Qərar № 53/262
2025-ci il yanvarın 29-na təyin edilmiş bələdiyyə seçkilərində Klassik Xalq Cəbhəsi Partiyası İdarə Heyətinin 2024-cü il 9 dekabr tarixli iclasının qərarı ilə səlahiyyətli nümayəndələr və maliyyə məsələləri üzrə səlahiyyətli nümayəndələr təyin edilmiş və həmin şəxslərin qeydə alınması üçün müvafiq sənədlər Azərbaycan Respublikasının Mərkəzi Seçki Komissiyasına (bundan sonra - Mərkəzi Seçki Komissiyası) təqdim olunmuşdur.
Mərkəzi Seçki Komissiyası bununla əlaqədar Azərbaycan Respublikası Seçki Məcəlləsində (bundan sonra - Seçki Məcəlləsi) nəzərdə tutulmuş müddətdə və qaydada müvafiq araşdırma aparıb, təqdim edilmiş şəxslərin qeydə alınması üçün əsasların olmasını müəyyən etmişdir.
Mərkəzi Seçki Komissiyası Seçki Məcəlləsinin 19.4-cü, 19.14-cü, 28.2-ci, 28.4-cü və 52-ci maddələrinə əsasən qərara alır:
1. 2025-ci il yanvarın 29-na təyin edilmiş bələdiyyə seçkilərində aşağıdakı şəxslər Klassik Xalq Cəbhəsi Partiyasının səlahiyyətli nümayəndələri və maliyyə məsələləri üzrə səlahiyyətli nümayəndələri kimi qeydə alınsınlar:
Səlahiyyətli nümayəndələr:
Saleh Qədimalı oğlu Qədimalıyev
İlham Aprel oğlu Axund
Yengibar Zakir oğlu Əhmədov
Ayət Davud oğlu Abasov
Elşən Xasay oğlu Həşimov
Tural Şəmsəddin oğlu Quliyev
Rəşid Ərşad oğlu Əliyev
Maliyyə məsələləri üzrə səlahiyyətli nümayəndələr:
Kamal Əşrəf oğlu Poladov
Bədəl Məmməd oğlu Abbaslı
Vahid Əmirxan oğlu Cəbrayılov
Ağagül Nəhməd oğlu Əmənov
Şahin Əliş oğlu Vəliyev
Tərlan Əsgər oğlu Əhmədov.
2. Bu Qərar dərc edildiyi gündən qüvvəyə minir.
Sədr Məzahir Pənahov
Katib Arifə Muxtarova
Katib Mikayıl Rəhimov
18.12.2024
