Heydər Əliyev Fondunun təşəbbüsü ilə reallaşan “Yeniləşən Azərbaycana yeni məktəb” proqramı çərçivəsində ölkəmizin bir çox regionlarında beynəlxalq tələblərə cavab verən yeni məktəb binalarının inşasına, onların müasir avadanlıqla təchiz olunmasına xüsusi diqqət yetirilir, bir sıra köhnə məktəb binalarının əsaslı təmiri istiqamətində mühüm işlər görülür.
AZƏRTAC-ın bölgə müxbiri xəbər verir ki, Prezident İlham Əliyev ötən gün İsmayıllı şəhərində açılışında iştirak etdiyi 1296 şagird yerlik “Talıstan” liseyinin binası da “Yeniləşən Azərbaycana yeni məktəb” proqramı çərçivəsində inşa olunub.
Heydər Əliyev Fondunun əməkdaşı Cəmil Əliyev jurnalistlərə açıqlamasında bildirib ki, “Yeniləşən Azərbaycana yeni məktəb” proqramının məqsədi ölkəmizdə elm və təhsilin inkişafına töhfə vermək, şagirdlərimizin, gənclərimizin sağlam və keyfiyyətli şəraitdə təhsil almasına nail olmaqdır.
Dörd mərtəbədən və 5 korpusdan ibarət binada 56 sinif otağı, kimya, fizika və biologiya laboratoriyaları, informatika, texnologiya, gənclərin çağırışaqədərki hazırlıq kabinetləri, kitabxana, 300 yerlik akt zalı, idman zalı və yeməkxana yaradılıb.
Bu layihənin icrası Prezident İlham Əliyevin rəhbərliyi ilə həyata keçirilən dövlət siyasətində təhsil sahəsinə ayrılan diqqətin göstəricisidir. Ölkəmizdə təhsilin inkişafında, onun maddi-texniki bazasının möhkəmlənməsində Heydər Əliyev Fondunun müstəsna xidmətləri var. Fond Azərbaycanın sosial-iqtisadi inkişafının ən mühüm və zəruri sahələrindən biri kimi müəyyənləşdirilmiş təhsilin inkişafına daim xüsusi diqqət və qayğı ilə yanaşır, bu istiqamətdə bir neçə vacib layihə həyata keçirir. Müasir məktəblərin qurulması həm də Azərbaycan dövlətinin prioritetləri sırasında əsas yer tutur. Ölkəmizdə təhsil müəssisələrinin əsaslı təmiri, yenidən qurulması və yenilərinin inşası, onların zəruri tədris avadanlığı ilə təchizi gənc nəslin daha savadlı və bilikli yetişməsində mühüm rol oynayır.
jpg_1765410473.jpg)
jpg_1765188547.jpg)
