb. Dövlətimizə qarşı ittiham dolu məqalələri ilə tanınan bu mətbuat orqanında 2023-cü ildə Azərbaycanda söz azadlığı, korrupsiya, Ermənistanla münasibətlərə dair 5 yazı dərc olunub. Həmin məqalələrdə Azərbaycanın ərazi bütövlüyünü tam bərpa etməsi yolunda atdığı addımlardan, antiterror tədbirlərin keçirilməsindən bəhs edilir. Bu bir faktdır ki, istər ABŞ rəsmiləri, istərsə də "The Washington Post" qəzeti Ermənistan-Azərbaycan konfliktinin baş verdiyi bu illər açıq mətnlə "Qarabağı Ermənistana verin" ifadəsini işlətməyiblər, əvəzində dolayı yolla hər cür riyakarlıq ediblər. Beləcə, özünü "ədalət mücəssəməsi" hesab edən qəzet maliyyə qarşılığı nəticəsində Amerikada fəaliyyət göstərən erməni lobbisinin və müəyyən siyasi dairələrin sifarişini həyata keçirən bir vasitəyə çevrilib. Nəzərə alsaq ki, ABŞ seçkilərə hazırlaşır, onda erməni lobbisindən maliyyə yardımı və dəstək almağa çalışan, Demokratlar Partiyasına yaxınlığı ilə seçilən "The Washington Post" qəzetinin də, Azərbaycana qərəzli hücumlar təşkil edən Ağ Ev rəsmilərinin də dərdlərini anlamaq olar.
Müntəzəm olaraq Azərbaycanı hədəfə alan, ölkəmiz haqqında mənfi imic formalaşdırmağa çalışan qəzet dövlətimizi cidd-cəhdlə gözdən salmağa çalışır. İnsan hüquqlarını heçə sayan, demokratik dəyərlərə qiymət verməyən bir ölkə Qarabağı "mübahisəli ərazi" kimi təqdim edir. "The Washington Post"un əsas məqsədi öz bədnam niyyətlərini, sərsəm düşüncələrini oxucularına reallıq kimi təqdim edərək ölkəmizə qarşı mənfi imic formalaşdırmaqdır.
Əsas hədəf isə müstəqil siyasət yürüdən, Qarabağın xilaskarı Prezident İlham Əliyevdir. ABŞ siyasi dairələrinin və erməni lobbisinin sifarişləri əsasında Azərbaycana qarşı qərəzli, ölkə rəhbərliyini hədəfə alan məqalənin dərc olunması "The Washington Post" qəzetinin yazdığı nə ilk yazıdır, yəqin ki, heç sonuncu da olmayacaq. Azərbaycan hər dəfə uğura imza atanda Dövlət Departamentinin sifarişi ilə "The Washington Post" və onun kimi digər media qurumlarında ölkəmizə qarşı belə hücumların təşkil olunduğuna artıq adət etmişik.
Azərbaycanın Qarabağda erməni separatizminə son qoyması Bayden hakimiyyətini oyuncağı əlindən alınmış uşağın vəziyyətinə salıb. Ermənilərin Qarabağdan könüllü çıxmaları ABŞ-nin ermənilərin "hüquq və azadlıqları"nın pozulması ilə bağlı ölkəmizə qarşı manipulyasiya etmək imkanlarını məhdudlaşdırıb. ABŞ-nin sözlərinə "hə" deməyən Azərbaycanın öz əraziləri üzərində suverenliyini bərpa etməsi dünya ağalığına iddialı olan ABŞ-ni qıcıqlandırır. İstədiklərini qəbul etdirə bilməyən Ağ Ev cığallıq edərək "The Washington Post" qəzeti vasitəsilə ölkəmizi "atəş"ə tutur. Türklərdə belə bir deyim var: "Atəş düşdüyü yeri yandırar". Amerikada da bilməlidirlər ki, pul müqabilində sifarişlə ölkəmiz haqqında yazdıqları qeyri-obyektiv, qərəzli yazılarla Azərbaycandan nifrətdən başqa heç nə qopara bilməyəcək.
Elşən QƏNİYEV,
"Azərbaycan"
"Neftçi" yeni baş məşqçisinin gəlişindən nə qazandı?
Mahir Emreli: "Vurduğum qol mənə böyük motivasiya verdi"
Prezident İlham Əliyev “MAN Truck&Bus” şirkətinin baş direktorunu qəbul edib YENİLƏNİB
Səfirlik nümayəndəsi: Azərbaycan və Ermənistan arasında imzalanacaq sülh nəticəsində yeni nəqliyyat dəhlizləri yarana bilər
Azərbaycanla Belçika arasında minatəmizləmə ilə bağlı əməkdaşlıq perspektivləri müzakirə edilib
FHN: Bakı şəhəri və Abşeron rayonunda su basmış ərazilərdən 31 vətəndaş təxliyə edilib
Ötən gün təhvil götürülən silah-sursatın sayı açıqlanıb
Britaniyanın Lordlar palatasının üzvləri Ulu Öndərin məzarını ziyarət ediblər
Azərbaycan neftinin qiyməti artıb
Azərbaycan parlamentində 19 məsələnin müzakirəsinə başlanılıb
Əksər bölgələrdə yağıntılı hava şəraitində fasilə yaranıb
Mask aksiya iştiraçkısına 1 milyon dollarlıq çek verdi
Venesuelada keçmiş sənaye naziri həbs edilib
"Ayaks" bu hücumçunu Bakıya gətirmir - AÇIQLANDI
“Crew Dragon”-un Yerə qayıdışı yenidən təxirə salınıb
Mask ABŞ-nin gələcəyi ilə bağlı proqnoz verdi
Pekində Çin şirkətləri ilə yaşıl enerji əməkdaşlığının genişləndirilməsi müzakirə edilib
Ölkə ərazisində müşahidə olunan faktiki hava
Ağ Evdən açıqlama: BRİKS bizim üçün təhlükə deyil
FHN: Yağış Bakı və Abşeronda fəsadlar yaradıb, 8 vətəndaş təxliyə edilib
DİN: Hava şəraiti ilə əlaqədar xidmətə əlavə qüvvə və naryad qrupları çıxarılıb
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!